Dolların ucuzlaşması müvəqqəti, ya uzunmüddətli prosesdir...

Tarix: 29.07.2015 / 03:12
Bölmə: Gündəm

Vüqar Bayramov: "Mərkəzi Bank iki valyutalı rejimə keçdiyi üçün son vaxtlar dolların məzənnəsi ucuzlaşır"

"Dollar avroya nisbətdə dəyərini itirirsə, manata da nisbətdə dəyərini itirmiş olur"

Azərbaycan Mərkəzi Bankının iyulun 28-nə olan rəsmi məzənnələr bülleteninə nəzər salanda məlum olur ki, ölkədə dolların rəsmi məzənnəsi 0,0004 manat və ya 0,04 faiz azalaraq 1,0488 manat təşkil edib.

Bivalyuta səbətinə daxil olan avronun məzənnəsinə gəlincə, manata nəzərən avrozonanın vahid valyutası 0,0068 manat və ya 0,59 faiz artaraq 1,1615 manat olub.

Ümumilikdə, son vaxtlar ölkənin valyuta bazarında belə hal daha çox müşahidə edilir: avronun manata olan məzənnəsi qalxdıqca, dollar ucuzlaşıb, dollar qalxdıqca avro ucuzlaşıb. Bütövlükdə, müşahidə olunan mənzərə ondan ibarətdir ki, son dövrlər dollar daha çox ucuzlaşmağa meyllidir. Azərbaycanın xarici iqtisadi siyasəti həm dollar, həm də avro ilə aparılır. Bu zaman iki valyuta arasında nə baş verirsə, bu, ölkənin valyuta ehtiyatlarına da təsir edir. Bu valyutaların da daxili strukturlarında dəyişikliklər olur. Yəni avronun məzənnəsi aşağı düşdükdə dolların məzənnəsi artır. Nəticə etibarilə Azərbaycan burada heç nə itirmir.

Bəzi ekspertlərin fikrincə, xarici valyutaların məzənnəsinin oynamasının səbəbi Azərbaycandan asılı deyil. Buna səbəb Amerikanın iqtisadiyyatı və avrozona iqtisadiyyatıdır. Yəni valyuta bazarında hansı pula daha çox ehtiyac yaranırsa, ona da tələbat daha çox olur. Nəticədə həmin valyutanın məzənnəsində dəyişiklik olur. Bunu həm də onunla əlaqələndirirlər ki, ABŞ iqtisadiyyatında çox genişmiqyaslı dəyişikliklər baş verir. Məsələn, ölkə dollar əskinasını daha çox çap edir ki, valyutanın məzənnəsini aşağı salsın. Çünki dolların ucuzlaşması ABŞ-dan ixracatı daha da stimullaşdırır.

Bütün hallarda, son vaxtlar dolların məzənnəsində müşahidə olunan ucuzlaşma nə ilə bağlıdır?

Məsələyə münasibət bildirən iqtisadçı-ekspert Vüqar Bayramovun fikrincə, dolların ucuzlaşması Mərkəzi Bankın hazırda apardığı siyasətlə əlaqədardır. Onun fikrincə, MB iki valyutalı rejimə keçib: "Əvvəllər bir valyutalı rejim idi və məzənnə də əsasən buna görə müəyyən olunurdu. Yəni tək dollar idi. Buna görə də kurs ancaq dollara əsasən müəyyən edilirdi. Hazırda isə valyuta səbətində manatın məzənnəsini müəyyənləşdirmək üçün həm dolların, həm avronun payı var. Bu da iki valyutalı rejimin əsas göstəricisidir. Əvvəllər avronun Azərbaycandakı ehtiyat payı 30 faiz idi. Ancaq may ayından sonra MB avro ehtiyatını daha çox artırmağa başladı. Son məlumatlara görə, bu, 38 faizdir. Dünya bazarında dollar avroya nisbətən möhkəmlənirsə, avtomatik olaraq manata nisbətən də möhkəmlənir. Yaxud da əksinə, dollar avroya nisbətdə dəyərini itirirsə, manata da nisbətdə dəyərini itirmiş olur. Çünki artıq Azərbaycanın valyuta səbətində avro var. Rusiyada da oxşar praktika tətbiq olunur. Bu proses əksər MDB ölkələrində istifadə olunur. Yəni avronun dünya bazarında məzənnəsində hər hansı dəyişiklik olursa, bu, həmin ölkələrə də öz təsirini göstərir. Ona görə də hesab edirəm ki, məsələnin kökündə dayanan faktorlar bunlardır. Burada hansısa digər nüansları axtarmağa ehtiyac yoxdur".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...