İlham Əliyev Azərbaycanın sürətlə silahlanmasını tutarlı beynəlxalq arqumentlə əsaslandırdı

Tarix: 17.07.2015 / 03:45
Bölmə: Gündəm

Qabil Hüseynli: "Bu səbəbdən də maraqlarımızın təmin olunmasında hərbi yol istisna edilmir"

"Azərbaycan Ordusunun silahlanmasına bu kontekstdə yanaşmaq olar"

Prezident İlham Əliyev son müşavirədə, nəyin bahasına olursa-olsun, Azərbaycanın gələcəkdə öz ərazi bütövlüyünü bərpa edəcəyini deyib: "Ermənistan-Azərbaycan, Dağlıq Qarabağ münaqişəsinin həlli işində heç bir irəliləyiş yoxdur. Ermənistan sadəcə olaraq danışıqlar prosesini boykot edir və çalışır ki, bu məsələni maksimum dərəcədə uzatsın.

Ancaq məsələ uzandıqca Ermənistan daha da çox tənəzzülə uğrayır. Qeyd etdiyim kimi, ölkə dərin siyasi, mənəvi, psixoloji və maliyyə böhranı içindədir. Ölkənin inkişafı üçün heç bir resurs yoxdur. İqtisadiyyat çöküb, sənaye ölüb, insanlar ölkəni tərk edir, yəni insan resursları da yoxdur. Belə getsə gələcəkdə Ermənistan kimi ölkə bəlkə də dünya xəritəsində heç olmayacaq da. Əgər belə olarsa, bunun günahkarı ancaq bugünkü kriminal diktatura rejimidir"

Prezident sonra qeyd edib ki, biz isə güclənirik, öz tədbirlərimizi görürük, iqtisadi, siyasi, hərbi güc toplayırıq: "Əlbəttə ki, Ermənistan və Azərbaycan müqayisəedilməz səviyyədədir. Sadəcə olaraq, xarici maliyyə, hərbi və siyasi dəstək hesabına Ermənistan hələ ki, bizim torpaqlarımızı işğal altında saxlayır. Mən bu auditoriyada bir dəfə demişəm ki, bizim torpaqlarımızı işğal edən təkcə Ermənistan deyil. Bizim torpaqlarımızı işğal edən Ermənistanın havadarları, ermənipərəst, islamofob siyasətçilər, anti-Azərbaycan qüvvələrdir. Ermənistan bizim torpaqlarımızı işğal edə bilərmi? Bir həftə ərzində orada daş daş üstündə qalmaz. Bu da reallıqdır və yenə də deyirəm, biz real dünyada yaşayırıq, öz tədbirlərimizi görürük və gün gələcək Azərbaycan öz ərazi bütövlüyünü təmin edəcək. Hələ ki, biz bu istiqamətdə bütün hazırlıq işlərini görürük.

Bizim siyasətimiz Azərbaycan maraqları üzərində qurulubdur. Heç bir kənar qüvvə bizim siyasətimizə təsir edə bilməz. Onu da deməliyəm ki, - Azərbaycan ictimaiyyəti də bilir, - bizə qarşı çox çirkin kampaniya aparılır. Bu kampaniya dayanmır, önəmli beynəlxalq tədbirlər ərəfəsində daha da alovlanır, güclənir, əgər belə demək mümkündürsə, ondan sonra bir az səngiyir. Ancaq bu, daimi bir kampaniyadır, səbəbləri də aydındır. İlk növbədə dünya erməniliyi, erməni lobbisi bizi hədəf seçib, onların himayəsində olan riyakar, rüşvətxor siyasətçilər bu işlərə qoşulub".

Prezident beynəlxalq hüquq normalarının kağız parçasına çevrildiyini bildirərək əlavə edib ki, yaxın gələcəkdə dövlətlər öz maraqlarını bu səbəbdən hərbi güc vasitəsilə qorumaq məcburiyyətində qalacaq. Bu, əslində Azərbaycanın doğru sayılan silahlanma kursunun beynəlxalq arqumentlərə söykəndiyinə daha bir sübutdur.

Göründüyü kimi, Prezident Azərbaycanın hərbi cəhətdən qüdrətləndiyini vurğulayır və bu gücdən gələcəkdə də dövlət mənafelərinin həyata keçməsi üçün əsas amil kimi istifadə olunacaq.

Politoloq Qabil Hüseynli Prezidentin bu kontekstdə söylədiyi fikirləri çox strateji bir hədəf kimi dəyərləndirir: "Təbiidir ki, Prezident Azərbaycanın hərbi cəhətdən güclənməsini açıq ifadə edir. Bu gün Azərbaycan Ordusu ən müasir silahlarla təchiz edilib və bu proses davam etməkdədir. Dövlət büdcəmizin əhəmiyyətli hissəsi hərbi xərclər üçün ayrılır. Biz bunu niyə edirik? Təbiidir ki, məcburuq. Çünki ərazimizin böyük bir hissəsi işğal olunub. Bu bizim dövlətin qarşısında duran bir nömrəli problemdir. Bizim dövləti maraqlarımızın təmin olunmasında hərbi gücə ehtiyacımız var. Kiminsə torpağını işğal etmək istəmirik və bunun üçün silahlanmırıq. Biz uzun illərdir öz torpaqlarımızı işğaldan azad etmək istəyirik. Bunun üçün bütün sülh vasitələrinə əl atmışıq. Ortada heç bir nəticə yoxdur. Bu səbəbdən də maraqlarımızın təmin olunmasında hərbi yol istisna edilmir. Azərbaycan Ordusunun silahlanmasına bu kontekstdə yanaşmaq olar".

Cəmilə QARAYEVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...