Ukrayna ordusu bir şəhəri də azad etdi

Tarix: 22.07.2014 / 11:13
Bölmə: Dünya

Ukrayna Silahlı Qüvvələri və Milli Qvardiyası ölkənin şərqində separatçıların əlində olan Luqansk və Donetsk şəhərlərinə doğru bir neçə istiqamətdən hücuma başlayıb. APA-nın Ukrayna saytlarına ("112.ua", "MİGnews.com.ua", "Censor.net", "Pravda.com.ua") və hərbi ekspert Dmitri Tımçuka istinadən verdiyi məlumata görə, antiterror əməliyyatına cəlb olunmuş qüvvələr Luqansk vilayətinin Rubejnoye şəhərinin bütün perimetrini nəzarətə götürərək şəhəri separatçılardan təmizləməyə başlayıb. Vilayətin Lisiçansk şəhəri də mühasirəyə alınıb.
Ukrayna daxili işlər nazirinin müşaviri Zoryan Şkiryak özünün "Facebook" səhifəsində ordunun Luqansk vilayətinin Severodonetsk şəhərinə daxil olduğunu və Lisiçansk şəhəri istiqamətində hərbi əməliyyatların davam etdiyini yazıb: "Rusiyalı terrorçuların ətrafında mühasirə halqası daralır, hücum davam edir. Severodonetsk şəhərinə daxil olmuşuq, Lisiçansk, Rubejnoye və Popasnaya şəhərlərində düşmən sıxışdırılır, onlar vacib magistral yollardan təcrid edilib. Terrorçu dəstələrin başçıları panikadadır və bir-birilə mübahisə edir, bir-birini şantaja keçiblər. Onlardan bəziləri qaçmağa çalışsa da, Putin onları Rusiyaya buraxmağı qəti qadağan edib".
Ukrayna ordusunun tankları Donetsk şəhərindən 44 km məsafədə yerləşən və "Bes" ləqəbli terrorçu İqor Bezlerin nəzarətində olan Qorlovka şəhərinə bitişik Mayorsk stansiyasına da daxil olub. Şəhərin mərkəzində atəş səsləri eşidilir. Separatçıların "Qrad" qurğularından ordu hissələrinə atəş açdığı xəbər verilir.
Qondarma "Donetsk Xalq Respublikası"nın "baş komandanı" olan Strelkov ləqəbli Rusiya vətəndaşı İqor Girkin Donetsk istiqamətində gedən döyüşlər barədə məlumat verib. O, hazırda Avdeyevka (Donetsk şəhərindən 18 km aralı), Dzerjinsk (Donetskdən 52 km aralı), Peski (Donetskdən 15 km aralı), Karlovka (Donetskdən 30 km aralı), Debaltsevo (Donetskdən 75 km aralı), Netaylovo (Donetskdən 27 km aralı) yaşayış məntəqələrində döyüşlər getdiyini söyləyib: "Düşmən Avdeyevka qəsəbəsinə daxil olaraq oradan Donetsk şəhərinin dəmir yoluna doğru hərəkət etməyə başlayıb. Peski, Karlovka, Netaylovodakı mövqelərimiz eyni anda hücuma məruz qalıb. Düşmən 15 tankla Debaltsevoya soxulub. Dzerjinskdə Milli Qvardiya ilə döyüş gedir".
İ.Girkinin sözlərinə görə, Rusiyanın qəti qərar qəbul etməsinin vaxtı çatıb: "Rusiya nəhayət qərar verməlidir ki, Donbassdakı rusları müdafiə edəcək, yoxsa onları birdəfəlik satacaq?! Qalan başqa şeylər üçün vaxt itirilib. Üç aylıq fəaliyyətsizlik düşmənin öz qüvvələrini artırmasına və döyüş qabiliyyətli ordu yaratmasına imkan verib".
Donetsk şəhərindəki 51 saylı orta məktəbin və dəmir yolu vağzalının yaxınlığında baş verən atışma zamanı 4 dinc sakinin öldüyü bildirilir. Donetsk dəmir yolu vağzalındakı "Amstor" ticarət mərkəzi ətrafında mərmi partlayışı nəticəsində də ölənlərin olduğu xəbər verilir.
Ölkənin şərqində antiterror əməliyyatı keçirən Ukrayna Silahlı Qüvvələri Luqansk vilayətinin Rubejnoye şəhərini separatçılardan azad edib. APA-nın "112.ua" saytına istinadən verdiyi xəbərə görə, bunu Ali Radanın sədri Aleksandr Turçinov parlamentdə elan edib. "Rubejnoye şəhəri azad edilib. Hazırda Popasnaya, Dzerjinsk şəhərlərinin azad olunması üçün döyüşlər gedir. Növbədə Lisiçansk və Severodonetsk şəhərləridir" - deyə o bildirib.
Qeyd edək ki, internetdə Rubejnoye şəhər İcraiyyə Komitəsinin binası üzərində Ukrayna bayrağının qaldırıldığını əks etdirən foto yayılıb. Şəhərin 60 min nəfər əhalisi var.
Ukrayna Silahlı Qüvvələri son bir sutka ərzində Luqansk vilayəti ərazisindəki döyüşlərdə 35 silahlını əsir götürüb. APA-nın xəbərinə görə, bunu özünün "Facebook" səhifəsində Ukraynanın müdafiə naziri Valeri Qeletey yazıb. O, iyulun 20-də axşam Luqansk vilayətinin Lisiçansk, Rubejnoye, Severodonetsk və Luqansk şəhərləri ətrafında toqquşmaların davam etdiyini deyib:
"Terrorçular panika halında hərbi texnika ilə birlikdə mühasirədəki Lisiçansk şəhərindən çıxmağa cəhd göstərib, lakin Ukrayna Silahlı Qüvvələrinin atəşi altında qalıblar. Nəticədə onlara məxsus 3 hərbi texnika vurularaq yandırılıb. Muzdlular döyüş yerindən mühasirədəki şəhərə qaçmağa məcbur olub. Son sutka ərzində Ukrayna hərbçiləri 35 rusiyalı muzdlunu əsir götürüb, onların böyük hissəsi "kadırovçu"lardır. Biz irəliləməyə davam edirik".
Qeyd edək ki, "kadırovçu"lar adı altında Rusiyanın Çeçenistan Respublikasının rəhbəri Ramzan Kadırovun Ukraynaya separatçılara dəstək məqsədilə göndərdiyi muzdlu çeçenlər nəzərdə tutulur.

