Uşaqların fərdi maşınlarda gətirilməsi məktəblərin önündə tıxacların bir səbəbi kimi...

Tarix: 17.09.2015 / 02:51
Bölmə: Sosial

"Təəssüflər olsun ki, bizim sürücülərə cərimə sanksiyaları təsir etmir, tövsiyələrə əhəmiyyət vermirlər"

Azər Allahverənov: "Avtomobili məktəbdən bir qədər uzaq saxlamaq əsla problem yaratmaz, amma gərək sürücülərin bununla bağlı mədəniyyəti artsın"

Xəbər verildiyi kimi, sentyabrın 15-də səhər tezdən başlayaraq Nəqliyyatı İntellektual İdarəetmə Mərkəzinin (NİİM), Dövlət Yol Polisinin və Dövlət Avtomobil Nəqliyyatı Xidmətinin əməkdaşları tərəfindən bir sıra orta təhsil müəssisələrinin, xüsusilə yaxınlığında piyada keçidlərinin olduğu məktəblərin qarşısında birgə reydlər keçirilməsinə, əhali arasında yerindəcə maarifləndirmə işlərinin aparılmasına başlanıb.

Nəqliyyatı İntellektual İdarəetmə Mərkəzinin mətbuat xidmətinin rəhbəri Şəfa Mehmanqızı mətbuata açıqlamasında qeyd edib ki, reyd zamanı bir sıra məktəblərin qarşısında sürücü və piyadaların yol hərəkəti qaydalarını kütləvi şəkildə pozduğu müşahidə edilib: "Reyd zamanı "papanın gül balalarını" məktəbə gətirən avtomobillərin ərazidə qanunsuz park etməsini müşahidə etdik. Məsələn, 132 saylı məktəbin qarşısında, metronun "İçərişəhər" stansiyasının qarşısında yol polisi əməkdaşlarının ərazidə dəfələrlə xəbərdarlığına baxmayaraq, yolun hər iki tərəfi qanunsuz olaraq saxlanmış avtomobillərlə dolu idi. Yol polisləri də bort-kompyuterlər vasitəsilə, ucdantutma, kimliyindən asılı olmayaraq, sahibli-sahibsiz, onların hamısını cərimələdilər. Lakin təəssüf ki, cərimə olunmalarına baxmayaraq, yenə də sürücülər qanunsuz park etməkdə davam edirdi. Görünür, belə sürücülərə qarşı daha təsirli cəza tədbirləri görülməlidir".

Sözügedən məsələ məktəb qarşısında və yaxınlığında yerləşən yollarda avtomobillərin park edilməsi məsələsini gündəmə gətirir. Belə ki, zaman-zaman sözügedən məsələ tıxacların yaranmasında mühüm rol oynayıb. O baxımdan sözügedən yollarda avtomobillərin park edilməsinin qadağan edilməsi və qaydaya əməl etməyənlərə qarşı cərimələrin tətbiqini ekspertlər necə dəyərləndirir? Bu, tıxacların azalmasında nə kimi rol oynaya bilər?

Məsələyə münasibət bildirən ekspert Azər Allahverənovun sözlərinə görə, əslində qadağa və cərimələr var: "Sadəcə, buna əməl olunmur. Problem o qədər geniş vüsət alıb ki, DYP-nin bütün ekipajı bütün məktəblərin qarşısında reyd keçirə bilməz. Ümumiyyətlə, bu məsələ yol mədəniyyətinin tərkib hissəsi kimi nəzərdən keçirilməlidir. Təəssüflər olsun ki, bizim sürücülərə cərimə sanksiyaları təsir etmir, təvsiyələrə əhəmiyyət vermirlər. Görürsən ki, bir uşağı məktəbə hətta 2 maşın gətirir. Bəzi məktəblərdə dərslərin başlama vaxtı dəyişdirilir ki, heç olmasa üst-üstə düşmə halları olmasın. Buna baxmayaraq, yenə də burada insan faktorunun rolu böyükdür. İnsan faktoru sürücülərin davranışı ilə bağlı olan məsələdir. Eyni zamanda, bu, bir vətəndaşlıq məsələsidir. Dövlətin müvafiq orqanları tövsiyə edirsə ki, məktəblərin qarşısında nəqliyyat vasitəsini saxlamaq olmaz, gərək hər bir sürücü buna əməl etsin. Ona görə də bu kimi hallarda sürücü və vətəndaşlar düzgün davranmalı, qoyulan qaydalara əməl etməlidirlər. Avtomobili məktəbdən bir qədər uzaq saxlamaq əsla problem yaratmaz, amma sürücülərin bununla bağlı mədəniyyəti artmalıdır. Təkcə inzibati metodlarla problemin həlli mümkün görünmür".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...