Kasko sığortasında köklü dəyişikliklər... bəzi şirkətlər qapana bilər

Tarix: 15.09.2015 / 02:50
Bölmə: Sosial

Avtomobil bazarında hökm sürən durğunluq, əvvəlki kimi, sığorta sektoruna da mənfi təsir göstərməkdə davam edir. Maşınların satışlarının azalması ilə sığora yığımlarının da buna paralel olaraq aşağı düşməsi qaçılmaz hala çevrilir. Hesab edilir ki, bu vəziyyət dəyişməsə, bəzi sığorta şirkətlərinin durumu daha da ağırlaşacaq. Hətta əsas gəliri avtomobil sığortasından olan şirkətlərin fəaliyyətinin dayanması belə mümkün sayılır.

Hazırda bu sahədə əsas problem özünü kasko sığortada göstərir. Məlumat üçün bildirək ki, 2015-ci ilin yanvar-iyul aylarında kasko sığortasında yığımlar ötən ilin analoji dövrü ilə müqayisədə 13 % azalıb. Qeyd edək ki, son illər kasko sığorta bazarında ən mühüm yeri kreditlə alınmış avtomobillərin sığortası tuturdu. Avtomobil şirkətləri özlərini sığortalamaq, ödəniş olmadığı təqdirdə avtomobilin geri qayıtma ehtimalını nəzərə alaraq, kasko sığortanı məcburi hala gətirmişdilər. Üstəlik, müştəriləri cəlb etmək üçün endirim kampaniyaları keçirir, 1-3 illik sığortanı hədiyyə edirdilər. Ancaq bu hal kreditlə satışların aşağı enməsinə qədər davam etdi. Lakin kreditlə satışlar azaldıldıqdan sonra kasko satışları da aşağı endi. Digər tərəfdən, insanların sığorta şirkətlərinə etibarının azalması da vəziyyətə təsirsiz ötüşmür. Bəzi sığorta şirkətləri müştəri haqlı olduğu halda onun ödənişini etmir. Bu isə təbii ki, müştəri ilə şirkət arasındakı inamı azaldır. Belə vəziyyət ən son məqamda insanların avtomobilini sığorta etdirməməsinə və şirkətlərin durğunluğuna səbəb olur. Bununla yanaşı, insanların sığorta barədə informasiyaları da azdır. Şirkətlər onların maarifləndirilməsi istiqamətində təbliğat işi aparmadığından, bu, duruma təsirsiz ötüşmür. Bu vəziyyətdə avtomobillərin sığorta bazarı get-gedə daralır. Hesab edilir ki, sığorta şirkətlərinin yeni yanaşmalar tətbiq etməsinə ciddi zərurət var. Bu arada yayılan məlumatlara əsasən, sığorta ilə bağlı yaxın tezlikdə mühüm yeniliklərə start veriləcək. Əsasən də kasko sığorta tarifləri yeni qayda ilə hesablanacaq. Azərbaycan Sığortaçılar Assosiasiyasının sədri Orxan Bayamov bildirib ki, artıq bununla bağlı Dövlət Sığorta Nəzarəti Xidməti, Azərbaycan Sığortaçılar Assosiasiyası Azərbaycanda fəaliyyət göstərən sığorta şirkətlərinin aktuari ilə birgə müzakirələr aparır. Onun sözləroinə görə, əsas məqsəd ondan ibarətdir ki, kasko sığortanın satışı hər bir sığorta şirkətinin portfelinə uyğun hesablanan tariflərlə həyata keçirilsin. Belə ki, sığorta şirkətləri kasko ilə bağlı tarifləri ümumi bazara uyğun müəyyənləşdirirdilər. Bir şirkət digər sığorta şirkəti ilə rəqabətə görə kasko sığortanı dəyərindən aşağı satır. Bu isə bəzi şirkətlərdə zərərliliyin artmasına və sığorta ödənişləri ilə bağlı müəyyən problemlərin yaranmasına səbəb olur.

Lakin artıq kasko sığorta ilə bağlı tariflərin hər bir şirkətin portfelinə uyğun riyazi hesablamalara əsasən müəyyənləşdirilməsi buna imkan verməyəcək. Məsələn, kasko sığorta şirkətinin portfelinə əsasən orta tarifi 2,5 % müəyyənləşdiribsə, kasko sığortanın 1,5 % və ya 1,7 % tariflə satılmasına görə izahat verməli olacaq. Bununla da digər şirkətlərdən irəli düşmək üçün aşağı tariflə sığortalamaq mümkün olmayacaq. O.Bayramov hesab edir ki, bu amil kasko sığorta bazarında rəqabət mühitinin daha ədalətli olmasına şərait yaradacaq: "Əsaslandırılmış tarif sığorta şirkətlərini zərərliliyin aşağı salınması ilə bağlı tədbirlərin görülməsinə məcbur edəcək. Bunun üçün də şirkətlər işin aparılması xərclərini azaldacaq və elektron xidmətlərdən istifadə edəcək".

Tariflərin hər bir şirkətin portfelinə uyğun riyazi hesablamalarla müəyyənləşdirilməsi sığorta bazarında avtomobilin könüllü sığortasının qiymətlərini stabilləşdirəcək. O.Bayramovun sözlərinə görə, könüllü avtomobil sığortasında tariflərin stabilləşməsi və riyazi hesablamalara söykənməsi eyni zamanda sığorta ödənişləri ilə bağlı problemlərin xeyli azalmasına təsir edəcək: "Bu addım bütün sığorta bazarının kasko portfelini sağlamlaşdıracaq. Sığorta şirkətlərinin ödəniş qabiliyyəti artacaq". O "fins" portalına bildirir ki, bunda əsas məqsəd sığorta tariflərini qaldırmaq deyil, sığorta ödənişlərini problemsiz etməkdir.

Sığorta şirkətlərinin görüşü zamanı bildirilib ki, sığorta şirkətləri bu metodika ilə öz portfellərinə uyğun olaraq orta tarifi çıxarmalıdır. Bu ilin oktyabr ayının əvvəlində növbəti görüş zamanı bu tariflər əsasında müzakirələr davam etdiriləcək. Bütün bunlardan belə görünür ki, artıq bəzi şirkətlərin ucuz qiymətə kasko sığorta satmasına son qoyulur.

Tahir TAĞIYEV

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...