Birinci siniflərdə qız şagirdlərin azalma tendensiyası...

Tarix: 30.09.2015 / 03:38
Bölmə: Sosial

"Dövlət səviyyəsində bu prosesin qarşısı alınmazsa, yaxın illərdə cəmiyyətdə kişilərin sayı qadınlara nisbətən çox olacaq və oğlanlar evlənməyə qız tapmayacaq"

Aytəkin Kamranqızı: "Tək şimal bölgəsində deyil, cənub zonasında da qız uşaqlarının sayı azalır"

Son illər Azərbaycanda oğlan uşaqlarının sayının sürətlə artması ölkə əhalisinin demoqrafik tərkibi barədə ciddi düşünməyə əsas verir. Rəsmi statistika doğulan oğlan uşaqlarının sayının qızlardan xeyli üstün olduğunu təsdiqləyir. Belə ki, normal cəmiyyətlərdə hər doğulan 106 oğlana 100 qız uşağı düşməlidir. Amma son illər bu normanın pozulması həyəcan təbili üçün əsas verir.

Əslində, bu məsələ yeni olmasa da, etiraf edilməlidir ki, ciddi sosial problemə çevrilib. Orta və ali məktəblərə daxil olan qızların sayının azalması, işləyənlər arasında qadınların payının azlıq təşkil etməsi ölkədə demoqrafik problemin cücərməsindən xəbər verir. Demoqrafik balansın pozulması özünü daha çox şimal bölgəsində göstərir.

Son illər qız uşaqlarının sayının azalması, məktəblərdə birinci sinfə qəbul edilən şagirdlərin sayında da özünü göstərir. Bu barədə Xaçmaz Təhsil Şöbəsinin müdiri Mədinə Nurməmmədova mediaya açıqlamasında məlumat verib. Onun sözlərinə görə, bu il rayonda 3209 nəfər 1-ci sinfə qəbul olunub. Onların da 1339-u qız, 1870-i isə oğlan uşağıdır. Bu rəqəm isə artıq göstərir ki, qızların sayı oğlanlara nisbətən azdır.

Aparılan araşdırma zamanı məlum olub ki, Qusar və Qubada da vəziyyət eynidir. Rayon təhsil şöbələrindən yayılan məlumata görə, bu il Qusarda 1-ci sinfə qəbul edilən 1428 nəfər birincinin cəmi 671-i qızdır, yəni 46 %. Qubada isə ilk dəfə məktəbə qədəm qoyan 2371 şagirddən 1162-si qız uşağıdır ki, bu da 49% təşkil edir.

Ekspertlər demoqrafiq balansın tək şimal bölgəsində deyil, digər ərazilərdə də yaşandığını bildirir.

Sosioloq Aytəkin Kamranqızı bizimlə söhbətində qeyd etdi ki, qız uşaqlarına qarşı ögey yanaşma tək şimal bölgəsində deyil, eyni zamanda cənub zonasında da yaşanır. Onun sözlərinə görə, bəzi ailələrdə qız uşağına ikinci dərəcəli yanaşma tərzi təəssüf doğurur: "Bəzi ailələrdə qız uşaqlarının sayının çox olması, evin kişisinin ancaq oğlan uşağı istəməsi və nəslin davamçısı kimi oğlan uşaqlarına üstünlük verilməsi problemin yaranmasına səbəb olur. Dölün cinsinə görə məhv edilməsi qanunla qadağan olunub. Amma görünən odur ki, qız uşaqlarının sayının kəskin şəkildə azalması gələcəkdə demoqrafik balansın pozulmasına gətirib çıxaracaq. Əgər dövlət səviyyəsində bu prosesin qarşısı alınmazsa, yaxın illərdə cəmiyyətdə kişilərin sayı qadınlara nisbətən çox olacaq və oğlanlar evlənməyə qız tapmayacaq. Kişilərin bir qismi ailə qurmaq üçün əcnəbi ölkələrə müraciət etməli olacaq ki, bu da millətin genefondunun formalaşmasına təsirsiz ötüşməyəcək. Sözsüz ki, vəziyyətin belə hal almasının səbəblərindən biri də elmi inkişafdır. Problemi aradan qaldırmaq üçün ailələrə başa salınmalıdır ki, qız və ya oğlan uşağını seçmək düzgün deyil. Bu istiqamətdə cəmiyyətin maarifləndirilməsinə də ehtiyac var".

Həmsöhbətimiz onu da əlavə etdi ki, ölkə əhalisi oğlana meylli toplum olaraq qız uşaqlarının doğulmasının qarşısının alınmasında maraqlıdır: "Bu hala Şərq xalqlarının bir çoxunda rast gəlirik. Çünki Şərqdə əsrlər boyu oğlanlara nəslin davamçısı kimi baxılıb və bu hal indi də davam etməkdədir. UZİ müayinəsi vasitəsilə dölün cinsinin təyinindən sonra bunu edənlər artıb. Amma bunun yaradacağı sosial-psixoloji fəsadları da unutmaq olmaz. Hazırda cəmiyyətin psixoloji, mənəvi, sosial rekonstruksiyaya ehtiyacı var. Qloballaşan dünyada Azərbaycanın öz ailə dəyərlərini və ənənələrini yaşatması üçün daim təbliğat işləri aparılmalıdır. Ailə institutumuz bir örnək kimi gələcək nəslə ötürülməlidir. Problemin aradan qaldırılması üçün düşünürəm ki, geniş maarifləndirmə işinin aparılmasına da ehtiyac var".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...