AZAL vətəndaşlarımızı Tiflisin küçələrinə salmaqda davam edir

Tarix: 25.07.2015 / 02:23
Bölmə: Gündəm

Nail Adıgözəlov: "Bu səbəbdəndir ki, turizm şirkətləri bəzi turları Gürcüstan üzərindən təşkil edir"

"Hələ ki, AZAL-ın verdiyi vədlərin heç birində vətəndaşların xeyrinə olan nəyisə müşahidə etmirik"

"Azərbaycan Hava Yolları" Qapalı Səhmdar Cəmiyyəti (AZAL) qiymətləri endirməsi ilə bağlı məlumat yayıb. Ancaq ekspertlər ciddi bir endirimin olmadığını bildirir və bu addımla AZAL-ın ictimaiyyəti çaşdırdığını qeyd edirlər.

İyulun 21-də AZAL özünün aşağı büdcəli sərnişindaşıma xəttinin (lou-kost istiqamətlər), həmçinin aviaşirkətin bütün mövcud reysləri üzrə təyyarələrdə aşağı tarifli yerlərin yeni blokunu tətbiq edib. Qurumun mətbuat xidmətindən verilən məlumata görə, bu tədbirlər dövlət başçısı İlham Əliyevin iyulun 13-də Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında aviabiletlərin qiymətinin azaldılması ilə bağlı verdiyi tapşırıqlara uyğun olaraq görülüb.

İyulun 16-da "Azərbaycan Hava Yolları" QSC-nin İdarə Heyətinin Dövlət Mülki Aviasiya Administrasiyası ilə birgə keçirilmiş iclasında İdarə heyətinin sədri Cahangir Əsgərov hər bir hava xəttinin tariflərinin dərindən təhlil edilməsini, aviabiletlərin qiymətinin aşağı salınması yollarının araşdırılmasını, güzəştlərin tətbiq edilmə şərtlərinin və tariflərin yeni tənzimləmə mexanizminin işlənib hazırlanmasını tapşırıb.

İyulun 21-də "Azərbaycan Hava Yolları" QSC-nin İdarə Heyətinin kollegiyasının qapalı iclası keçirilib. İclasda aviabiletlərin cari qiymətlərinin azaldılması üçün təkliflər dinlənib. Məruzələr nəticəsində bu məsələ ilə bağlı konkret tədbirlərin görülməsinə qərar verilib. Xüsusilə "Azərbaycan Hava Yolları" aşağıda göstərilən istiqamətlər üzrə özünün aşağı büdcəli sərnişindaşıma xəttini (lou-kost istiqamətlər) yaradacaq:

- Bakı-Antalya-Bakı - bu ilin avqustundan başlayaraq həftədə 3 dəfə;

- Bakı-İstanbul-Bakı - bu ilin sentyabrından başlayaraq hər gün 1 uçuş;

- Bakı-Moskva-Bakı - bu ilin oktyabrından başlayaraq hər gün 2 uçuş;

- Bakı-Dubay-Bakı - bu ilin oktyabrından başlayaraq hər gün 1 uçuş.

Yeni reyslərin başlama tarixinin müxtəlif olması xidmət göstərilməsi üçün hava limanları ilə müqavilələrin imzalanması, xarici hava limanlarında icazələrin alınması kimi prosedur məsələlərlə əlaqədardır.

Bu sadalanan istiqamətlərdə lou-kosterlər üçün səciyyəvi sayılan hava daşımalarının biznes-modeli tətbiq olunacaq. Uçuşlar "Embraer" təyyarələri ilə həyata keçiriləcək. Bu istiqamətlər üzrə aşağı büdcəli sərnişindaşıma xətlərinin yekun satış qiyməti bir tərəfə 99 avrodan çox olmayacaq. Bundan əlavə, "Azərbaycan Hava Yolları"nın bütün mövcud reyslərində cari qiymətlərin azaldılmasına yönəlmiş yeni tarif siyasətinin tətbiq olunmasına dair qərar qəbul edilib. Bu tarif siyasəti yeni lou-koster istiqamətlərə şamil olunmayacaq.

Beləliklə, bu il avqustun 1-dən etibarən "Azərbaycan Hava Yolları"nın bütün istiqamətləri üzrə minimal cari ekonom-klass tariflərinə 20 faiz endirim tətbiq olunacaq. Bu tarif üzrə satılan biletlərin sayı təyyarədə yerlərin 30 faizini təşkil edəcək. Bu zaman sərnişinlər üçün bütün növ ekonom-klass xidmətləri saxlanacaq.

