Yox, Ramil Usubov... qoruya bildi...

Tarix: 15.07.2015 / 03:40
Bölmə: Gündəm

«Oturduğu posta təsadüfən və ya asan himayələrlə gəlib çıxan biri olsaydı...»

Bəzilərinin əlinə göydən mövzu düşdü. Bəziləri də fürsət gözləyirmiş kimi hücuma keçib. Bəs necə? «Ramil Usubov öz işçisini qoruya bilmədi» kimi sadə və heç bir dərin ağıl tələb etməyən fikri sosial şəbəkələrdə geninə-boluna fırlatmaqla ictimai fikri daxili işlər nazirinə qarşı yönəltmək fürsəti keçib əllərinə...həm də bunu Avropa Oyunları kimi olduqca mürəkkəb və çoxşaxəli təhlükəsizlik fəaliyyəti tələb edən böyük tədbirin sağ-salamat başa vurulmasında xüsusi xidmətlər göstərdiyi üçün nazirin həm dövlətçilik sistemində, həm ictimaiyyət arasında, həm də əlaqədar beynəlxalq çevrələrdə daha üstün mötəbərlik qazandığı vaxtda edirlər.

Məqsəd bəllidir. Onlar hesablayır ki, «öz işçisini qoruya bilmədi» kimi bir populist hay-küyçü cümlə ilə başları tovlamaq istəyəndə kimsə fərqinə varmayacaq və əks-şapalaq effekti verən bir tərzdə soruşmayacaq ki, məgər dövlətin ən mühüm nazirliklərinin birinə illərdi peşəkar və qüsursuz rəhbərlik edən, 10 minlərlə işçisi və qarşısında böyük dövlətçilik vəzifələri olan şəxsin işi-gücü tək bir işçini, özü də çox mübahisəli məsələdə qorumaqdırmı? Bir işçini qorumaq xatirinə sayı 10 minlərlə ölçülən bir təşkilatın nüfuzunu başlı-başına buraxmaq düzgün olardımı? Bəlkə hesab olunur ki, cənab Ramil Usubov emosional-kritik vəziyyətdə soyuqqanlı davranış kimi çox vacib keyfiyyəti unudaraq mübahisə etmiş iki şəxsə görə - biri yol polisi, digəri sürücü qismində vergi məmuru - iki mühüm dövlət orqanı arasında lüzumsuz çaxnaşma və qarşıdurmaya rəvac verən reaksiyalar göstərməli idi?

Ya daxili qoşunları ayağa qaldıraraq Vergilər Nazirliyinin üstünəmi yeriməli idi?

Oturduğu posta təsadüfən və ya asan himayələrlə gəlib çıxan birisi olsaydı, bəlkə bunu gözləmək olardı. Ancaq söhbət ən çətin geosiyasi vəziyyətlərdə ictimai qaydanı və ictimai təhlükəsizliyi tam nəzarət altına almaqla öz peşəkarlığını dəfələrlə sübut etmiş, karyerasını sıravi polisdən başlayaraq uzun peşə yolu keçmiş general-polkovnik Ramil Usubovdan gedir. Adi yol hadisəsinə görə naziri vurmağa çalışan bəzi kəmfürsət qələm sahiblərinin bu mövqedə unutduqları bir neçə məqama baxaq. Bu ölkədə hər cür qanun və məcəllə maddələrinin təsir dairəsindən kənarda qalan «məmur etikası» deyilən bir kateqoriya var. Bu kateqoriya əxlaq, davranış, birgəyaşayış, insani həmrəylik deyilən geniş bir sistemi əhatə edir. Hər şeyi qanun şəklinə salmaq müasir dünya sivilizasiyasında mümkünsüz və həm də gərəksiz olduğu üçün əxlaq sisteminin rolu əvəzsiz bir şeyə çevrilir. Məsələn, rüşvət alan, saxtakarlıq edən məmurun cəzası müvafiq qanunun tələblərinə uüğün olaraq başının üstündə hazırdı. Ancaq vətəndaşlarla ünsiyyətlərdə - istər polis, istər kömrük, istər vergi, istər maliyyə işçisi olsun - çılğın, özündən tez çıxan, isterikcəsinə ora-bura cuman hər hansısa məmura qanunla necə cəza vermək olar? Belə qanun ümumən varmı? Təbii ki, belə şeylər qanuna salınmadığına görə həmin şəxs ancaq «məmur etikası» deyilən sistem çərçivəsində ictimai qınağa, töhmətə məruz qoyula, hətta bəzən bütün təşkilatın, minlərlə insanın adını və peşə imicini qorumaq naminə işdən də azad edilə bilər.

