Universitetlərə minimum keçid ballarının hər il azaldılması kimi əcaib praktikaya son qoyuldu

Tarix: 04.09.2015 / 02:57
Bölmə: Sosial

Əjdər Ağayev: "Keçid balının aşağı salınmaması abituriyentin məsuliyyətli olmasına, öz üzərində işləməsinə səbəb olacaq"

"Bu da özünü tələbələrin, kadrların səviyyəsində büruzə verəcək"

Bu ildən ali təhsil müəssisələrinə qəbul imtahanlarında keçid ballarının 150 bala endirilməməsi qərarı Təhsil Nazirliyinin təklifi idi. Əvvəlki illərdən fərqli olaraq, bu il keçid balı 200 bal müəyyənləşib. Bunu mətbuata açıqlamasında Təhsil Nazirliyinin mətbuat xidmətinin rəhbəri Cəsarət Valehov deyib.

Onun sözlərinə görə, bu il Prezident yanında Təhsil Komissiyası Təhsil Nazirliyinin təklifi ilə minimal keçid balının 200-dən aşağı endirilməməsi barədə qərar qəbul edib: "Təhsil Nazirliyinin bu təklifi İqtisadiyyat və Sənaye, Ədliyyə, Maliyyə nazirlikləri, TQDK tərəfindən də dəstəklənib və ümumi qərar bundan ibarət olub ki, bu və gələcək illərdə elan olunmuş ballar saxlanacaq. Nəticədə universitetlərimizi, əvvəlki illərə nisbətən, daha keyfiyyətli tələbələrlə təmin edəcəyik".

C.Valehov bu gün aşağı balla ali məktəbə qəbul olunan tələbələrin əmək bazarı üçün problemə çevrildiyini deyib: "Əgər aşağı bal toplayan tələbənin 4 ildən sonra məzun olduğu vaxt göstəricilərini təhlil etsək, nəticənin heç də ürəkaçan olmadığını görərik. Burada, sadəcə olaraq, əlavə vaxt və resurs itkisi, əmək bazarına yönələn çoxsaylı kadr axını təhsilin ali olduğunu şübhə altına alır. Aşağı balın ümidinə qalan təhsil müəssisəsi perspektivi görə bilmir.

Aşağı bal toplayan tələbə isə təhsil aldığı dövrdə yuxarıya doğru təhsil mühiti görmədikdə universiteti də öz ardınca aşağıya doğru aparır. Sonda oxuyan tələbə də, bacarıqsız məzunu qəbul edən əmək bazarı da əziyyət çəkir".

Əslində təhsilin keyfiyyətini qorumaq baxımından bu düzgün addımdır. Çünki əvvəllər ayrılan plan yerləri dolsun deyə bəzən ən az bal toplayan abituriyentlər tələbə adını qazanırdı. Bu da, öz növbəsində, aşağı səviyyəli kadrların hazırlanmasına rəvac verirdi.

Maraqlıdır, ekspertlər sözügedən yeniliyə necə yanaşır?

Məsələyə münasibət bildirən Azərbaycan Təhsil Şurasının sədri, professor Əjdər Ağayevin sözlərinə görə, bu il keçid ballarının aşağı salınmaması keyfiyyətli kadrların yetişdirilməsi ilə nəticələnəcək: "Keçid balının aşağı salınmaması abituriyentin məsuliyyətli olmasına, öz üzərində işləməsinə səbəb olacaq. Nəticədə təhsilin keyfiyyəti yüksələcək. Bundan əlavə, keçid balının azaldılması yüksək bal toplayan abituriyentlərə qarşı ədalətsizlik idi. Balları yüksəltməklə ədalətsizlik aradan qaldırıldı. Növbəti illərdə keçid ballarının daha da artırılması ideyasını müsbət dəyərləndirirəm. Hesab edirəm ki, gələcəkdə keçid balı 300 bal səviyyəsində saxlana bilər. Bu da özünü tələbələrin, kadrların səviyyəsində büruzə verəcək. Keçid balının aşağı salınmaması ali təhsilin keyfiyyətinə öz müsbət təsirini göstərəcək. Digər tərəfdən, qəbul imtahanlarında keçid balları orta göstərici ilə uyğunluq təşkil etməlidir. Keçid balı o səviyyədə qaldırılmalıdır ki, həm ballar artsın, həm də universitetlər lazımi sayda tələbə ilə təmin olunsun. Belə olan halda, paralel olaraq, təhsilin orta səviyyəsi də yüksələcək. Yəni keçid ballarını artırmaq təhsilin keyfiyyətinin də artmasına nail olmaq üçün bir manevrdir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...