Təndir çörəyi məişətimizə yenidən qayıdır

Tarix: 08.09.2015 / 03:30
Bölmə: Sosial

İmran Abdullayev: "Təndirxanaların əksəriyyəti qanunsuz fəaliyyət göstərir"

Eyyub Hüseynov: "Bəzi təndirlərdə küçədən keçən, təsadüfi insanlar işləyir"

Adil Qeybulla: "Təndirlər yalnız burada işləyənlər deyil, alıcılar üçün də bir çox xəstəlik mənbəyi hesab edilir"

Azərbaycanlıların gündəlik qida rasionunda xüsusi çəkiyə malik olan çörək ən müqəddəs nemət sayılır. Hətta onu Quranla bərabər tuturuq. Dar məqamlarda "çörək haqqı" - deyə and içir, Tanrıdan çörəklə imtahana çəkilməməyimizi diləyir, ən hörmətli qonağımızı duz-çörəklə qarşılayırıq və s. Azərbaycanlıların ən sevdiyi çörəklərdən biri də təndir çörəyidir. Təndir çörəyi qədim çörək növlərindən biridir.

Bu gün ölkə əhalisi sevə-sevə bu neməti alır. Tək paytaxt Bakıda deyil, ölkənin istənilən regionunda təndir çörəyinin bişirilməsinə şahid olmaq olar.

Adətən təndir çörəyini qadın bişirər. Amma şəhərdə apardığımız müşahidələr zamanı təndirxanalarda qadınlarla yanaşı, kişilərin də bu işdə çalışdığını gördük.

Təndirxanada çalışanlar əllərində əlcək, başlarında örpək, əyinlərində xüsusi xalat olmadan təndir çörəyini bişirir.

Maraqlıdır, təndirxanalara dövlət tərəfindən necə nəzarət olunur?

Səhiyyə Nazirliyinin Gigiyena və Epidemiologiya Mərkəzinin Qidalanma gigiyenası şöbəsinin müdiri İmran Abdullayev "Bakı-Xəbər"ə açıqlamasında qeyd etdi ki, təndir yerlərində də çörək sexləri kimi monitorinqlər aparılır: "Təndir quruluşuna görə milli xüsusiyyətləri əks etdirir. Amma bu nemət hazırlanarkən gigiyenik qaydalara riayət olunmalıdır. Məsələn, xəmirin qarışdırılması avtomatik olmalı, təndirxanadan çıxan tüstü atmosferə buraxılmamalıdır. Qapalı təndirxanalarda ventilyasiya sistemi mövcuddur".

İ.Abdullayevin sözlərinə görə, istirahət mərkəzlərinə yaxın ərazidə çoxlu sayda təndirxana tikilib: "Həmin təndirxanalara nəzarət məsələsinə gəlincə, deyə bilərəm ki, bunların əksəriyyəti sahibkar statusu almayıb çalışanlardır. Bunlara da dövlət tərəfindən mütəmadi nəzarət olunur, fəaliyyətinə qadağa qoyulur. Bəzi təndirxanalar cərimələnir".

Həmsöhbətimiz onu da əlavə etdi ki, təndirxanaların əksəriyyəti qanunsuz fəaliyyət göstərir.

Azad İstehlakçılar Birliyinin sədri Eyyub Hüseynov bildirdi ki, təndir çörəklərinə tələbat olduğu üçün bu cür sexlər yaradılır: "İnsanlar həmin sexlərdə çörəyin necə hazırlanmasından bixəbərdir. Bilsələr, o çörəyi alıb yeməzlər. Bəzi təndirlərdə küçədən keçən, təsadüfi insanlar işləyir".

Birlik sədrinin sözlərinə görə, təndirxanalara dövlət tərəfindən xüsusi nəzarət olunmalıdır.

Professor, həkim-ekspert Adil Qeybulla bizimlə söhbətində qeyd etdi ki, biokütlələr - təzək, torf, odun, neft məhsulları və s. vasitələrdən istifadə edənlərin sağlamlığı təhlükə altındadır: "Ölkəmizdə də bu insanların sayı az deyil. Xüsusən rayonlarda, dağətəyi bölgələrdə yaşayanlar bu mənbələrdən istifadə edir. Uzun müddət odunla çörək bişirən qadınlar, siqaret çəkməsələr belə, onlarda ağ ciyər xəstəlikləri müşahidə edilir. Həmin qadınlarda həm də enfizema xəstəliyi müşahidə edilir. Bu da ağ ciyərin normal fəaliyyət göstərməsinə mane olur. Təkcə qadınlar deyil, həmin otaq şəraitindəki uşaqlarda da enfizema, müxtəlif ağ ciyər xəstəlikləri, astma kimi xəstəliklər müşahidə edilir. Ağ ciyər xərçəngi də istisna edilmir. Çünki həmin məhsulların yanmas

ından yaranan tüstü hətta siqaret tüstüsündən daha təhlükəlidir. Yanma nəticəsində yaranan kimyəvi maddələr birbaşa ağ ciyər xəstəlikləri, astmanın kəskinləşməsinə səbəb olur. Qazla işləyən məkanda təndirin qazla işləməsi havanın çirklənməsinə səbəb olur. Bu çirklənmənin təsirinə ağ ciyərlər məruz qalacaq. Bu baxımdan həmin obyektlərdə də havalandırma sisteminin olması mütləqdir. Yalnız pəncərə, qapı, yaxud baca açmaqla otaqda hava təmizlənmir. Otaqda karbon qazı kütləsinin artması xroniki bronxit, astmanın kəskinləşməsi, eləcə də digər ağ ciyər xəstəliklərinə səbəb olur".

Həmsöhbətimiz hesab edir ki, təndirlər yalnız burada işləyənlər deyil, alıcılar üçün də bir çox xəstəlik mənbəyi hesab edilir.

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...