Göz linzalarının fəsadlarını çoxumuz bilmirik

Tarix: 02.10.2015 / 02:43
Bölmə: Sosial

Nigar Əliyeva: "Linzalar müxtəlif allergik reaksiyalar, gözlərdə quruluq da yaradır"

"Yararlılıq müddəti bitən linzalardan istifadə göz bəbəyinə zərər verir"

Son zamanlar həm rəngli, həm də optik linzaların müxtəlif çeşidləri gözlərin rəngini dəyişmək, onlara parıltı, müxtəlif çalar verməklə yanaşı, eynəkləri də əvəz etməsi onlara olan tələbatı daha da artırır. Linzasevərlər çox vaxt bu həvəsi istədiyi göz rənginə sahib ola bilməklə izah edir. Linzalar həm də eynək taxmaq istəməyən və bunu özünə kompleks edən, görmə qabiliyyəti zəif olan adamlar üçün də əvəzsizdir.

Lakin mütəxəssislər bildirir ki, linzaların müsbət cəhətləri ilə yanaşı, mənfi cəhətləri də var. Belə ki, keyfiyyətsiz və ya istifadə və təmizlənmə qaydalarına düzgün riayət olunmayan linzalar gözlərdə müxtəlif infeksiyaların yaranmasına, görmə qabiliyyətinin itirilməsinə də səbəb olur.

Bu günlərdə mütəmadi linza istifadə edən bir xanım gözündə narahatlıq hiss etdiyi üçün oftalmoloqa müraciət edib. Müayinə zamanı məlum olub ki, həmin xanımın gözündə quruluq yaranıb. Səbəb isə mütəmadi olaraq göz linzasından istifadə etməsidir. Hazırda həmin xanımın səhhətinin əvvəlki vəziyyətə qayıtması üçün gözü əməliyyat olunmalıdır.

Qeyd edək ki, Türkiyə və Amerika mətbuatının yazdığına görə, sözügedən ölkələrdə linzalar ucbatından görmə qabiliyyətini itirən xeyli insan var. Dünyada hər gün 3 nəfər linzadan düzgün istifadə etmədiyi üçün görmə qabiliyyətini itirir. Linzalarla bağlı problemlər onların keyfiyyətsiz və saxta variantlarının da bazarda yer alması ilə izah olunur.

Oftalmoloq Nigar Əliyevanın sözlərinə görə, linzaların şəffaf, rəngli, çalar verən, qeyri-adi effektli, korrektə edən və optik növləri var: "Şəffaf, çalar verən linzalar açıq rəngdə gözləri olanlara məsləhətdir. Tünd gözlər üçünsə bu linzaların heç bir əhəmiyyəti yoxdur. Rəngli linzalar isə bütün göz rəngləri üçün münasibdir. Onların vasitəsilə istənilən göz rəngini tamam dəyişmək olar. Belə linza alarkən üzərində göz bəbəyinin kənar haşiyəsinin çəkildiyinə fikir vermək lazımdır. Əgər bu olmasa, gözlər çox süni görünəcək. Gözlərdə olan bəzi qüsurları, çatışmazlıqları gizlətmək üçünsə kosmetik linzalardan istifadə etmək olar. Korrektə edən rəngli linzalar isə həm gözə istənilən rəngi verir, həm də görmə qabiliyyətini korrektə edir. Bəzək üçün istifadə olunan linzalar gözlərə qeyri-adi naxış və rəng verə bilər. Bu linzalarla gözləri vampir gözlərinə bənzətmək, bəbəyini ulduz, xətt və s. formada göstərmək olur. Onlar vasitəsilə yeni obrazlar yaratmaq mümkündür. Lakin bu cür linzalardan adi adamlar istifadə etmir. Daha çox aktyor, müğənnilər müxtəlif obrazlar yaratmaq üçün istifadə edir. Gündəlik həyatda isə belə linzalar təbii görünmür. Müalicəvi linzalardan isə həm gözlərin müdafiəsi, həm də müalicəsi üçün istifadə olunur. Zövqə görə belə linzalar həm rəngli, həm də şəffaf ola bilər".

Həmsöhbətimizin sözlərinə görə, linzalar hər gözə düşmür və müxtəlif narahatlıqlar yaradır: "Linzanı istifadə etməzdən öncə mütləq həkimlə məsləhətləşmək lazımdır. Bəzən linzalardan gözlər qaşınır, yanır və ya ağrımağa başlayır. Belə olan təqdirdə linzaların saxlandığı mayeyə fikir vermək lazımdır. Ola bilsin ki, linzalar gözə uyğun gəlsə də, saxlandığı maye ona uyğun deyil. Bu zaman mayeni dəyişmək olar. Linzalar müxtəlif allergik reaksiyalar, gözlərdə quruluq da yaradır. Yaxşı olar ki, linzalardan istifadə edən adam müntəzəm olaraq oftalmoloqun yanına getsin. Ona görə ki, keyfiyyətsiz linzadan istifadə onun görmə qabiliyyətinə təsir edə bilər. Ən əsası isə linzalar istifadə müddəti bitdikdən sonra atılmalıdır. Yararlılıq müddəti bitən linzalardan istifadə göz bəbəyinə zərər verir. İstifadəçilər nəzərə almalıdır ki, linzaların istifadə və saxlanma qaydalarına səhlənkar yanaşma, uzun müddət kompyuterin qarşısında linza taxıb oturmaq da görmə qabiliyyətinə mənfi təsir göstərə bilər".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...