DİGƏR XƏBƏRLƏR

Tarix: 14.08.2026 / 19:06

ABŞ qalmaqala səbəb olan nəhəng təyyarə gəmisini Yaxın Şərqdən geri çəkir…

Tarix: 14.08.2026 / 18:37

Hörmüz boğazında gərginlik yenidən artır - BƏƏ-nin iki tankeri vuruldu…

Tarix: 14.08.2026 / 18:22

İran ABŞ-ın daha bir MQ-9 Reaper pilotsuz təyyarəsini vurdu...

Tarix: 14.08.2026 / 14:15

Xorvatiya alovlar içində - dünən başlayan yanğın şəhər mərkəzinə çatdı…

Tarix: 14.08.2026 / 13:55

Türkiyədən ABŞ-a xəbərdarlıq - İsrailə lazımi təzyiq göstərməsəz, biz hərəkətə keçəcəyik…

Tarix: 14.08.2026 / 13:07

NATO qırıcıları Latviyanın hava məkanını pozan dronu vurdu…

Tarix: 14.08.2026 / 11:50

Norveçdən Trampı özündən çıxaracaq açıqlama - İranla müharibə məqsədlərinə çatmadı…

Tarix: 14.08.2026 / 11:33

Trampın Yaxın Şərqə göndərdiyi təyyarə gəmisində baş verənlər ABŞ-ı ayağa qaldırdı – silahlı qarşıdurma, intiharlar… çox sayda ölü, və yaralı var…

Tarix: 14.08.2026 / 08:09

ABŞ İranla müharibədə MQ-9 Reaper dronlarının dörddə birini itirib - The Washington Post

Tarix: 14.08.2026 / 07:54

Moskva və Tokio arasında “Kuril mübahisəsi” yenidən qızışır

Tarix: 13.08.2026 / 22:49

Ağ ayını oyatdı, 50 min cərimə ödədi - Norveçdə…

Tarix: 13.08.2026 / 21:26

Zelenski ABŞ-dan “Patriot” ehtiyatlarının 5 faizini istədi - Onda qışdan sağ çıxarıq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır