Prezident İlham Əliyevin müvafiq sərəncamı ilə hər il iyun ayının 18-i ölkəmizdə "İnsan hüquqları günü" kimi qeyd olunur.
Bununla əlaqədar, mayın 18-dən iyunun 18-dək respublikada keçirilən "İnsan hüquqları aylığı" çərçivəsində "Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı"ndan irəli gələn müddəalar rəhbər tutularaq, aidiyyəti dövlət, qeyri-hökumət və ictimai qurumlarla birgə əhalinin hüquq düşüncəsinin inkişaf etdirilməsi, maarifləndirmə işlərinin təşkil olunması məqsədilə tədbirlər həyata keçirilir. Ailə zorakılığı, milli azlıqların və miqrantların hüquqlarının qorunması, yetkinlik yaşına çatmayanların baxımsızlığı və hüquqpozmalarının profilaktikası üzrə görülən işlərin vəziyyəti aidiyyəti təşkilatların nümayəndələrinin iştirakı ilə geniş müzakirə olunur, bu istiqamətdə işlərin daha səmərəli təşkili üçün əlavə tədbirlərin həyata keçirilməsi istiqamətində müvafiq tədbirlər davam etdirilir.
Mayın 31-də İsmayıllı RPŞ-də təşkil edilən tədbirdə İctimai Təhlükəsizlik bölməsinin rəisi, polis kapitanı Tural Abumüslümov "Ailə zorakılığı", yetkinlik yaşına çatmayanlarla profilaktiki işin təşkili qrupunun baş inspektoru, polis baş leytenantı Rahim Orucov "Yetkinlik yaşına çatmayanların baxımsızlığı və hüquqpozmaların profilaktikası sahəsində görülmüş işlərin vəziyyəti", şöbə rəisinin şəxsi heyətlə iş üzrə köməkçisi, polis mayoru Rauf İsmayılov "Hüquqi dövlətdə milli azlıqların hüquqları" mövzusunda çıxış edib.
Rayon İcra Hakimiyyətinin ictimai-siyasi və humanitar məsələlər üzrə şöbəsinin müdir müavini Murad Məhərrəmov, İsmayıllı Uşaq və Ailələrə Dəstək Mərkəzinin direktoru Lətifə Əliyeva uşaqlara göstərilən dövlət qayğısı barədə danışıb.
Baki-xeber.com
