Azərbaycan heç bir ixtisası olmayan miqrantlarla bağlı yeni siyasət ortaya qoymağa başlayır

Tarix: 23.09.2015 / 02:39
Bölmə: Sosial

"Əmək miqrasiyasının düzgün idarə olunması istənilən dövlətə mənfəət verər"

Azər Allahverənov: "Bu məhdudiyyət imkan verəcək ki, ölkənin əmək bazarında gərginlik olmasın"

Azərbaycana xaricdən ixtisassız işçilərin gətirilməsi qadağan olunacaq. Bu barədə əmək miqrasiyası ilə bağlı Əmək və Əhalinin Sosial Müdafiəsi Nazirliyi və Dövlət Miqrasiya Xidmətinin keçirdiyi tədbirdə bildirilib. Eyni zamanda, ölkənin əmək bazarının qorunması ilə bağlı hazırlanmış təkliflər müzakirə edilib.

Tədbirdə çıxış edən Əmək və əhalinin sosial müdafiəsi naziri Səlim Müslümov bildirib ki, hazırda böhran səbəbindən əksər ölkələrdə iş yerləri ixtisar edilir, Azərbaycanda isə iqtisadi inkişaf davam etdiyinə görə ölkəmizə gələn xarici işçilərin sayı artır. Belə ki, təkcə bu ilin birinci yarımilində nazirlik tərəfindən 9357 xarici işçiyə ölkəmizdə işləmək üçün icazə verilib, bu isə ötən ilin eyni dövrünə nisbətən 12 faiz artıqdır. Amma bu müraciətlərin yalnız 7 faizi yüksək ixtisaslı mütəxəssislərdir. Nazir bildirib ki, ixtisaslı işçilərin azlığı təəssüf doğurur: "Belə vəziyyətdə əmək bazarını ixtisassız işçilərdən qorumaq və yüksək ixtisaslı mütəxəssislərin cəlb edilməsinə ehtiyac yaranıb".

Qeyd edək ki, əmək bazarının qorunması məsələsi Prezident İlham Əliyevin də nəzarətindədir. Dövlət başçısının 2014-cü il 24 dekabr tarixli Fərmanında bununla əlaqədar konkret tapşırıqlar verilib. Fərmanda ƏƏSMN və DMX-ə tapşırılıb ki, ölkənin əmək bazarına gətirilən ixtisassız xarici işçilərin azaldılması ilə bağlı təkliflər hazırlansın. Eləcə də, tapşırığa əsasən, ölkəyə yüksək ixtisaslı mütəxəssislərin cəlb olunması (patentləşdirmə) mexanizmi də yaradılmalıdır. Artıq həmin təkliflər hazırlanıb. DMX-nin rəisi Firudin Nəbiyev bildirib ki, yeni təkliflər bu sahədə mexanizmi təkmilləşdirəcək. Təkliflərə əsasən, əmək bazarında ilk növbədə yerli işçi qüvvəsindən istifadəyə üstünlük veriləcək, xarici işçilər isə yalnız o zaman gətiriləcək ki, həmin ixtisas üzrə yerli işçi qüvvəsi yetərli olmasın.

Sözügedən məsələ ilə bağlı fikirlərini "Bakı-Xəbər"lə bölüşən ekspert Azər Allahverənov bu təşəbbüsü dəstəklədiyini bildirdi: "Məsələ ondadır ki, əmək miqrasiyasının düzgün idarə olunması istənilən dövlətə mənfəət verər. Bunun düzgün idarə olunmasının əsas göstəricisi ölkənin əmək bazarına ixtisası olan əcnəbi miqrantların cəlb olunmasıdır. Bu baxımdan Azərbaycan hökuməti maraqlıdır ki, əmək bazarında yalnız yüksək ixtisasa malik əcnəbi miqrantlar çalışsın. Bu həm bilikli və bacarıqlı insanların əmək bazarına cəlb olunmasına kömək edir, həm də onların malik olduğu hansısa bacarıqları yerli işçilərlə paylaşmasına yardım edir. Bundan başqa, istər-istəməz, yüksək ixtisaslı insanlar müasir inkişaf etmiş texnologiyaların ölkəyə gətirilməsinə təkan verir. O baxımdan atılan addımları yüksək dəyərləndirirəm. Hesab edirəm ki, bu doğru bir addımdır. Bu məhdudiyyət imkan verəcək ki, ölkənin əmək bazarında gərginlik olmasın. Yəni əmək bazarında təklif tələbi o qədər də üstələməz".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...