General oğlu (?) "Lexus"lu gəncin "Təzə Pir" önündəki yol əhvalatı əslində belə olub...

Tarix: 29.07.2015 / 03:40
Bölmə: Gündəm

Bakı şəhər Baş Polis İdarəsi Şəhər Prokurorluğu ilə birgə məlumat yaydı

Bəzi saytlar hüquq-mühafizə orqanlarında çalışan, guya general rütbəli şəxslərdən birinin oğlunun idarə etdiyi "Lexus" markalı avtomobili polis əməkdaşının üstünə sürməsi barədə xəbər yayıb. Saytların iddiasına görə, hadisə 2 gün əvvəl Yasamal rayonunda, "Təzə Pir" məscidinin ətrafında baş verib.

Məlumatda bildirilir ki, dövlət tədbirilə əlaqədar polislər o ətrafda yolları bağlayıbmış. Həmin vaxt oradan keçən general oğlunun (?) da avtomobili saxlanıb. Lakin o, polisin qanuni tələbinə əhəmiyyət verməyərək maşını asayiş keşikçilərindən birinin üzərinə sürüb.

Bununla da ürəyi soyumayan "general oğlu" maşından düşərək həmin polis əməkdaşına hücum çəkib. Digər polislər yoldaşlarını "general oğlu"nun əlindən almaq üçün davaya müdaxilə ediblər. Məlumatda bildirilir ki, üzərinə maşın sürülən polis əməkdaşı ağır xəsarət alıb. Onun hazırda xəstəxanaların birində müalicə olunduğu bildirilir. Saytların məlumatına görə, hadisə yerinə ərazi üzrə polis idarəsinin rəhbərliyi də gəlib: "Məhz bu zaman aydın olub ki, hadisəni törədən general oğludur. Baş verənlər barədə daxili işlər naziri Ramil Usubova məruzə edilib. Nazirin hadisəyə reaksiyası sərt olub və o, general oğlunun həbs olunması barədə göstəriş verib. General oğlu polis idarəsinə, oradan isə məhkəməyə aparılıb. Barəsində həbs-qətimkan tədbiri seçilən general oğlu gecə ilə Kürdəxanı təcridxanasına göndərilib".

Mətbuatda sözügedən hadisə ilə bağlı "Bakı-Xəbər"in əldə etdiyi dəqiq məlumata görə, olayda adı keçən gənc hansısa polis generalının oğlu deyil. Redaksiyamıza daxil olan informasiyada bildirilir ki, oğlanın atası böyük dövlət şirkətlərindən birində mühəndis işləyir. Onun nə yaxın, nə də uzaq qohumları arasında bir nəfər də olsun general yoxdur. Məlumatda o da qeyd edilir ki, gənc ali məktəbi yeni bitirib və əsgəri xidmətə getməyə hazırlaşır. O ki qaldı daxili işlər naziri Ramil Usubovun göstərişinə, məlumatımıza görə, nazir Usubov, həmişə olduğu kimi, öz prinsipiallığına sadiq qalaraq yol hadisəsinin obyektiv araşdırılmasına göstəriş verib. Eyni zamanda gəncin dərhal həbs olunaraq Kürdəxanıya aparılması barədə nazirin göstəriş verdiyi də həqiqətə uyğun deyil. Sonda onu deyək ki, "Lexus" idarə edən gəncin atasının real kimliyi barədə əlimizdə dəqiq məlumat olsa da, hadisənin mahiyyəti ilə əlaqəli olmadığı üçün onu açıq yazmağa ehtiyac duymadıq.

Günün sonunda redaksiyamıza daxil olan məlumata görə, sözügedən insidentlə bağlı Bakı Şəhər Baş Polis İdarəsi Şəhər Prokurorluğu ilə birgə məlumat yayıb. Məlumatda deyilir":Bəzi kütləvi informasiya vasitələrində paytaxtın Yasamal rayonu ərazisində, guya valideyni hüquq-mühafizə orqanlarında işləyən və general ali xüsusi rütbəsi daşıyan şəxsin idarə etdiyi avtomobili həmin ərazidə xidmət aparan polis əməkdaşlarının üstünə sürərək onlara xəsarət yetirməsi barədə işin hallarına uyğun olmayan informasiyalar dərc olunub.

Belə ki, 25 iyul 2015-ci il tarixdə saat 17 radələrində Yasamal rayon sakini, 1994-cü il təvəllüdlü Hətəmov Elçin Elşad oğlu rayon ərazisində xidməti vəzifələrini yerinə yetirən Yasamal Rayon Polis İdarəsinin Post Patrul Xidməti Bölüyünün əməkdaşları Arif Qasımov və Tariyel Mahmudovun yol hərəkətinin tənzimlənməsi ilə bağlı qanuni tələblərinə tabe olmayaraq sonunculara təpik və yumruqla həyat və sağlamlıqları üçün təhlükəli olan zor tətbiq edərək xəsarətlər yetirməsində kifayət qədər əsaslı şübhələr olduğundan, faktla bağlı Rayon Prokurorluğunda Cinayət Məcəlləsinin 315.2-ci (hakimiyyət nümayəndələrinə qarşı müqavimət göstərmə və ya zor tətbiq etmə) maddəsi ilə cinayət işi başlanıb. E.Hətəmov iş üzrə təqsirləndirilən şəxs qismində cəlb olunaraq barəsində Rayon Məhkəməsinin qərarı ilə həbs qətimkan tədbiri seçilib. Hazırda iş üzrə istintaq tədbirləri davam etdirilir.

Göstərilənlərlə yanaşı bildiririk ki, E.Hətəmovun valideynləri hüquq-mühafizə orqanlarının əməkdaşı deyil və heç bir ali xüsusi rütbə daşımırlar".

Leyla QARAXANLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...