Azərbaycan qadınları arasında peşəkar hərbi işə böyük maraq başlayıb

Tarix: 10.09.2015 / 03:35
Bölmə: Sosial

Növrəstə Yusifova: "Bu gün ölkədə snayperçi qadınlara böyük ehtiyac var"

"Müharibə şəraitində olan ölkədə qadınların hərbə maraq göstərməsi sevindiricidir"

Bu gün bir sıra dünya ölkələrində qadınlar könüllülük əsasında hərbi xidmət keçir. İkinci Dünya Müharibəsində qadınların ön və arxa cəbhədəki fəallığı onların sonrakı dövrlərdə hərbi sahədə daha çox təmsil olunmasına təkan verdi. Aparılan araşdırmalara görə, qadınların bu sahəyə marağı lap əvvələ dayanır. Tariximizin istənilən dövrünü araşdırsaq görərik ki, hərb işi ilə məşğul olan, xarici düşmənləri diz çökdürən sərkərdə qadınlarımız olub.

Bəllidir ki, Azərbaycan illərdir müharibə şəraitindədir. Xatırladaq ki, Qarabağ savaşı zamanı xeyli sayda Azərbaycan qadını hərbi əməliyyatlarda yaxından iştirak edib, hətta 1992-ci ildə qadınlardan ibarət batalyon da yaradılıb. Çox təəssüf ki, Azərbaycanın ali hərbi məktəblərində qızların qəbuluna 1999-cu ildən başlansa da, hazırda burada hərbçi peşəsini seçmiş çox az sayda qadın təhsil alır.

Hazırda Azərbaycanda qadınların hərbi xidmət keçməsi "Hərbi xidmətkeçmə haqqında" Əsasnamə ilə tənzimlənir və könüllü surətdə həyata keçirilir. "Hərbi vəzifə və hərbi xidmət haqqında" Qanunun 28.6-cı maddəsinə əsasən, öz razılığı ilə hərbi qeydiyyata götürülən 19 yaşdan 40 yaşadək qadınlar yaşayış yeri üzrə Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri tərəfindən hərbi biletlərlə təmin edilir.

Açıqlanan statistik məlumatlara görə, hərbi xidmət keçmək üçün könüllü müraciət edən qadınların sayında ildən-ilə artım müşahidə olunur.

Müdafiə Nazirliyinin ötən il yaydığı məlumatda bildirilirdi ki, Azərbaycan Respublikasının Silahlı Qüvvələrində 1000-ə yaxın qadın hərbçi qulluq edir.

Ekspertlər də hərbçi qadınların sayının artmasının tərəfdarıdır.

Elə ermənilərin başına pul qoyduğu, "xalaqızı" ləqəbli, Qarabağ müharibəsində iştirak edən snayperçi Növrəstə Yusifova da qadınların hərbi xidmətə maraq göstərməsinə sevindiyini dilə gətirdi. O, "Bakı-Xəbər"ə açıqlamasında qeyd etdi ki, Qarabağ müharibəsi zamanı qadınların hərbi xidmətə yazılması müşkül məsələ idi: "Elə mənim özümün müharibəyə yollanmağıma razılıq vermirdilər. Hərbi komissarlıqdan deyirdilər ki, qadınları ora göndərə bilmərik, onlar zərif cinsin nümayəndəsidir. Mən qadın olmağıma baxmayaraq, onlara sübut etdim ki, qadınlar hər işdə seçilə bilir. Neçə-neçə erməni bunkerini dağıtmışam. İlk olaraq Şuşa yaxınlığında ermənilərin üzümlükdə yerləşən bunkerini dağıtmışam. Snayperçi qadın dözümlü və sakit olmalıdır. Snayperçilər təmkinlə öz düşmənlərini məhv edə bilər".

Həmsöhbətimiz qeyd etdi ki, bu gün ölkədə snayperçi qadınlara böyük ehtiyac var. Qadınlar üçün snayper kursları açılıb.

N.Yusifovanın sözlərinə görə, Azərbaycanda qadınların hərbə maraq səviyyəsi iki cürdür: "Qadınların bir qismi hərbi forma geyinmək həvəskarıdır, digərləri isə həqiqətən vətəninə xidmət etmək istəyənlərdir. Formanı yalnız əsl döyüşçülər, güclü hərbçilər, həqiqətən Azərbaycanın keşiyində duran vətəndaşlar geyinməlidir".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...