Ekspertlər isə bildirir ki, AZAL-ın qiymət endirimi barədə bildirişi həqiqəti əks etdirmir. Bu, gözdən pərdə asmaq üçün atılmış addımdır. Qiymətlərin avro ilə müəyyən edilməsi isə təkcə qanun pozuntusu deyil, həm də manata olan güvənsizlik işarəsidir.

Əslində heç bir azalmadan söhbət getmir. Çünki açıqlanan rəqəmlər də bunu sübut edir ki, AZAL müəyyən reyslərdə müəyyən biletlərə endirim edib. Müəyyən reyslərdə biletlərin 30 faizini ucuz qiymətlərlə satacaq və bunun necə tənzimlənəcəyi bəlli deyil. Bu məsələ hansı qaydalara görə tənzimlənəcək, bununla da bağlı heç bir rəsmi açıqlama yoxdur. Yəni mən rəsmi müraciət etdikdə necə bilməliyəm ki, 30 faizlik yerlər tutulub? Mənə eyni təyyarəyə daha baha qiymətə bilet satacaqlar. Bu, məsələnin birinci tərəfidir. İkinci tərəfi isə hətta 99 avroya ucuz biletləri alsaq belə, bu biletlərlə cəmi 5 kiloqram əl çantasını pulsuz keçirməyə icazə tanınır. Amma hər əlavə çantaya görə 50 avro ödəniş etməlisiniz.

İndiki kursla hesablayanda 99 avro 115-117 manata bərabərdir. İkitərəfli bilet alsanız, bu, 230 manat civarında olur. 230 manat civarında olan biletin bir çamadanı da olsa, əlavə 50 avro verməlisiniz, bu, 55 manat edir. Qayıdanda həmin çamadanla qayıtsanız, yenidən 50 avro ödəməlisiniz. Əgər alış-veriş etmisinizsə, əlavə bir çamadanınız da varsa, 100 avro verməlisiniz. Bu da 380 manata qədər gəlib çıxır. Bu, endirim deyil. Sadəcə, bu xəbərləri yaymaqla ictimai rəyi sakitləşdirməyə çalışırlar. Göstərməyə çalışırlar ki, Prezidentin müdaxiləsindən sonra AZAL hər hansı bir addım atdı. Əslində heç bir addım atılmayıb və bunun özü heç bir problemi həll etməyəcək.

Turizm üzrə ekspert Nail Adıgözəlov qəzetimizə açıqlamasında bildirdi ki, hazırda aviabiletlərin qiymətinin həddən artıq yüksək olması Azərbaycan üçün ciddi problemlər yaradır: "Bu səbəbdəndir ki, turizm şirkətləri bəzi turları Gürcüstan üzərindən təşkil edir. Bunun başqa səbəbi yoxdur. Yalnız aviabiletlərin baha olması şirkətləri buna vadar edir. Hazırda Gürcüstanla olan sərhədə fikir versəniz, necə izdihamın olduğunu görərsiniz. Fərdi olaraq da vətəndaşlar harasa uçmaq üçün Gürcüstan variantına üstünlük verir. Bu, milyonlarla vəsaitin bilərəkdən başqa dövlətin büdcəsinə axıdılması anlamına gəlir.

Prezidentin bu sahəni ciddi tənqid etməsindən sonra biz bu istiqamətdə düzəlişin ediləcəyini gözləyirdik. Hələ ki, AZAL-ın verdiyi vədlərin heç birində vətəndaşların xeyrinə olan nəyisə müşahidə etmirik. Biletlərin avro ilə satışa çıxarılması isə tam qanunsuzdur. Çünki bu ölkənin ərazisində yeganə ödəniş vasitəsi milli valyuta olmalıdır. Vətəndaşlar qiymətlərdə edilən güzəşti hamıdan gözəl hiss edir. Hələ ki, bu yoxdur. Atılan addımlarla bağlı izahat sadə olmalıdır. Məsələn, biletin indiyə qədər olan qiyməti 350 manat idisə, bundan sonra bu qiymət 280 manat olacaq. Bu olar konkret addım. Biz bunu gözləyirik".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...