Kolumbiya Dairə məhkəməsi Tramp administrasiyasına ötən həftə binaya girişi qadağan edilmiş CNN, MS NOW və Politico jurnalistləri üçün Ağ Evə giriş icazələrini dərhal bərpa etməyi əmr edib.
Tramp administrasiyası əvvəlcə jurnalistlərin girişinə icazə verməsə də, sonradan məhkəmənin qərarına əməl edib. Federal hakim Timoti Kelli 14 gün müddətində qüvvədə qalacaq bir qərar verib. Bu müddət ərzində məhkəmə jurnalistlərin sonrakı proseslərə qədər Ağ Evə girişini saxlayıb-saxlamayacağına tez bir zamanda qərar verməlidir.
Kelli jurnalistlərin giriş icazələrini əvvəlcədən xəbərdarlıq etmədən və ya apelyasiya imkanı olmadan ləğv etməklə Ağ Evin onların konstitusiya hüququnu pozmuş ola biləcəyi qənaətinə gəlib.
Bundan əlavə, hakim administrasiyanın giriş məhdudiyyətlərinin milli təhlükəsizlik maraqları ilə diktə edildiyi iddiası üçün kifayət qədər əsas təqdim etmədiyini müəyyən edib.
Kelli əmrini verdikdən sonra CNN, MS NOW və Politico işçiləri Ağ Evə girməyə cəhd ediblər, lakin əvvəlcə girişlərinə icazə verilməyib. Eyni zamanda, bu media orqanlarının məlumatına görə, Gizli Xidmət agentləri hələ də onları saxlayan jurnalistlərin binaya giriş icazələrini müsadirə ediblər (bəzi müxbirlər giriş icazələrini 19 sentyabr şənbə günü itirmişdilər).
Bundan sonra jurnalistlərin vəkilləri Ağ Evin Kellinin qərarına əməl etməməsi iddiası ilə əlaqədar təcili məhkəmə iclası tələb ediblər.
Lakin sonra CNN, Politico və MS NOW-un xəbər verdiyi kimi, onların jurnalistləri nəhayət Ağ Evə buraxılıb.
SAMİRƏ
