Prezidentin nəqliyyat sektoru barədə son tənqidləri nəyə söykənir?

Tarix: 18.09.2015 / 03:49
Bölmə: Sosial

"Nəqliyyat infrastrukturu əlverişli, hər kəs üçün əlçatan olmalıdır"

Ərşad Hüseynov: "Ölkənin nəqliyyat sahəsində həllini gözləyən kifayət qədər problem var"

Məlum olduğu kimi, Prezident İlham Əliyev iqtisadi məsələlərə və 2016-cı ilin dövlət büdcəsinin hazırlığı işlərinə həsr edilmiş müşavirədə çıxışı zamanı bir sıra məsələlərə toxunub, yol verilən nöqsanlarla bağlı sərt fikirlər səsləndirib. İlham Əliyevin müşavirədə xüsusi qeyd etdiyi sahələrdən biri də nəqliyyat sektorudur.

Prezident bu sahədə nöqsanların olduğunu xüsusi olaraq vurğulayıb: "Nəqliyyat sektorunda da ciddi pozuntular var. İnsanları incidirlər, onların qarşısına əsassız tələblər qoyulur. Biz artıq bu sahənin bir hissəsini "ASAN xidmət"ə vermişik. Gələcəkdə də hər sahədə "ASAN xidmət"in standartları olmalıdır. Ona görə də gələn il hökuməti əlbəttə ki, böyük işlər gözləyir. Hökumət yeni situasiyada işləyəcəkdir".

Dövlət başçısının məlum müşavirədən bir neçə gün öncə imzaladığı fərman nəqliyyat sahəsində insanların üzləşdiyi problemlərin köklü həllinə hesablanıb. Prezidentin imzaladığı fərmana əsasən, artıq taksi fəaliyyəti üçün lisenziya və fərqlənmə nişanı verilməsi Nəqliyyat Nazirliyindən alınaraq şəffaf işi ilə seçilən "ASAN xidmət"ə həvalə olunub. Ölkə başçısının bu addımı atmasında əsas məqsəd insanların üzləşdiyi süründürməçilik, əlavə ödəniş tələbetmə kimi neqativ halların aradan qaldırılması ilə bağlıdır.

Nəqliyyat müfəttişləri ilə taksi sürücüləri arasında baş verən davalar, sürücülərə qarşı qanun pozuntuları, şikayətlər zaman-zaman mətbuatda işıqlandırılır, problem ictimailəşdirilirdi. Ancaq kəskin tənqidlərə baxmayaraq, insanların şikayəti, nəqliyyat "qoçuları"nın özbaşınalığı ara vermirdi.

Bütövlükdə, Prezident nəqliyyat sahəsində ciddi pozuntuların olduğunu deyərkən nəyi nəzərdə tutur?

Sözügedən məsələni dəyərləndirən ekspert Ərşad Hüseynov hesab edir ki, ölkənin nəqliyyat sahəsində həllini gözləyən kifayət qədər problem var: "Nəqliyyat Nazirliyinin və nəqliyyat infrastrukturunun ölkəmiz üçün mühüm əhəmiyyətini nəzərə alsaq, neqativ halların aradan qaldırılması vacibdir. Kiçik sahibkarlıq üçün nəqliyyat sahəsi taleyüklü məsələdir. Eləcə də sərnişin və yükdaşımaları özü kiçik sahibkarlıq sayılır. Bu sahədə iri sahibkarlar çox azdır. Onlara münbit şərait yaradılmalıdır. Lisenziya, vergilərin ödənməsi və digər məsələlər sadələşdirilməlidir. Ümumiyyətlə, ölkənin nəqliyyat infrastrukturu əlverişli, hər kəs üçün əlçatan olmalıdır. Bütün yük və sərnişindaşıma nəqliyyat sahəsinin üzərinə düşür. İnsanın səhər evindən sakit, əsəbsiz çıxıb işə getməsi, axşam da sakit, əsəbsiz evinə qayıtması, aldığı yükün vaxtında çatdırılması kimi məsələlər çox böyük əhəmiyyət daşıyır. Bundan başqa, ən ciddi məsələ yol infrastrukturu ilə bağlıdır. Şəhərdə böyük tıxaclar yaranır. Səbəb odur ki, Bakı şəhərinin yol infrastrukturu normal, standarta, şəhər əhalisinin tələbatına uyğun deyil. Bu sahədə də işlər görülməlidir. Şəhərin küçələrinin, yollarının təmiri, yenidən qurulması sürətlə öz həllini tapmalıdır. Bakı şəhərində yollarla bağlı xeyli qanunsuz zəbtolunma var. Onlar hamısı azad olunmalıdır. Bu, nəqliyyat infrastrukturunda ən böyük problemdir. Bu sahədə də işlər görülməlidir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...