Sürətli internet xidmətini abunəçiləri üçün əlçatan etmək məqsədilə güzəştli şərtlərlə cihazları onların istifadəsinə verməkdə davam edən "Azercell Telekom" 4,5 milyonluq abunəçi ailəsi üçün ilkin ödənşsiz, çox sərfəli yeni kampaniyaya başlayır.
Belə ki, 01.05.2017-ci il tarixindən etibarən "1001 smartfon kampaniyası" çərçivəsində abunəçilər "iPhone 7" və "iPhone 5S" kimi 4G dəstəkli smartfonları uyğun olaraq cəmi 89 AZN və 55 AZN-dən başlayan qiymətə əldə etmək imkanı qazanır. Abunəçilərinə sərfəli qiymətlərlə "iPhone 7" və "iPhone 5S" smartfonlarını əldə etmək imkanı yaradan "Azercell" eyni zamanda onlara hədiyyə olaraq irihəcmli internet paketlərindən (5GB/10GB/Limitsiz) yararlanmaq və ölkə daxilində sərfəli zəng etmək (1dəq=0.06AZN) üstünlüyünü də verir.
Kampaniyaya qoşulmaq üçün abunəçilər Bakı və bölgələrdə yerləşən "Azercell" müştəri xidmətləri ofislərinə yaxınlaşıb mövcud təkliflərdən birini seçə bilər.
Onu da qeyd edək ki, "Azercell" "iPhone 7" və "iPhone 7 Plus" smartfonlarının Azərbaycanda rəsmi satışını təqdim edən yeganə mobil operatordur.
Daha ətraflı məlumat üçün [email protected] ünvanına müraciət edə bilərsiniz.
