Leyla Əliyeva valideyn himayəsindən məhrum olan körpə qızı övladlığa götürdü

Tarix: 28.07.2015 / 03:32
Bölmə: Gündəm

Heydər Əliyev Fondu 10 ildən artıq müddətdə müxtəlif sahələr üzrə layihələr həyata keçirib. Lakin təhsil, səhiyyə, sosial problemlərin həlli Fondun fəaliyyətində ilk gündən prioritet istiqamət olub. Bu sırada valideyn himayəsindən məhrum olan uşaqlara və yeniyetmələrə, qaçqın və məcburi köçkün uşaqlarına, habelə müxtəlif xəstəliklərdən əziyyət çəkən uşaqlara yardım göstərilməsi Fondun əsas məqsədlərindən biridir.

2004-cü ildən həyata keçirilən "Uşaq evləri və internat məktəblərinin inkişafı" proqramı üzrə bir sıra layihələr reallaşıb. Fond bu istiqamətdə fəaliyyətini genişləndirərək digər ölkələrdə də proqramlar həyata keçirməyi nəzərdə tutur.

"Trend" Heydər Əliyev Fondunun icraçı direktoru Anar Ələkbərovla müsahibəni təqdim edir.

- Bu günədək Heydər Əliyev Fondu tərəfindən uşaq evlərində və internat məktəblərdə hansı işlər həyata keçirilib?

- Heydər Əliyev Fondu uşaq evləri və internat məktəblərində təlim-tərbiyə alan azyaşlı və yeniyetmələrə xüsusi diqqət və qayğı göstərir. Məhz bu səbəbdən Fond fəaliyyətinin ilk günündən "Uşaq evləri və internat məktəblərinin inkişafı" proqramının icrasına başlayıb. Heydər Əliyev Fondunun prezidenti Mehriban Əliyevanın tapşırığı ilə yaradılan Fondun işçi qrupu respublika ərazisindəki uşaq evləri və internat məktəblərinin mövcud problemlərini öyrənmək məqsədilə mütəmadi monitorinqlər aparır, bu müəssisələrin istər maddi-texniki, istərsə də burada məskunlaşmış uşaq və yeniyetmələrin hansı qayğıya, mənəvi dəstəyə ehtiyacı olduğunu araşdırır.

Fond uşaq evləri və internat məktəbləri ilə işi bu müəssisələrin yenidən qurulması, burada məskunlaşan uşaq və yeniyetmələrin problemlərinin həll edilməsi, valideyn himayəsindən, ailə qayğısından məhrum olan şəxslərin cəmiyyətə inteqrasiyasına dəstək göstərilməsi istiqamətlərində aparır.

"Uşaq evləri və internat məktəblərinin inkişafı" proqramı çərçivəsində bu günədək respublika üzrə 36 uşaq müəssisəsi əsaslı şəkildə təmir olunaraq yeni avadanlıqla təchiz edilib, əlavə yardımçı binalar inşa olunub, uşaqların asudə vaxtlarını keçirmələri, müəyyən peşələrə yiyələnmələri üçün müxtəlif dərnəklər, rəsm və rəqs kursları təşkil edilib.

Bu istiqamətdə işlər davam etməkdədir. Hazırda Xəzər rayonunun Şüvəlan qəsəbəsindəki sağlamlıq imkanları məhdud və valideyn himayəsindən məhrum uşaqlar üçün 4 nömrəli Respublika Xüsusi İnternat məktəbi Heydər Əliyev Fondu tərəfindən yenidən qurulur, uşaq və yeniyetmələrin istirahətlərinin təmin olunması məqsədi ilə Suraxanı rayonundakı 2 saylı uşaq evi üçün Zirə qəsəbəsində "Dalğa" yay istirahət düşərgəsinin tikintisi həyata keçirilir.

- Fond bu gün yalnız ölkə daxilində deyil, beynəlxalq fəaliyyəti ilə də seçilir. Bu baxımdan valideyn himayəsindən məhrum uşaqlara qayğı proqramı digər hansı ölkələrdə həyata keçirilir?

- Heydər Əliyev Fondu uşaq evləri və internat məktəbləri ilə bağlı fəaliyyətini də, digər layihələrdə olduğu kimi, təkcə Azərbaycanda deyil, ölkəmizdən kənarda da genişləndirir.

Fondun Rusiya nümayəndəliyinin fəaliyyəti çərçivəsində tərəfimizdən Rusiyanın bir sıra şəhərlərindəki uşaq evlərinin və internat məktəblərinin vəziyyəti araşdırılaraq, bu müəssisələrə göstərə biləcəyimiz dəstək müəyyən edilib. Moskva, Sankt-Peterburq şəhərlərində uşaq evlərinə və görmə qabiliyyətini itirmiş uşaqlar üçün internat məktəblərinə səfərlər edilib və burada bir sıra sosial layihələrin icrasına qərar verilib. Hazırda Sankt-Peterburq, Moskva şəhərlərində bir neçə uşaq evi və internat məktəbi Fondun daimi himayəsi altındadır.

