Bakı bazarlarında antisanitariya mənbələri getdikcə qorxulu şəkil alır

Tarix: 24.09.2015 / 04:44
Bölmə: Sosial

Bakı bazarlarında hökm sürən natəmizlik get-gedə dözülməz həddə çatmaqdadır. Bazarlara addım atar-atmaz, üfunət iyi adamı geri itələyir. Səbəb isə bazarlarda, həmişə olduğu kimi, antisanitar vəziyyətin hökm sürməsidir.

Bazarlara nə vaxt daxil olsan, orada qalaqlanmış zibil tullantılarını, ayaq altında qalan meyvə-tərəvəzi, zibil sellofanlarını görmək mümkündür. Əsasən paytaxt bazarlarında daha çox diri toyuq və quşların satılmasını nəzərə alsaq, buradakı qoxunu təsəvvür edin. Ət və ət məhsulları satılan məkana isə üfunət iyindən və milçəklərin vızıltısından yaxınlaşmaq müşkülə çevrilib. İnsan burada ətlərə baxan zaman bir daha ət xörəyi yemək istəmir.

Balıq satılan ərazidə isə pişiklərin var-gəl etməsi görünür və bu heç kimi narahat etmir. Qabları çirklə bürünmüş şorabalara isə yaxın durmaq mümkün deyil. Bazardakı bu acınacaqlı vəziyyət havanın soyuq və küləkli vaxtı belə problemlər yaradırsa, yayın isti aylarında isə vəziyyətin daha da acınacaqlı hal almasına səbəb olur. Bakı bazarlarında səliqə-sahman bir yana, nəyin harada satıldığını müəyyənləşdirmək üçün hələ bir müddət müşahidə aparmaq lazım gəlir. Çünki təmizliyə nəzarətin zəif olması səbəbindən, məhsulu kim harda gəldi, necə istədi satır. Belə iddialar var ki, bazarda keyfiyyətli, sağlam dana və qoyun adı altında at, camış və ölmüş heyvanların əti satılır. Doğrudan da bu gün paytaxt bazarlarında vəziyyət acınacaqlıdır. Ən pisi odur ki, bazarlarda müşahidə olunan antisanitariya get-gedə daha qabarıq şəkildə özünü göstərir.

Bütövlükdə, paytaxt bazarlarındakı vəziyyətin acınacaqlı olmasının kökündə dayanan başlıca amillər nə ilə bağlıdır?

Sözügedən məsələni dəyərləndirən ekspert İlqar Hüseynli bunu bir sıra amillərlə əlaqələndirir. Onun fikrincə, belə vəziyyətin yaranmasında bir neçə tərəf günahkardır: "Sahibkarlar, bazarda işləyənlər və təmizliyə nəzarət edən qurumlar. Xüsusən də buna nəzarət etməli olan qurumların fəaliyyətsizliyi nəticəsində vəziyyət bu cür acınacaqlı miqyas alıb. Əvvəllər tələb və xüsusi standart vardı. Bazarlar da ona uyğun olaraq fəaliyyət göstərirdi. Tez-tez də yoxlamalar aparılırdı. Yoxlamaların aparılması bazarda işləyənləri məcbur edirdi ki, təmizliyə riayət etsinlər. Azad bazar iqtisadiyyatına keçildikdən sonra bu kimi məsələlər sanki arxa plana keçdi. Bazarların təmizliyinə inzibati nəzarət yox səviyyəsindədir. Bu səbəbdən təmizlik və dezinfeksiya işləri aparılmır. Ərzağı bir çox hallarda yerə düzürlər. Bu da yolverilməzdir. Piştaxtalar heç vaxt təmizlənib dezinfeksiya olunmur. Olunursa da, bu, formal xarakter daşıyır. Piştaxtaların da çoxu köhnə, 20 ildən qalanlardır. Bu işə cavabdeh olan müvafiq dövlət qurumları öz işlərində tələbkar olsa, proses tənzimlənər. Sanepidemstansiya və baytarlıq idarələri bazarlara nəzarət etməlidirlər.

Müvafiq qurumlar bazarlardakı antisanitariya vəziyyətinə ya göz yumur, ya da təsirli tədbirlər görmürlər. Hesab edirəm ki, bazarlarda müşahidə olunan natəmizliyə son qoymaq üçün kompleks tədbirlər görülməlidir. Bazarlarla bağlı vahid standartlar hazırlanmalı və bunların tətbiqinə ciddi nəzarət edilməlidir".

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...