Azərbaycanda cərrahiyyə əməliyyatı edən əcnəbi həkimlərin xəstə ölümü hallarında məsuliyyəti...

Tarix: 30.09.2015 / 03:37
Bölmə: Sosial

"Azərbaycanda cərrahiyyə əməliyyatı keçirməyə gələn əcnəbi həkimlərin sənədləri Səhiyyə Nazirliyi tərəfindən yoxlanılmalıdır"

Adil Qeybulla: "Ölüm halı baş verərsə, məsuliyyət həkimlə bərabər klinikanın da üzərinə düşür"

"Xaricdən dəvət edilən həkimlərin apardığı əməliyyatlar zamanı ölüm halı baş verərsə, buna görə bütün məsuliyyət həkimin üzərinə düşür. Həkimi dəvət edən klinika baş verənə görə heç bir məsuliyyət daşımayacaq". Bunu mətbuata özəl klinikalardan birində xaricdən həkim dəvət etməklə məşğul olan məsul işçi bildirib.

Onun sözlərinə görə, əcnəbi tibb işçisi ilə onun Azərbaycanda fəaliyyətinə dair razılaşma zamanı bütün məsuliyyətin həkimin üzərinə düşdüyü vurğulanır.

Klinika nümayəndəsi həmçinin başqa ölkələrdən dəvət edilən tibb işçilərinin ölkəmizə müqavilə əsasında gəldiyini, bunun da əsas səbəbinin yerli həkimlərin savadının artırılması olduğunu bildirib: "Biz daha çox Türkiyədən həkim dəvət edirik. Həmin həkimlər ölkəmizə gələrək yerli tibb işçiləri ilə birgə əməliyyatlara girirlər. Bizim işçilərimiz də həmin mütəxəssislərdən təcrübə almış olurlar.

Ölkəyə dəvət edilən xarici həkimlərin müalicə etdiyi xəstənin səhhətində problem yaranarsa və ya həmin xəstə vəfat edərsə, bunun məsuliyyəti kimin üzərinə düşür? Bu məsələ ilə bağlı ekspertə müraciət etdik.

Professor, həkim-ekspert Adil Qeybulla bizimlə söhbətində qeyd etdi ki, ölkəmizdə insanların xarici həkimlərə üz tutması onların yerli tibb işçilərinə etimad etməməsi ilə bağlıdır: "Müasir klinikalarda tibbin son texnologiyaları olsa da, həmin texnologiyalarla işləyə bilən kadrların yetərincə olmaması vəziyyəti qəlizləşdirir. Düzdür, bu gün ölkəmizdə xaricdə təhsil alan gənclərimiz də var, ancaq onların sayı kifayət qədər deyil".

Özəl klinikaların "xarici həkimlər tərəfindən müalicə zamanı baş verən ölüm hallarına görə klinikanın məsuliyyət daşımadığı" fikrinə cavab olaraq ekspert qeyd etdi ki, məsuliyyət tək həkimin üzərinə düşmür: "Ölüm halı olduğu zaman nazirlik tərəfindən araşdırma aparılır. Ancaq məsuliyyət həkimlə bərabər klinikanın da üzərinə düşür".

Həmsöhbətimiz onu da əlavə etdi ki, insanlar xaricdən dəvət edilən həkimlərə daha çox etimad edir. Özəl tibb müəssisələrinin tez-tez xarici ölkələrdən həkimlər dəvət etməsi, onların reklamına külli miqdarda pul xərcləməsi xarici həkimlərə tələbatın kifayət qədər olmasından xəbər verir: "Ən əsası, pasiyentlər ölkəmizə gələn əcnəbi həkimlər tərəfindən aparılan müalicə zamanı ehtiyatlı olmalıdır. Əcnəbi həkimlərin müayinəsindən keçməzdən əvvəl klinikadan həmin həkimin təcrübəsi haqda sənəd tələb edin.

Çünki canınızı əmanət etdiyiniz şəxsin kimliyini bilməkdən daha təbii bir haqqınız ola bilməz. Hazırda respublika üzrə 500-ə yaxın özəl tibb müəssisəsi və kabineti, eləcə də 900-dən artıq əczaçılıq müəssisəsi fəaliyyət göstərir".

A.Qeybulanın sözlərinə görə, Azərbaycandakı kimi, əcnəbi həkimlərin gəlib sərbəst fəaliyyət göstərməsi dünyanın heç bir yerində yoxdur: "Hansısa əcnəbi həkim gedib Türkiyədə sərbəst hər hansısa bir əməliyyatı keçirə bilməz. Bunun üçün Türkiyə vətəndaşı olmaq, ən azı beş il orada çalışmaq lazımdır. Azərbaycanda isə kimliyi, təcrübəsi, savadı bilinməyən əcnəbi həkimlər özəl klinikalara gəlir və əməliyyatlar keçirir. Hətta bu həkimlərin reklamları da verilir. Biabırçı vəziyyətdir! Azərbaycanda cərrahiyyə əməliyyatı keçirməyə gələn əcnəbi həkimlərin sənədləri Səhiyyə Nazirliyi tərəfindən yoxlanılmalıdır. İkinci tərəfdən isə bu həkimlərin xüsusi reklamına icazə verilməməlidir. Bu çox vacib məsələdir. Ümumiyyətlə, bu cür işlər milli səhiyyəyə güvəni azaldır. Hətta özəl klinikalara gələn əcnəbi həkimlər bizim yerli həkimlərin əleyhinə danışır, milli səhiyyəni aşağılayır, xəstəni həkimin üstünə qaldırırlar. Bunun nəticəsində də xeyli problem yaşanır. Bu məsələlər çox ciddi şəkildə nəzarətə götürülməlidir".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...