"Hərbi bloklar hazırdı, 3- cü dünya müharibəsinə gedirik, Yaxın Şərq və Ukrayna ilə yanaşı Qafqaz da dağıla bilər ...ancaq tək Putin, Bayden və Natenyahu.....
Bu gün baş verən və 1- ci və 2- ci Dünya müharibələri ərəfəsində yer almış hadisələrlə çox oxşarlıq təşkil edən bir neçə faktı bölüşmək istəyirəm." Bu fikirləri "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb. A.Quliyev daha sonra yazır: "Bu gün: Ukraynaya Rusiya təcavüzü başlayandan NATO - Rusiya qarşıdurması açıq şəkil almağa başladı. Az əvvəl Almaniya- Britaniya "hərbi paktı" bağlandı. Bu, tarixdə ilk faktdır ki, iki NATO üzvü arasında belə pakt imzalanır.
Avropa Birliyi ilə Yaponiya arasında noyabrın 1- də " Müdafiə və təhlükəsizlik paktı imzalandı. Birgə hərbi- dəniz təlimləri, hərbi informasiya mübadiləsi və sair nəzərdə tutulur. Paktı AB adından imzalayan Borrel açıq dedi ki, Rusiya, Çin və Şimali Koreyadan hərbi təhdidlər getdikcə artır. Borrel Yaponiyadan Cənubi Koreyaya getdi və yəqin ki, növbəti analoji pakt AB ilə Cənubi Koreya arasında imzalanacaq. Borrelin Cənub Şərqi Asiyada hərbi müttəfiq axtarışları davam edəcək. Polşa artıq özünün Şərq sərhədlərində hündür divarın çəkilişinə başlayıb.
Rusiyanın düşərgəsi də sakit dayanmır. Putin Çinə səfər edərək hərbi sahədə bir sıra şifahi razılaşmalar əldə etdi .Təbii ki, NATO əleyhinə.
Putin Şimali Koreyaya getdi və Hərtərəfli Strateji tərəfdaşlıq sazişi bağladı.Nəticədə artıq 10 mindən çox Koreya əsgəri Ukraynada döyüşür. Koreyanın XİN başçısı açıq bəyanat verdi ki, Ukraynada Zəfərə qədər Rusiyanın yanında olacağıq. Lukaşenko Minskdə 2- ci Asiya təhlükəsizlik konfransı çağıraraq Rusiya blokuna yeni tərəfdarlar cəlb etmək məqsədini ortaya qoydu. Elə bu konfransda XİN Lavrov Rusiyanın İranla da Hərtərəfli Strateji Tərəfdaşlıq sazişinin imzalanmaq üzrə olduğunu bəyan etdi. Bu, həqiqi mənada Rusiya- İran hərbi müdafiə sazişi hesab oluna bilər.
ABŞ - İsrail ittifaqı isə Şərqdə İranın çevrəsində daha sıx həlqə yaratmaq, Hezbullah və Həmas kimi qruplarla mübarizə adı altında əslində şərqin neft- qazla zəngin ölkələrini tam təsir altına salmaq siyasətini davam etdirir. Əsil hədəf nə Həmas, nə Hezbulla, nə də İrandır. Əsil hədəf gələcək DÜNYA MÜGARİBƏSİ üçün bu bölgəni tam nəzarətə almaq və bölgəni özünün müttəfiqinə çevirməkdir .
Beləliklə, Bir tərəfdə Rusiya , Çin, Şimali Koreya, İran ,Belarus.....
O biri tərəfdə Avropa birliyinin bəzi ölkələri, Almaniya, Britaniya , Yaponiya ,ABŞ , İsrail çox ciddi müharibə hazırlıqları içindədirlər.
3- cü dünya müharibəsində bir- biri ilə döyüşəcək bloklar artıq hazırdır.
Qalır müharibə üçün bir bəhanə...
İndi isə 1- ci Dünya müharibəsinin ərəfəsindəki bloklaşmaya baxaq.
Kayzer Almaniyası- Avstriya - Macarıstan imperiyası - Bolqarıstan arasında "Üçtərəfli ittifaq " deyilən blok yaradıldı.
Buna qarşı isə Rusiya- Fransa- İngiltərə arasında "Antanta sazişi" imzalandı.
Nəticəni bilirsiniz .1914- 1918- ci illəri əhatə edən,10 milyonlarla insanı məhv edən müharibə....4 imperiya dağıldı- Almaniya, Avstriya- Macarıstan, Çar Rusiyası və Osmanlı imperiyaları.
Nəhayət, 2- ci Dünya müharibəsinin ərəfəsindəki hərbi bloklara baxaq.
Almaniya - İtaliya- Yaponiya arasında "Antikomintern paktı" , yəni "Kommunist İnternasionalı əleyhinə pakt imzalandı.
Qarşı tərəfdə SSRİ- İngiltərə- ABŞ -dan ibarət Antifaşist koalisiyası yaranmışdı.
Nəticəni yenə bilirsiniz. 5 il davam etmiş ,60 milyondan çox insanı məhv etmiş müharibə.Dünyanın son - Britaniya imperiyası da dağıldı.
İndi isə iki əvvəlki dünya müharibələri ərəfəsində formalaşmış blokları və bu günkü blokları bir daha nəzərdən keçirin.
Əvvəlki 2 dünya müharibəsində bir-birinə qarşı olmuş ABŞ, Britaniya. Fransa Yaponiya və Almaniya bu dəfə eyni bir düşərgədə təmsil olunurlar. Üstəlik İsrail də bu bloka əlavə edilib.
Rusiyanı, Çini, Şimali Koreyanı, İranı isə qarşı blok kimi nəzərdən keçirmək olar.
Dünya hara gedir? Dünya 3- cü cahan savaşına doğru sürətlə gedir.
Bu savaşın ən gərgin "teatrları" isə Ukrayna, Yaxın şərq və az ehtimalla Qafqaz olacaq.Qadqazın tam müharibə "teatrına " çevrilməsi üçün hələ bütün şərtlər formalaşmayıb.
3- cü dünya müharibəsinin qarşısını almaq imkanları hələ var. Ancaq getdikcə tükənir. Əgər:
1.Putin hakimiyyətdən uzaqlaşdırılsa....
2.Müharibə komandası ABŞ hakimiyyətindən kənarlaşdırılsa.....( əsasən Bayden komandası)
3.Natenyahu hakimiyyətdən uzaqlaşdırılsa ...
dünya müharibəsi təhlükəsini xeyli yumşaltmaq olar.
Ancaq hər 3 hadisənin eyni zaman kəsimində olması vacib şərtdir.Həm də burada "saraylar daxilində" Putini, Natenyahunu və Baydeni kimlərləsə əvəzləməkdən söz getmir. Onların hər üçünün öz xalqlarının basqısı altında aşağı salınması çox vacib şərtdir. Bu şərtlər daxilində uzun bir durğunluqdan sonra bəlkə də dünyanı "Müharibə təhlükəsindən" daha yumşaq formada çıxarmaq olar."
Mətləb
