Gəncədə bədbəxt hadisə baş verib. APA-nın qərb bürosunun verdiyi məlumata görə, şəhərin "Vtoroy çast" deyilən ərazisində divar uçub, 18-20 yaşlarında iki qız dağıntıların altında qalıb.
Qızlardan biri Gəncə şəhər Təcili Tibbi Yardım xəstəxanasına aparılarkən yolda ölüb, digəri isə müxtəlif bədən xəsarətləri ilə xəstəxananın reanimasiya şöbəsinə yerləşdirilib.
O da məlum olub ki, ölən və xəsarət alan qızlar bacı olub. Dağıntılar altında qalaraq ölən şəxs 2002-ci il təvəllüdlü İsmayılova Sona Osman qızı, xəsarət alan isə onun bacısı, 2001-ci il təvəllüdlü İsmayılova Mehparə Osman qızıdır.
Evin divarının hansı səbəbdən uçduğu hələlik məlum deyil.
APA-nın məlumata görə, uçmuş divar altında qalan iki bacını xəstəxanaya aparan zaman onların qohumları tibb bacılarının xəstələrə vaxtında yardım göstərmədiyini əsas gətirərək iki tibb bacısına xəsarət yetiriblər.
Dərhal DİN-in 102 xidmətinə məlumat verilib. Əraziyə gələn hüquq mühafizə orqanlarının əməkdaşları araşdırma aparırlar.
