Slovakiyanın xarici işlər naziri Yuray Blanar Rusiyanın Kiyevdə Slovakiya səfirliyinin konsulluq bölməsinin yanında yerləşən Ukrayna Təhlükəsizlik Xidmətinin (SBU) binasına hücumunu pisləyib.
"Kiyevdəki Slovakiya səfirliyinin konsulluq bölməsinin yanında yerləşən Ukrayna Təhlükəsizlik Xidmətinin binasına Rusiya reaktiv pilotsuz təyyarəsinin hücumunu qətiyyətlə pisləyirik" – deyə Blanar ölkənin Xarici İşlər Nazirliyinin sosial media hesabında bildirib.
Onun sözlərinə görə, konsulluq şöbəsi təhlükəsizlik səbəbi ilə məhdud qrafiklə fəaliyyət göstərir. Hücum zamanı heç bir işçi olmayıb.
"Biz Rusiyanı günahsız mülki şəxslərin həyatı və təhlükəsizliyini təhlükə altına qoya biləcək hərəkətlərdən çəkinməyə çağırırıq. Eyni zamanda, hər iki tərəfi yalnız gərginliyi artıran və münaqişənin sülh yolu ilə həllinə töhfə verməyən daha da gərginləşmədən çəkinməyə çağırırıq" - Slovakiya xarici işlər naziri yazıb.
Blanar həmçinin Rusiyanın Slovakiyadakı səfirinin ölkənin Xarici İşlər və Avropa İşləri Nazirliyinə çağırılmasını əmr etdiyini bildirib.
Tahir TAĞIYEV
