Azərbaycanda iş qrafiki dəyişməlidirmi?

Tarix: 29.07.2015 / 03:02
Bölmə: Gündəm

İlqar Hüseynli: "Sözügedən təklifə özəl sektorda

çalışanların nə cür yanaşdıqlarını nəzərə almaq lazımdır"

"Almaniya kimi bir ölkədə iş vaxtı səhər saat 6:00-dan başlayır, gündüz 3:00-da qurtarır"

Azərbaycanda iş saatı dəyişdirilir. Bu barədə Baş nazirin müavini Abid Şərifov mətbuata açıqlamasında bildirib. Onun sözlərinə görə, Azərbaycanda institutlar, dövlət müəssisələri eyni zamanda işə başlayır: "Əksəriyyəti 9-da, ya da doqquzun yarısında.

Biz bu qərarı qəbul etməzdən qabaq mən sizə konkret sxemlərdə təqdim edə bilərəm ki, hansı ölkələrdə necədir. Avropa ölkələrinin hamısında, yalnız Avropa ölkələri yox, bütün dünyada belədir".

Sözügedən məsələ ilə bağlı Abid Şərifovun açıqlamasından o da məlum olub ki, özəl sektorda iş saatının daha tez başlamasını tövsiyə edirlər":Biz özəl sektora göstəriş verə bilmərik. Biz aidiyyəti qurumlarımızdan xahiş edirik, tövsiyə edirik ki, özəl sektorla danışıqlar aparsınlar. Onlar işə başlamalıdır saat 8-in yarısından səkkizəcən. Dövlət sektoru - 9-un yarısından 10-un yarısına qədər. Bank sektorunda isə iş saat 10-dan başlamalıdır".

Qeyd edək ki, bu il Avropa Oyunları zamanı nəqliyyatda tıxacın və şəhərdə sıxlığın qarşısını almaqdan ötrü iş gününün müxtəlif saatlarda başlaması haqda qərar verilmişdi. Ümumən müşahidələr göstərdi ki, Oyunlar zamanı bunun bir sıra müsbət effektləri oldu. Yəni işin müxtəlif saatlarda başlaması həm tıxacların, həm də ümumən ictimai nəqliyyatda sərnişin sıxlığının azalmasına gətirib çıxardı.

Maraqlıdır, sözügedən təklifi ekspertlər necə dəyərləndirir?

Məsələ ilə bağlı fikirlərini "Bakı-Xəbər"lə bölüşən ekspert İlqar Hüseynli buna birmənalı prizmadan yanaşmadı: "Almaniya kimi bir ölkədə iş vaxtı səhər saat 6:00-dan başlayır, gündüz 3:00-da qurtarır. Orada ona görə belə iş qrafiki var ki, günün sonunda insanların sərbəst vaxt əldə etmək imkanları daha çox olsun. Bakı şəhəri daxilində sıxlığın aradan qaldırılması üçün Avropa Oyunları ərəfəsində belə bir rejim tətbiq olundu. Ondan sonra məsələ gündəmə gəlib. Əslində bunu özəl sektor özü dəyərləndirməlidir ki, nə dərəcədə bu onlara uyğundur. Öz iş qrafikinə uyğun olaraq işlərini nə dərəcədə çatdıra biləcəyini və işin qurulmasını nəzərə alaraq qərarı özəl sektor verməlidir. Ondan sonra Abid Şərifovun təklifini dəyərləndirmək olar. Yoxsa qadağalar formasında, inzibati qərarlara söykənərək bunun həyata keçirilməsi, hesab edirəm ki, doğru olmaz. Nəzərə almaq lazımdır ki, özəl sektor, onun tərkib hissəsi olan bank sektoru sərbəstdir. Ona görə də yeni bir iş qrafikinin rəsmi qərarlar əsasında tənzimlənməsi doğru olmaz. Sözügedən təklifə özəl sektorda çalışanların nə cür yanaşdığını nəzərə almaq lazımdır. Yaxşı olardı ki, bununla bağlı geniş rəy sorğuları keçirilsin. Rəy sorğularından sonra məlum olacaq ki, bu təklif məqbuldur, yoxsa qeyri-məqbul. Bir şeyi də nəzərə almaq lazımdır ki, digər sahələrdə olduğu kimi, özəl sektorda çalışanlar da şəhərin müxtəlif yerlərindən işə gəlir. Eləsi var ki, evi iş yerindən xeyli uzaqda yerləşir. Bu baxımdan həmin təklif ciddi müzakirə olunmalı və özəl sektorda çalışan vətəndaşların rəyi nəzərə alınmalıdır".

Vidadi ORDAHALLI

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...