Prezidentin "vahid qiymətə dərman" tələbindən sonra İqtisadiyyat Nazirliyi hərəkətə keçdi

Tarix: 25.07.2015 / 02:22
Bölmə: Gündəm

Adil Qeybulla: "Aldığımız dərmanı ayrı-ayrı ölkələrdə olan qiymətlərlə deyil, elə ilk mənbəyə uyğun tənzimləməliyik"

"Bazar iqtisadiyyatı şəraitində dərman maddələrinin qiymətlərinin tənzimlənməsi inzibati yollarla aparılmalıdır"

Bir çox hallarda pasiyentlər onlar üçün yazılan firma dərmanlarının baha olmasından şikayətlənir. Çoxları isə həkimlərin əksəriyyətinin apteklə müştərək işlədiyini deyir. Həkim-xəstə münasibətlərində resept yazılışı və dərman preparatları üçün apteklərə müraciət qəbul olunmuş bir düsturdur.

Ancaq söhbət həm də hansı dərmanların yazılmasından gedir. Bu yerdə isə ucuz və baha preparat anlayışı yada düşür. Elə buna görədir ki, bir çox hallarda, xəstələr bəzi həkimlərin dərman yazması məsələsində şübhəli məqamları sezir və "mənə firma dərmanı yazmayın" deməklə özünü yanlış dərman preparatlarından sığortalamaq istəyir.

Dərman preparatlarının qiymətinin yüksək olmasına bu yaxınlarda ölkə başçısı İlham Əliyev də toxundu.

İyulun 23-də Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında dövlət başçısı tərəfindən verilən tapşırıqların icrası ilə bağlı İqtisadiyyat və Sənaye Nazirliyində geniş kollegiya iclası keçirilib. İclasda dərman vasitələrinin qiymətlərinin tənzimlənməsi məsələsi barədə məlumat verən nazir Şahin Mustafayev bu mühüm sosial məsələyə dövlət başçısının xüsusi diqqət göstərdiyini vurğulayıb və qeyd edib ki, bu sahədə qanunvericilik bazası yaradılıb, qiymətlərin tənzimlənməsi mexanizmi hazırlanıb. Dərman vasitələrinin qiymətlərinin tənzimlənməsi sahəsində həyata keçirilən tədbirlər yaxın vaxtlarda qiymətlərin əhəmiyyətli dərəcədə aşağı düşməsinə imkan verəcək. Bununla yanaşı, dərman satışı bazarında keyfiyyətə xüsusi diqqət yetiriləcək.

Professor, tibbi ekspert Adil Qeybulla bizimlə söhbətində qeyd etdi ki, bazar iqtisadiyyatı şəraitində dərman maddələrinin qiymətlərinin tənzimlənməsi inzibati yollarla aparılmalıdır: "Açıq etiraf etmək lazımdır ki, bəzi dərman maddələrinin keyfiyyət parametrləri çox aşağıdır. Üçüncü ölkələrdə, naməlum sexlərdə, keyfiyyət parametrləri aşağı olan yerlərdə hazırlanan dərmanlar Azərbaycana gətirilərək baha qiymətə satılır. Bəzən dərmanların bizdə satış qiymətləri Almaniya və digər ölkələrin analoqlarından da yüksək olur. Bu sahədə ölkədə vəziyyət əslində bazar iqtisadiyyatı prinsiplərinə ziddir. Buna manatın devalvasiyasından sonra süni qiymət artımı da təsir etdi. Mövcud situasiya əhalinin haqlı narazılığına səbəb olur. Bu səbəbdən də dövlət başçısı məsələyə müdaxilə etmək məcburiyyətində qaldı".

Həmsöhbətimizin sözlərinə görə, dərmanların zavoddan alınan qiyməti kifayət qədər aşağı olur: "Ayrı-ayrı ölkələrin daxili bazarlarında qiymətlər fərqlidir. Məsələn, Belçika istehsalı olan dərman Almaniyada və Türkiyədə ən azı ikiqat fərqli qiymətə satılır. Bu həmin ölkənin daxili bazarının xüsusiyyətləri ilə bağlıdır. Biz ilk mənbədən aldığımız dərmanı ayrı-ayrı ölkələrdə olan qiymətlərlə deyil, elə ilk mənbəyə uyğun tənzimləməliyik. Bundan başqa, eyni kimyəvi tərkibə malik olan və bir-birini dublyaj edən çoxsaylı dərman var ki (xüsusilə bu, antibiotiklərə aiddir), onların sayı məhdudlaşdırılmalı, qiyməti minimuma endirilməlidir. Xüsusilə gömrük rüsumlarının, apteklərin, depoların, kommersiya firmalarının qiymətlərində müəyyən adekvat hədd - yol verilən hədd olmalıdır ki, dərman son bazarda, yəni aptekdə fiks qiymətə, əhalinin cibinə uyğun satıla bilsin. Tarif Şurası bununla bağlı işləyir, müvafiq qurumlar məsələni araşdırır. Yəqin ki, yaxın vaxtlarda bu məsələlər öz həllini tapacaq. Qiymətlərin tənzimlənməsi bir günün işi deyil. İstehsalla Azərbaycan məşğul olsaydı, bunu tez müddətdə həll etmək mümkün olardı. Amma hər bir dərman növünə yenidən baxılmalı və onun fiks qiymətinin müəyyənləşdirilməsi üçün iş aparılmalıdır. Son nəticədə dərmanların fiks olunmuş və əhalinin cibinə uyğun qiymətlər müəyyən ediləcək. İlk növbədə dünyada Ümumdünya Səhiyyə Təşkilatının reyestrinə daxil olmuş dərmanların Azərbaycana idxalına çalışmalıyıq. Sınanmış, təcrübədən, qeydiyyatdan keçmiş dərmanların ölkəyə daxil olmasını təmin etmək dərman təhlükəsizliyi baxımından çox mühümdür".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...