Britaniya mətbuatında sensasiya: "Rusiya Azərbaycana hücum edəcək"

Tarix: 25.07.2015 / 03:54
Bölmə: Gündəm

Şimal qonşumuzun postsovet ölkələrində, o cümlədən Qafqazda özünü daha aqressiv aparacağına dair Qərbdə edilən xəbərdarlıqların sayı artır. Səslənən iddialara görə, Moskva qeyd olunan bölgələrlə bağlı siyasətində əsas etibarı ilə güc amilinə üstünlük verəcək. Məsələ ilə bağlı Böyük Britaniyanın "The İndependent" nəşri yazır: "Rusiyanı Ukraynada dayandırmaq mümkün olmasa, o, Gürcüstan məsələsini yenidən gözdən keçirəcək.

Müharibə təhlükəsi Baltikyanı ölkələr və Azərbaycan üçün da aktualdır". Nəşr bu təhlükələrin qarşısını almaq üçün NATO və Avropa Birliyinin atmalı olduğu addımlardan bəhs edib: "Xüsusilə Baltikyanı ölkələrin təhlükəsizliyi aktualdır. Bunun qarşısını almaq üçün addımlar atmaq lazımdır. Birincisi, orada qoşunlar yerləşdirmək, ikincisi Rusiya ilə Ukrayna və digər məsələlərlə bağlı güzəşt olmadan prinsipial danışıqlar aparmaq lazımdır. Üçüncüsü, Qərb Rusiyanın qanuni narahatlığına cavab verməlidir. Xüsusilə postsovet ölkələrində rus azlığına qarşı pis rəftar aradan qaldırılmalıdır".

Ukraynanın "Sobesednik" qəzetinə müsahibəsində rusiyalı müxalifətçi Mixail Xodorkovski də iddiaları təkzib etməyib. Onun sözlərinə görə, Rusiya genişmiqyaslı müharibəni Ukraynada, Baltikyanı ölkələrdə və Yaxın Şərqdə başlaya bilər. Mixail Xodorkovski bildirir ki, hələlik Kremldə üç əsas varianta diqqət edilir":Birinci Ukraynadır ki, burada quru qoşunlarının əməliyyatı keçirilə bilər. Bu, reallığa daha yaxın variantdır. İkincisi Baltikyanı ölkələrdir ki, Rusiya burada davamlı provokasiyalar həyata keçirəcək. Üçüncüsü isə bütün zamanların ehtiyat variantı olan Yaxın Şərqdir". Gürcüstanın sabiq prezidenti, Ukraynanın Odessa vilayətinin hazırkı qubernatoru Mixeil Saakaşvili də Britaniyanın "The İndependent" qəzetinə müsahibəsində rus əsgərlərinin Azərbaycan və Gürcüstana qayıtmasını istisna etmədiyini bildirir: "2008-ci ildə mən təxmin etmişdim ki, növbəti hədəf Ukrayna olacaq, onun ardınca isə Baltik ölkələri gələ bilər. Onlar Baltik ölkələrinə doğru hərəkət etməyə bilməzlər. Onlar yenidən Gürcüstana və Azərbaycana girməyə bilməzlər. Putin NATO-nu sınağa çəkmək ideyasına sadiqdir. Bu, mənim onunla uzun söhbətlərimdən sonra aydın olub". Saakaşvilinin sözlərinə görə, Putin onunla söhbətlərdə üç əsas məsələ haqda danışıb: "Birincisi, biz Rusiyanı Şimali Kipr kimi əraziyə çevirəcəyik. İkincisi, Ukrayna ölkə deyil, ərazidir. Və üçüncüsü, Baltik ölkələri müdafiə olunmaq imkanında deyil". Odessa qubernatoru deyib ki, Putin axmaq deyil: "O, uda bilməyəcəyi müharibəni başlatmır. O, keçmiş KQB zabiti kimi əvvəlcədən hazırlıq görür. Nə vaxt nəyi ələ keçirə bilərsə, onu edir. Bütün qalan vaxt ərzində o, növbəti sərfəli imkanın nə vaxt yetişəcəyini səbrlə gözləməyə qadirdir".

Düzdür, Rusiya prezidentinin mətbuat katibi Dmitri Peskov Saakaşvilinin sözlərinə inanmağın şübhəli olduğunu bildirib: "Saakaşviliyə nə dərəcədə inanmağın lazım olduğu yəqin hamıya aydındır.

Bu onun hazırda gəlişinə qadağa qoyulmuş öz ölkəsində də yaxşı məlumdur, digər ölkələrdə, o cümlədən Rusiyada da...". Amma xatırladaq ki, Rusiyanın separatçı Cənubi Osetiyadakı qüvvələri artıq "sərhəd xəttini" sakitcə irəli çəkərək yeni ərazilər işğal edib və bununla onlar Bakı-Supsa neft kəmərinin 1600 metrlik hissəsini nəzarət altına alıb. Gürcü ekspert Vaxtanq Maisaya deyir ki, Rusiya Cənubi Osetiya ilə Gürcüstan arasında yeni sərhəd bannerləri yerləşdirməklə kifayətlənməyəcək: "Ruslar daha da irəli gedə və Tiflis-Qori avtomobil yoluna da sərhəd bannerləri qoya bilər". Qeyd edək ki, Tiflis-Qori magistralı Azərbaycanı Türkiyə ilə birləşdirən strateji əhəmiyyətli quru dəhlizidir. Hazırda sərhəd bannerləri magistralın cəmi 350 metrliyindədir.

Gürcü ekspertə görə, Rusiyanın hərbi doktrinası Gürcüstanın strateji əhəmiyyətli iqtisadi obyektlərini nəzarət altına almağa imkan verir. Çünki hərbi doktrinada göstərilib ki, Rusiya onun iqtisadi maraqlarına təhlükə yaradan təhdidlərə qarşı hərbi müdaxilə variantına da əl ata bilər.

Ekspertin fikrincə, Rusiyanın məqsədi Gürcüstanı beynəlxalq əhəmiyyətli layihələrdən çıxarmaq, onun ərazisindən neft-qaz kəmərlərinin keçməsinin qarşısını almaqdır. O bildirib ki, Gürcüstan hökuməti Cənubi Osetiya ilə sərhədə qoşun yeritməli və nümayiş etdirməlidir ki, bundan o yana geri çəkilməyəcək. Xatırladaq ki, rəsmi Bakı Azərbaycan neftini ixrac edən kəmərlərdən birinin separatçı Cənubi Osetiyanın nəzarətində qalmasına münasibət bildirməyib. SOCAR isə bildirib ki, bu məsələ Azərbaycan neftinin nəqlinə problem yaratmayacaq. Çünki Supsa limanına nefti başqa yolla da çatdırmaq mümkündür.

Tahir TAĞIYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...