Payızda intiharların artması doğru mülahizədir?

Tarix: 17.09.2015 / 02:42
Bölmə: Sosial

Bahar Qafarova: "Payız aylarında intihar edənlərin sayı yay və qış aylarına nisbətən daha çoxdur"

Psixoloqlar arasında belə bir fikir var ki, sentyabr ayı intihar ayıdır. Açıqlanan statistik rəqəmlərə görə, sentyabrın 1-dən bu günə kimi həyatına bu və digər səbəblərdən dolayı qəsd edənlərin sayı 21-ə çatıb.

Sentyabrın 14-də kütləvi informasiya vasitələrində Bakı və bölgələrdə 4 nəfərin həyatına qəsd etməsi ilə bağlı məlumat yayılıb. Bunlardan biri Bakının Sabunçu rayonunda baş verib. Maştağa qəsəbə sakini, 41 yaşlı İmran Bağırov yaşadığı evdə özünü asıb. Onun özünə qəsd etməsinin səbəbləri hələlik məlum deyil.

Xətai rayonu, Gəncə prospektində yaşayan, 39 yaşlı Natalya Denisova yaşadığı binanın 7-ci mərtəbəsindən özünü atıb və aldığı xəsarətdən hadisə yerindəcə keçinib.

Növbəti gün səhər saatlarında Ağdaş rayonunda da intihar qeydə alınıb. Aşağı Qəsl kənd sakini, 58 yaşlı Fazil Cabbarov yaşadığı evin həyətindəki meyvə ağacından özünü asıb. Qəssablıqla məşğul olan Fazil Cabbarovun ayrı-ayrı şəxslərə külli miqdarda pul borcu olduğu üçün intihar etdiyi ehtimal olunur.

Göygöl rayonu, Balçılı kənd sakini, 25 yaşlı Emil Tağıyev isə kənddə yerləşən yüksək gərginlikli elektrik dirəyinə çıxaraq naqilə toxunub və hadisə yerində ölüb.

Yaxınlarının sözlərinə görə, gənc toy mərasimində iştirak edib, evə qayıtdıqdan sonra intihar edib.

Sentyabrın 15-də 12 yaşlı uşaq intihar edib. İsmayıllı Rayon Polis Şöbəsinin verdiyi məlumata görə, intihar edən 2003-cü il təvəllüdlü Əsədov İsmət Qismət oğludur. O, yaşadığı evin həyətindəki anbarın çardağında özünü asıb.

Psixoloq Bahar Qafarova bizimlə söhbətində bildirdi ki, payız fəsli başlayandan ölkədə intihar edənlərin sayında artım yaşanır. O, mövsümün intihar hallarının artmasına təkan verdiyini, sui-qəsd edənlərin 60 faizinin əsasən payızda canlarına qıydığını dedi: "İntihar hallarının baiskarı təbiətdir demək düzgün olmasa da, bunu payız sindromu adlandırmaq olar. Statistika da intihar hallarının payızda çoxalmasını təsdiqləyir. Araşdırmalar göstərir ki, payız aylarında intihar edənlərin sayı yay və qış aylarına nisbətən daha çoxdur. İntihar edənlərin mütləq əksəriyyəti özünü əsasən səhər saat 5-6-dan 9-10-a qədər öldürür. Bu mövsümdə insan orqanizmində əsasən səhər vaxtı hormonal aktivlik gedir. Orqanizm çoxlu miqdarda hormon ifraz edir. Bu zaman insan orqanizmində biokimyəvi stress gedir. Məlumdur ki, insan psixologiyası da fiziologiya ilə bağlıdır. Belə vaxtlarda əgər insanın problemi varsa və bu stress digər fəsildə gizli formada gedirsə, payız mövsümündə oyanır. İnsan özünü çıxılmaz vəziyyətdə hiss edir. Bu isə əksər hallarda intiharla nəticələnir".

Psixoloq əvvəllər gənclər arasında intihar hallarının indiki qədər olmadığını da dilə gətirdi: "Payız mövsümündə hormonal aktivlik artdığından, cinsi fəallıq yaranır. Müxtəlif səbəblərdən dolayı ailə qura bilməyən gənclər çıxış yolunu intihar etməkdə görür".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...