Bir sıra ekspertlər məsləhət görürlər ki, xəstə özünü yaxşı hiss etdikdə dərman qəbul etməyi reseptdə yazılan vaxtdan əvvəl dayandırsın. Ənənəvi olaraq xəstələr düşünürlər ki, onlar antibiotik kursunu axıra kimi davam etdirməlidir. Az sayda dərman qəbulu bakteriyaların qalmasına, xəstəliyin mutasiya etməsinə və beləliklə, dərmandan asılılığa gətirib çıxara bilər.
"Brington" və "Sussex" tibbi məktəblərinin professoru Martin Levelin və onun əməkdaşları xəbərdarlıq edirlər ki, bu əsas deyil. Britaniya jurnalının apardığı bir müşahidədə ekspertlər nəzərə çatdırırlar ki, antibiotik qəbulunu vaxtından əvvəl dayandırmaq antibiotikə müqavimət risqini artırmır, əksinə, bu dərmanlardan vacib olduğundan daha uzun müddət istifadə etmək müqavimət risqini artırır. Bəzi xəstəliklər var ki, antibiotik lazımi qədər qəbul olunmadıqda öz müqavimətini artırır. Buna ən aydın nümunənin vərəm olduğunu deyirlər. Lakin insanların bir çoxunun xəstə olmasına gətirib çıxaran bakteriyalar cəmiyyətdə hər kəsin əlində var. Buna misal stafilokok və s. ola bilər. Bu bakteriya yalnız qana, yaxud bağırsağa daxil olduqda insan yoluxa bilər. Belə bakteriyalara antibiotiklərlə nə qədər müdaxilə olunarsa, müqaviməti bir o qədər artacaq.
Ekspertlərin verdikləri məlumata görə, antibiotik müalicəsinin nə qədər davam etməsi ilə bağlı çox az sayda tədqiqat aparılıb. Nəticədə bunun üçün xüsusi yoxlanış və keçmişdə xəstənin hansı antibiotiklərdən istifadə etməsinin müəyyən olunması lazımdır.
"ST George" London Universitetinin mikrobial patogenez sahəsində professoru Jodi Lindsey məsələnin çox həssas olduğunu bildirib: "Kursun nə vaxt bitməsinin lazım olduğuna dair sübutlar çox azdır, lakin belə bir fakt var ki, nisbətən qısa olan müalicə müddətinin nəticəsi uzun aparılan müalicə kursuna bərabərdir. Burada bir neçə istisna var ki, uzun davam edən müalicə daha yaxşı nəticə versin. Buna vərəmi misal göstərmək olar".
Ancaq məsələyə "Royal College" öz narahatlığını bildirib: "Tövsiyə edilən antibiotik kursu təsadüfi deyil. Onlar fərdi şəraitə uyğundur və bir çox hallarda kurslar olduqca qısadır. Məsələn, ürək yollarının müalicəsi və tez-tez baş verən infeksion xəstəliklər üçün 3 gün kifayətdir".
İngiltərənin baş tibb mütəxəssisi, professor Deym Sali Devis isə mövzu barədə bunları söyləyib: "Xalqa çatdırılacaq xəbərdarlıq eyni olaraq qalır, insanlar həmişə tibb işçilərinin məsləhətlərinə əməl etməlidirlər. Onları məlumatlandırmaq üçün tədqiqatlar davam edəcək".