Yol polisi ilə vergi məmurunun məşhur mübahisə olayının sonradan detallı təhlilləri göstərir ki, həmin yol polisi o anda təmkinli davranış nümayiş etdirə bilmədiyinə görə səhv edib. Ən azı, «məmur etikası» deyilən kodeksin tələbləri baxımından o, qarşısındakının hərəkətlərinin məzmunundan asılı olmayaraq soyuqqanlılığını qoruyub saxlamalı, onunla sırf qanun və etika çərçivəsində rəftar etməli idi.

Təəssüf ki, tərsinə olub. Ancaq tək bir hal şəxsi heyəti on minlərlə ölçülən Daxili İşlər Nazirliyi və şəxsən nazir barədə ümumi ittihamedici nəticələr çıxarmağa əsas ola bilməz. Polisin etik davranış çərçivəsindən kənara çıxmasını göstərən tək bircə fakt olduğu halda, on minlərlə polis nəfəri və polis zabitini qanun və etik normalar çərçivəsində yönəltməyə nail olan DİN rəhbərliyini gözdən salmağa çalışmaq nə qədər doğru və vicdanlı yanaşmadır?...

Yol Patrul Xidmətinin əməkdaşı C.Qasımovun işdən azad olunmasının və ya pensiyaya çıxmasının bu mübahisə ilə nə qədər bağlı olub-olmadığını deyə bilmərik. DİN-in rəsmi məlumatına görə, C.Qasımov müvafiq yaş həddinə çatdığı üçün özü təqaüdə getmək istədiyi barədə ərizə yazıb. Lakin C.Qasımov hətta həmin emosional mübahisəyə görə işdən azad olunubsa belə, nazir Ramil Usubov tam olaraq haqlı hərəkət edib. Əgər belədirsə, nazir iş başında özünü ələ ala bilməyən bir əməkdaşı cəzalandırmaqdan daha çox, nazirliyin minlərlə başqa əməkdaşlarına ibrət dərsi verib. Onlara anladıb ki, hansı vəziyyətə salınmasından asılı olmayaraq, polis əməkdaşı özündən çıxmamalı, soyuqqanlı şəkildə qanuni addımlar atmalıdır. Razılaşaq ki, isteriyaya qapılaraq özündən çıxan şəxs həmin anda hətta qanlı cinayətlər də törədə bilər. O ki, qaldı həmin şəxs əli silahlı, dubinkalı polis ola... Ramil Usubovun bəzi qərəzli «qələm» sahibləri tərəfindən «qoruya bilmədi» formasında yozulan hərəkətinin əsl mahiyyəti başqadır. Ramil Usubov neçə-neçə polis zabitini, polis nəfərlərini bundan sonra özünə nəzarət hissini itirməkdən, bu vəziyyətdə törədə biləcəkləri ağır cinayətlərdən qoruyub və qoruyu bildi.

Çoxillik peşə və həyat təcrübəsi, şəxsi məntiqi və Prezident Əliyevlərin şəxsində dövlətçilik sədaqəti sayəsində saat mexanizmi kimi işlək həddə gətirib çıxara bildiyi bütün nazirliyin imicini qoruya bildi. Çiynindəki paqonlara güvənərək mənəm-mənəmliyə tutula biləcək neçə-ceçə dövlət adamını bu bəladan qoruya bildi. Məgər bunlar azdırmı? Belə işləyə-işləyə gəlib, əslində düzgün kurs seçib və yəqin bu cür də davam edəcək. Mahiyyətcə əməkdaşlarını qeyri-peşəkar davranışlardan və qanunsuzluqlardan mümkün qədər kənar tutmağa yönələn bu kurs əslində həm də bir məktəbdir. Məktəbin ustadını isə qınamaq yox, başa düşmək, anlamaq gərəkdi...

Tahir TAĞIYEV

DİGƏR XƏBƏRLƏR

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...