Teleseriallarımız yüngül şoudan dərin milli-mənəvi dəyərlərədək...

Tarix: 23.09.2015 / 02:40
Bölmə: Sosial

Rövşən İsax: "Ölkə başçısı İlham Əliyev serialların çəkilişi üçün pul ayırıb, telekanalların reytinqi üçün yox"

"Qarabağ haqqında 10 film və ya serial çəkmək olmaz, bu mövzuda bir və ya iki film olmalıdır ki, tamaşaçının diqqətini çəksin"

Dövlət başçısı İlham Əliyev tərəfindən milli telefilmlərin, o cümlədən teleserialların çəkilişini dəstəkləmək məqsədilə sərəncam imzalanıb. Həmin sərəncama əsasən, milli serialların çəkilişi üçün müəyyən məbləğdə vəsait ayrılıb. Artıq neçə ildir yerli telekanallarda Azərbaycan serialları yayımlanır. Serialların əsas mövzusu isə ailə-məişət və sevgidir.

Bu günlərdə Milli Televiziya və Radio Şurasının (MTRŞ) Ekspertiza, Proqramlaşdırma və Analitik Şöbəsinin müdiri Təvəkkül Dadaşov media nümayəndələrinə açıqlamasında bildirib ki, dövlət büdcəsindən ayrılan vəsait hesabına daha çox ailə-məişət, sevgi mövzusunda seriallar çəkilib: "Seriallar nisbətən yüngül mövzularda çəkildi. Biz daha ciddi, milli-mənəvi, tariximizi özündə əks etdirən serialların çəkilməsini gözləyirdik. Ona görə də biz yüngül mövzularda çəkilən serialları tənqid etdik. Növbəti mərhələlərdə çəkilən seriallarda bu amillərin nəzərə alınacağını gözləyirik. Kanallar öz hesablarına, müəyyən reytinq xətrinə, tamaşaçını cəlb etmək üçün yüngül mövzularda seriallar çəkə bilər. Amma dövlət tərəfindən ayrılmış maliyyə ilə daha ciddi mövzulu seriallar çəkilməli idi. Biz bununla bağlı narahatlığımızı bildirmişik".

T.Dadaşov əlavə edib ki, bu gün çəkilən seriallarda narahatlıq doğuran məqamlar var: "Bəzi seriallarda Azərbaycan xalqının milli-mənəvi dəyərlərinə uyğun olmayan, yalnız ucuz gülüş xətrinə müəyyən məsələlər öz əksini tapır. Seriallarda ata və qız, ana və qız, yaxud da qaynana və kürəkən arasında gülüş xətrinə elə münasibətlər qoyulur ki, bu da bizim milli-mənəvi dəyərlərimizə ziddir. Azərbaycan ailəsində o cür dəyərlər yoxdur. Bunlar xoş qarşılana bilməz. Serialları ayrı-ayrı prodakşnlar çəkir. Yaxşı olardı ki, televiziyalar prodakşnlara bununla bağlı tövsiyələrini versinlər. Serialların mövzuları seçilərkən diqqətli olsunlar. Onların efirə uyğun olub-olmamağı, "Televiziya və radio yayımı haqqında" Qanunun tələbləri, Azərbaycan xalqının milli-mənəvi dəyərləri nəzərə alınsın. Biz prodakşnlara irad bildirmirik, qanun pozuntuları olanda kanallara iradlarımızı deyirik. Televiziyalar iradlardan özlərini sığortalamaq üçün bu məsələləri nəzərə alsalar, yaxşı olar".

Milli-mənəvi dəyərlərimizi, tariximizi özündə əks etdirən serialların çəkilməməsi ictimaiyyət tərəfindən də qınaqla qarşılanır. Tanınmış rejissor Rövşən İsaxın mövzu ilə bağlı fikirlərini öyrənmək üçün onunla əlaqə saxladıq. R.İsax "Bakı-Xəbər"ə açıqlamasında milli-mənəvi dəyərləri aşılayan film və ya serialları çəkməyə böyük məmnuniyyətlə hazır olduğunu bildirdi: "Sadəcə, televiziya kanalı bu mövzu ilə bağlı bizə sifariş vermir. Kanalın sifarişi ilə ssenari yazılır. Əksər televiziya kanalları reytinq uğrunda mübarizə aparır. Telekanallarda yayımlanan istənilən veriliş və ya serialın reytinqi olmalıdır. Bu gün Azərbaycanda yayımlanan seriallar əsasən axşam saat 19:00-dan sonra nümayiş olunur. Bu vaxt ekran qarşısında əyləşən tamaşaçıların, demək olar ki, əksəriyyəti qadınlar olur. Ümumiyyətlə, serialın əsas tamaşaçısı qadınlardır. Qadınlar isə ailə-məişət, sosial problemlər mövzusunda olan seriallara baxmağı daha çox xoşlayır. Telekanal da reytinq toplamaq üçün o tamaşaçı kütləsinin marağına uyğun olaraq çalışır. Qonşu dövlətlərin təcrübəsinə baxsaq, biz bunun tam əksinin şahidi olarıq. Məsələn, Rusiyanın özəl kanallarında dövlət siyasətini güdən, ideologiyanı təbliğ edən seriallar yayımlanmır. Dövlət büdcəsindən maliyyələşən kanallarda bu tipli seriallar və ya filmlər yayımlanır. Zənnimcə, Azərbaycanda eyni vəziyyət olmalıdır. Milli-mənəvi dəyərləri aşılayan, tarixi əks etdirən seriallar ya dövlət, ya da İctimai kanalda nümayiş olunmalıdır. Ölkə başçısı İlham Əliyev serialların çəkilişi üçün pul ayırıb, telekanalların reytinqi üçün yox".

R.İsaxın sözlərinə görə, hazırda Azərbaycanın əsas problemi Qarabağdır: "İstənilən vətənpərvərlik mövzusunda çəkilən serial müharibə ilə əlaqəli olmalıdır. Hesab edirəm ki, bu mövzuda bir və ya iki serial çəkilməlidir. Prezidentin serialların inkişafı üçün ayırdığı vəsaitlə Qarabağ haqqında 10 film və ya serial çəkmək olmaz. Bu mövzuda bir və ya iki film olmalıdır ki, tamaşaçının diqqətini çəksin".

Rejissor hesab edir ki, tarixi və ya vətənpərvərlik mövzusunda serialların çəkilməsi üçün öncə ən yaxşı ssenari müsabiqəsi elan olunmalıdır: "Müsabiqədə qalib olan ən yaxşı ssenari peşəkar rejissora həvalə olunmalıdır. Belə olan halda, Azərbaycan serialının tamaşaçısı tək yerli əhali deyil, xaricilər də olacaq".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...