Bosniya və Herseqovinanın paytaxtı Sarayevoda kor və zəif görən uşaq və gənclər üçün Mərkəz yenidən qurulub. Macarıstanda görmə qabiliyyəti zəif olan uşaqlar üçün Mərkəzin yenidən qurulması və yeni yataqxana korpusunun inşasına başlanıb. Pakistanda, ABŞ-da, Almaniyada, İsraildə, eləcə də Avropanın digər bir neçə ölkəsində kimsəsiz uşaqlar, xüsusi qayğıya ehtiyacı olan uşaqlara sosial dəstək proqramları həyata keçirilir.

- Heydər Əliyev Fondu cəmiyyətdə həm də valideyn himayəsindən məhrum uşaqların dayaq, güvən yerinə çevrilib. Fond buna necə nail ola bilib?

- Heydər Əliyev Fondunun layihələrinin uğurla həyata keçirilməsinin əsas səbəblərindən biri bu işlərin ardıcıl və sistemli aparılmasındadır. Bu mənada uşaq evləri və internat məktəblərində məskunlaşan valideyn himayəsindən, ailə qayğısından məhrum uşaq və yeniyetmələrlə qurulmuş iş bir nümunədir. Fond onların yüksək səviyyədə təhsil almalarında, asudə vaxtlarının səmərəli təşkilində, eləcə də gündəlik qayğılarının aradan qaldırılmasında yaxından iştirak edir. Heydər Əliyev Fondu, demək olar ki, bu uşaq və yeniyetmələr üçün bir ailəyə çevrilib. Fondun təşkil etdiyi ənənəvi Yeni il şənlikləri, Novruz, Ramazan, Qurban bayramları və digər əlamətdar günlər bu uşaqlarla birgə keçirilir. Heydər Əliyev Fondunun prezidenti Mehriban Əliyeva son illər öz doğum gününü uşaq evlərindən olan körpə və yeniyetmələrin əhatəsində onlarla birlikdə qeyd edir.

Uşaqların təlim və tərbiyəsi ilə bağlı məsələ Fondun prezidentinin daim diqqət mərkəzindədir. Bunun nəticəsidir ki, valideyn himayəsindən məhrum uşaq və yeniyetmələrə qayğı yalnız uşaq evlərində və internat məktəblərində məşkunlaşdıqları müddətdə təhsili və ya maddi-texniki təchizatı ilə məhdudlaşmır, onların məzun olduqdan sonrakı taleyi, işlə, yaşayış yeri ilə təminatı məsələsinə də xüsusi əhəmiyyət verilir. Artıq ötən müddət ərzində Heydər Əliyev Fondunun təşəbbüsü ilə kimsəsiz gənclərin müvəqqəti məskunlaşdıqları müəssisələri tərk etdikdən sonra yaşamaları üçün bir sıra binalar inşa olunub.

Tərəfimizdən uşaq evləri, internat məktəbləri tez-tez ziyarət olunur və bu mütəmadi ziyarətlərin, ünsiyyətin sayəsində buradakı uşaqlarla, gənclərlə mehriban və səmimi münasibət yaranıb. Artıq demək olar ki, bu müəssisələrdəki hər bir usağı, hər bir gənci ayrı-ayrılıqda öz adı ilə belə tanıyırıq.

Bu qarşılıqlı münasibətin nəticəsidir ki, Fondun vitse-prezidenti Leyla Əliyeva uşaq evində valideyn himayəsindən məhrum olan bir körpə qıza ürəkdən bağlanıb və həmin körpəni övladlığa götürüb. Leyla xanım artıq bu gün yalnız iki əkiz oğlanın deyil, eyni zamanda bir qız anasıdır. Bu gün Leyla xanımla kiçik Əminə arasındakı isti, doğma münasibəti, onların bir-birinə olan məhəbbətini, bağlılığını görüb sevinməmək mümkün deyil. Və bütün ailələrə valideynlə övlad arasında belə məhəbbətin və gözəl münasibətin olmasını arzu edirəm.

- Heydər Əliyev Fondu 2014-cü ildə daha bir yeni layihənin - "Məktəbəqədər təhsil müəssisələrinin inkişafı" proqramının təqdimatını etdi. Bu proqram üzrə hansı işlər həyata keçirilir?

- Heydər Əliyev Fondu "Yeniləşən Azərbaycana yeni məktəb", "Təhsilə dəstək" layihələri ilə yanaşı, öz təcrübəsinə əsaslanaraq yeni böyük bir layihəyə - "Məktəbəqədər təhsil müəssisələrinin inkişafı" proqramına start verib. Proqram çərçivəsində yeni bağçaların tikintisinə başlanıb, bunların bir neçəsi artıq təhvil verilib.

Müsahibə APA informasiya agentliyində yayımlanıb.

DİGƏR XƏBƏRLƏR

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...