Şadlıq evlərinin iki günlük yeni standartları...

Tarix: 03.09.2015 / 02:12
Bölmə: Sosial

Zakir Əhmədov: "Şadlıq sarayının sahibi məsuliyyətli olub yeni standartların tətbiqini reallaşdırmalıdır"

"Zamanla hər şey qaydasına düşəcək"

Məlum olduğu kimi, sentyabrın 1-dən "Şadlıq saraylarının təsnifatı və ümumi qaydalar" dövlət standartına edilən dəyişikliklər qüvvəyə minib. Standartlaşdırma, Metrologiya və Patent üzrə Dövlət Komitəsindən verilən məlumatda bildirilir ki, dəyişikliyə əsasən, mətbəxdə qabların yuyulması iki üsulla - əl və qabyuyan maşınlar vasitəsilə aparılmalıdır.

Qablar əl ilə yuyularkən müəssisə iri mətbəx qazanları və avadanlıqların yuyulması üçün 3 bölümlü, şüşə qablar və mətbəx dəstlərinin yuyulması üçün 2 bölümlü vannalarla təmin olunmalıdır. Təmiz mətbəx qabları və avadanlıqların alt hissəsi döşəmədən ən azı 50-70 sm hündürdə olan rəflərdə, təmiz mətbəx dəstləri zalda xüsusi şkaflarda, təmiz boşqablar isə bağlı şkaflarda və ya rəflərdə saxlanmalıdır. Onların məcməyidə səpələnmiş vəziyyətdə saxlanmasına icazə verilmir. Standarta digər dəyişiklik hazırlanan yeməklərin realizasiyası və saxlanması ilə bağlıdır. Belə ki, "İsveç masası" xidmət növündə təqdim olunan marmitdə, sobada qızdırılan qablarda olan isti yeməklər ən çoxu 3 saat ərzində, soyudulmuş hazır soyuq yeməklər isə 1 saat ərzində realizə edilməlidir və realizasiya zamanı isti yeməklərin temperaturu 750 C-dən aşağı, soyuq yeməklər və içkilərin temperaturu isə 140 C-dən yuxarı olmamalıdır. Həmçinin salatların inqrediyentləri qatışdırılmamış vəziyyətdə 2-6 dərəcədə 6 saatdan çox saxlanmamalıdır, qatışdırıldıqdan sonra dərhal stola verilməlidir.

Qaydalarda digər məsələlər də öz əksini tapıb. Belə ki, bir sıra yenilikləri özündə ehtiva edir. Bütün bunlar illərdir şadlıq evlərində mövcud olan problemlərin həllində nə kimi rol oynayacaq? Ekspertlər bunu necə dəyərləndirir?

Sözügedən məsələni dəyərləndirən ekspert Zakir Əhmədov hesab edir ki, şadlıq evləri ilə bağlı yeni standartların icrası elə bir çətinlik yaratmır: "Sadəcə, şadlıq sarayının sahibi məsuliyyətli olub yeni standartların tətbiqini reallaşdırmalıdır. Yəni məsuliyyət hissi yüksək səviyyədə olsa, yemək və salatlardan zəhərlənmə hallara tamamilə aradan qalxa bilər. Deməyim odur ki, bu yeniliyin tətbiqi birbaşa insan amilindən asılıdır. Sözügedən dəyişikliyin icrasında nəzarət orqanlarının üzərinə xüsusi məsuliyyət düşür. Problem ondadır ki, şadlıq sarayının sahibi bütün hallarda çalışır istifadə olunacaq ərzaqı ucuz qiymətə alsın. Ona görə ki, bundan qazancı çox olsun. Bu halda məhsulun keyfiyyəti ikinci dərəcəli məsələ hesab olunur. Əslində bazardan alınan ərzağın keyfiyyətinə də təminat vermək qeyri-mümkündür. Bu baxımdan nəzarət qurumlarının vəzifələrinə vicdanla yanaşması vacib şərt hesab edilir. Personalın şəxsi gigiyenik qaydalarına da dəyişiklik edilib.

Ancaq bu dəyişikliyin icrası elə də asan başa gəlməyəcək. Çünki şadlıq saraylarında çalışan personalların böyük əksəriyyəti tibbi müayinədən keçmədən işə qəbul olunur. Əslində onların tibbi müayinədən keçirilməsi də mümkünsüzdür. Çünki paytaxtın şadlıq saraylarının daimi işçiləri olmadığından, tez-tez yeniləri ilə əvəz olunur. Belə halda, günəmuzd işçilərin tibbi müayinəsi mümkünsüz olur. Bu baxımdan ekspertlərin qənaətinə görə, yeni qaydaların tətbiqi müəyyən vaxt tələb edəcək. Ancaq zamanla hər şey qaydasına düşəcək".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...