Şabran rayonundakı Şahnəzərli kənd tam orta məktəbində "Ağ ölümə və erkən nigahlara yox deyirik" mövzusunda Rayon Polis Şöbəsinin və Veteranlar şurasının təşkilatçılığı, məktəbin pedaqoji və yuxarı sinif şagirdlərinin iştirakı ilə tədbir keçirilib.
DİN-in Mətbuat Xidmətindən baki-xeber.com-a verilən məlumata görə, tədbirdə çıxış edən RPŞ-nin rəis müavini, polis polkovnik-leytenantı Cahid Hüseynov qeyd edib ki, bu gün respublikamızda narkomaniya ilə mübarizə gücləndirilib, maarifləndirmə və qabaqlayıcı tədbirlərin həyata keçirilməsi rayon ictimaiyyətinin bütün təbəqələrini əhatə edib. Polis əməkdaşları 2013-2018-ci illər üçün narkomaniya ilə mübarizəyə dair Dövlər Proqramının tələblərinin icrası istiqamətində cari ilin 5 ayı ərzində cinayət qanunvericiliyinin tələblərinə müvafiq mübarizə tədbirlərini güçləndirib, qanunsuz narkotik vasitə saxlayan şəxslərin aşkar edilərək, cinayət və inzibati məsuluyyətə cəlb edilmələrini təmin ediblər.
"Erkən nigahlara yox deyək" mövzusu ilə əlaqədar tədbirdə cıxış edən Şabran RPŞ Veteranlar Şurasının sədri, istefada olan polis polkovnik-leytenantı Valeh Sadıqov cəmiyyətdə rast gəldiyimiz erkən nigahların doğurduğu sosial problemlər, tibbi fəsadlar və ailə zorakılığı barədə geniş məlumat verərək, belə halların savadsızlıq və dini mövhumat nəticəsində meydana gəldiyini vurğulayıb.
Tədbir iştirakçıları cəmiyyətin və onun gəncliyinin sağlamlığının dövlətimiz üçün ən vacib amil olduğunu qeyd ediblər. Məktəb, valideyn və polis həmrəyliyi, gəncliyimizi hər zaman üzləşdiyi neqativ halların girdabına düşməkdən qoruduğu, yeniyetmə şagirdlərin təhsilə, elmə, idmana olan həvəslərini artırmaqla onları pis vərdişlərdən uzaqlaşdırmağın ən ümdə yolu olduğu bildirilib.
Tədbirin sonunda narkomaniyanın yaratdığı fəsadlardan bəhs edən videoçarx nümayiş etdirilib, məktəblilərin sualları cavablandırılıb.
