Dünən "Azercell" şirkətinin dəstəyi ilə TEOREM - Test və Onlayn Repetitor Mərkəzinin təqdimatı keçirilib. Təqdimat mərasimində Teorem.az internet resursu və eyniadlı mobil tətbiqlər təqdim edilib. Təqdimat mərasimində ölkənin təhsil və İKT ictimaiyyətinin nümayəndələri, dövlət və özəl sektorun təmsilçiləri iştirak edib.
TEOREM istər orta məktəb şagirdlərinin və abituriyentlərin, istər magistraturaya hazırlaşan tələbələrin, istərsə də müəllimlərin faydalana biləcəyi onlayn platformadır. Resurs imtahan hazırlıq prosesi, testetmə bacarıqlarının qazanılması və biliyin dəyərləndirilməsi istiqamətində unikal imkanlar təqdim edir.
TEOREM-in SMS ödəmə xidmətlərindən ilk növbədə "Azercell" abunəçilərinin istifadəsi mümkündür. "Azercell Telekom" TEOREM-dən daha effektiv və əlverişli şərtlərlə istifadə və platformanın mobil mühitə inteqrasiyası məsələlərinə dəstək verib. Ölkənin lider mobil operatorunun bu layihədə iştirakının əsas məqsədi təhsilə, rəqəmsal biznes mühitin inkişafına və yeni startapların yetişməsinə yardım etməkdir.
TEOREM-in Android və İOS əməliyyat sistemləri üçün mobil tətbiqləri hazırlanıb. Mobil istifadəçilər müvafiq internet mağazalardan və ya teorem.az saytındakı linklərdən istifadə edərək tətbiqləri öz mobil avadanlıqlarına (mobil telefon, planşet, netbuk və s.) yükləyə bilər. Platforma haqqında daha ətraflı məlumat www.teorem.az saytındadır.
Daha ətraflı məlumat üçün [email protected] ünvanına müraciət edə bilərsiniz.
