Sonsuzluğa görə boşanma son çarədirmi...

Tarix: 04.09.2015 / 02:36
Bölmə: Sosial

Könül Vaqifqızı: "Sonsuzluq boşanmaya səbəb olan amillərdən biridir"

"Bu gün çoxlu sayda gənc qadın və ya kişi övlad sahibi olmadığı üçün boşanıb"

Açıqlanan statistik rəqəmlərə görə, hər aya 1000 boşanma düşür. Yəni bir ay ərzində 1000 nəfərin ailəsi dağılır. Boşanmaların artma səbəbləri barədə ekspertlər tərəfindən müxtəlif fikirlər bildirilir.

Bu günlərdə Ailə, Qadın və Uşaq Problemləri üzrə Dövlət Komitəsinin yaydığı məlumatda qeyd olunur ki, Azərbaycanda boşanmaların 10 faizdən çoxu sonsuzluğa görə baş verir: "Azərbaycanda boşanmaların artmasında sonsuzluğun xüsusi rolu var. Apardığımız araşdırmalar göstərir ki, boşanmaların təxminən 10-12 faizi sonsuzluq üzündən baş verir. Yəni ildə təxminən 1000, 1200 ailə uşaqları dünyaya gəlmədiyinə görə dağılır. Azərbaycanda ailələrin uşaq dünyaya gəlməməsi ucbatından dağılması boşanmaların başvermə səbəblərində də öz əksini tapır. Uşaq olmayan ailə tam ailə hesab olunmur. Sonsuzluq olduqda isə ailə dağılır".

Ekspertlər də boşanmaların artmasının bir səbəbi kimi sonsuzluq probleminə diqqət çəkir.

Psixoloq Könül Vaqifqızının sözlərinə görə, sonsuzluq ailə üçün yaşanacaq ağır bir travma olduğu halda, ətrafdakı insanlardan sual atəşi də vəziyyəti kifayət qədər gərginləşdirir. Məhz sonsuzluqla bağlı suallar gənc ailə tərəfindən psixoloji təzyiq kimi qəbul edilir. Buna görə də cütlüklərin ən böyük düşməni psixoloji təzyiq sayılır: "Psixoloji təzyiq ailə üzvləri tərəfindən başlanır. Qayınana, baldız, ana, qohumlar, qonşular tərəfindən verilən suallar, məsləhətlər gənc evliləri stressə salır. Əksər hallarda qadınlar təklənir, problemin səbəbi kimi göstərilir və ailələr belə qərar verir ki, qadın sonsuzdursa, mütləq onu boşamaq lazımdır. Nəslin davamı üçün ailəyə övlad lazımdır. Bəli, sonsuzluq boşanmaya səbəb olan amillərdən biridir. Bu gün çoxlu sayda gənc qadın və ya kişi övlad sahibi olmadığı üçün boşanıb".

K.Vaqifqızı bildirdi ki, psixoloji təzyiqlər gənclərin müayinə və müalicədən alacağı nəticənin müsbət sonluqlu olması şanslarını azaldır. Ümumiyyətlə, dünya üzrə bu sahədə psixoloqların məsləhətlərinə baxsaq, hamısı eyni yolu göstərir: heç kimə qulaq asmamaq, övladlıq barəsində edilən təklifləri qulaqardı etmək və mümkün qədər pozitiv olmaq.

Psixoloq bildirdi ki, sonsuzluqla mübarizə aparan gənclərə ətrafdakı insanlar xəstə kimi yanaşmamalı, uşaq mövzusunu açmamalı, sanki hər şey belə də olmalı imiş kimi davranmalıdırlar. Onların aqressiv münasibətini başa düşməlidirlər: "Bir ailəyə sonsuz olduğunu demək, onların həyatda lazımsız olduğunu demək kimi bir şeydir. Həkimlər məhz bu sözü deməkdən çəkinir və mümkün qədər, müalicəsi olan bir problem kimi izah edirlər. Bu müddət ərzində ailə gərgin, əsəbi, uşaqlı ailələrə qarşı qısqanc olur, xəyal qırıqlığı, ümidsizlik ilə qarşılaşırlar. Məhz bu ərəfədə bir-birinə dəstək olmaq lazımdır. Sonsuzluqla mübarizə psixoloji dəstəklə birlikdə aparılmalıdır. Psixoloji dəstək alan ailələrin daha tez nəticə əldə etdiyi məlumdur. Xüsusən süni mayalanmaya qərar verən ailələrə psixoterapevt köməyi mütləqdir. Süni mayalanmaya müraciət edən ailələr psixoloji gərginlik keçirir. Uşaq olmaması qorxusu, ailədə öz yerini itirmək qorxusu, nəsilartırma qabiliyyətinin olmaması qorxusu onların beynini psixoloji olaraq yükləyir. Ona görə, psixoloji dəstək olmazsa, edilən müalicələr daha uzunmüddətli və az effektli ola bilər".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...