Azərbaycan Prezidentinin müvafiq sərəncamı ilə hər il iyunun 18-i ölkəmizdə İnsan Hüquqları Günü kimi qeyd olunur. Bu münasibətlə hər il iyunun 18-dən iyulun 18-nə kimi ölkədə İnsan Hüquqları Aylığı keçirilir.
Ölkənin hər yerində olduğu kimi, Sumqayıt Şəhər Polis İdarəsinin şəxsi heyəti də bu Aylıq çərçivəsində keçirilən tədbirlərdə fəal iştirak edir. Şəhərin ümumtəhsil məktəblərində təşkil olunan belə tədbirlərdə polis əməkdaşları və polis veteranları insan hüquqları, hüquq bərabərliyi üzərində qurulmuş multikultural dəyərlərin, müasir, sivil cəmiyyətimizdəki əhəmiyyəti barədə çıxış edir.
Belə tədbirlərdən biri də bu günlərdə Sumqayıt şəhərindəki 3 və 11 nömrəli tam orta məktəblərdə keçirilib. Şəhər Polis İdarəsi rəhbərliyinin təşəbbüsü ilə gerçəkləşən bu toplantılarda qeyd olunan məktəblərin direktorları, pedaqoji kollektivlərin nümayəndələri, psixoloqları, Sumqayıt şəhər Təhsil Şöbəsinin metodistləri iştirak edib.
Hər iki tədbirdə insan hüquqlarının qorunması, uşaq hüquqlarının müdafiəsi, dövlət başçısının müvafiq sərəncamı ilə təsdiq olunmuş "Azərbaycan Respublikasında insan hüquq və azadlıqlarının səmərəliliyini artırmaq sahəsində" Milli Fəaliyyət Proqramının icrası barəsində çıxışları şagirdlər maraqla dinləyib.
Sonda şagirdləri maraqlandıran suallar cavablandırılıb.
Baki-xeber.com
