Azərbaycan Tibb Universitetində imtahan sessiyası davam edir. Yekun dövlət attestasiya imtahanları ilə yanaşı, ATU-da təhsil alan xarici tələbələrin hazırlıq səviyyəsi ilə də bağlı imtahanlar keçirilir.
Dünən ATU-nun rektoru, professor Gəray Gəraybəyli ali məktəbdə təhsil alan xarici tələbələrin hazırlıq şöbəsinin şifahi dil imtahanında iştirak edib. Rektor G.Gəraybəyli imtahan prosesinin gedişini müşahidə edib, həmçinin imtahanın keçirilməsi üçün yaradılan şəraitlə tanış olub.
ATU rektoru şəxsən imtahan prosesinə qatılaraq xarici tələbələri sorğu-suala çəkib, onların dil biliklərini yoxlayıb. Sonda rektor imtahanın təşkili və gedişi ilə əlaqədar müəllim və nəzarətçilərə tövsiyələr verib.
