Bakı iaşəsində qadağan olunmuş toyuq dönəri hələ də gen-bol "işləyir"...

Tarix: 03.09.2015 / 02:48
Bölmə: Sosial

Eyyub Hüseynov: "Dönərxanaların 85 faizi toyuq dönərini satır"

"Toyuq dönərinin satışı de-yure qadağan olunsa da, de-fakto satışdadır"

"Fast-food" qidalarının ən çox tələb olunan növü - dönərlə bağlı antisanitar vəziyyət məlum olsa da, insanlar bu qidadan vaz keçə bilmir. Qeyd edək ki, toyuq dönərinin satış qiyməti mal ətindən hazırlanan dönərdən ucuzdur. Toyuq dönəri 1 manat 20-30 qəpiyə satılırsa, mal ətindən hazırlanan dönərlərin ən ucuzu 1 manat 50 qəpikdir.

Azərbaycanda satışının qadağan olunmasına baxmayaraq, toyuq dönərinə daha çox tələbat var.

Şəhərin müxtəlif ərazilərində toyuq dönərinin satıldığını müşahidə etmək olar. Hətta Respublika Gigiyena və Epidemiologiya Mərkəzinin şöbə müdiri Ziyəddin Kazımov bunu etiraf edib. O, mediaya açıqlamasında deyib ki, bu gün Azərbaycanda toyuq dönərinin satışı problemi qalır: "Biz toyuq dönərinin satışı ilə məşğul olanlara cərimə sanksiyaları tətbiq edirik, fəaliyyətini dayandırırıq. Onları cəlb edirik ki, mal ətindən dönər hazırlasınlar. Bir-iki gün buna əməl edirlər, iki-üç gündən sonra yenə toyuq ətindən hazırlamağa başlayırlar".

Z.Kazımov bu məsələdə vətəndaşlardan da dəstək istəyib: "Əgər bu gün vətəndaş dövlət orqanını dəstəkləsə, həmin yerdən dönər almasa və biz maariflənmə işini daha da gücləndirsək, problemin qarşısını almaq olar".

Azad İstehlakçılar Birliyinin sədri Eyyub Hüseynov bizimlə söhbətində qeyd etdi ki, bu gün toyuq dönəri açıq-aşkar satılır: "Bizim apardığımız monitorinqlər bir daha sübut edir ki, dönərxanaların 85 faizi toyuq dönərini satır. Beləliklə, toyuq dönərinin satışı de-yure qadağan olunsa da, de-fakto satışdadır. Nəticədə bir çox həkimlər qanunsuz qazanc əldə edir, yəni neqativ hallar baş verir. Bununla bağlı səhiyyə naziri Oqtay Şirəliyevə məktub yazdım. Bildirdim ki, bu qadağanı aradan götürməklə səhiyyədə baş verən bir çox neqativ hallar aradan qalxar. Ya bu qadağa tamamilə aradan götürülsün, ya da toyuq dönərinin satışı birmənalı olaraq yasaqlansın. Sadəcə burda bəzi dövlət qurumlarının müəyyən niyyətləri var. Lakin mənə cavab gəldi ki, toyuq dönərinə qoyulan qadağa götürülməyəcək".

Həmsöhbətimiz onu da əlavə etdi ki, Birlik tərəfindən dönərxanalarla bağlı araşdırma aparılıb: "Dönərxanaları ətlə təmin edən 3 şirkət müəyyən olunub, onlar "Azbanvit", "Elba MMC" və "Çudo Peçka" müəssisəsidir. "Çudo Peçka" müəssisəsinin ət bazası olmadığı halda dönərxanaları ətlə təmin edir. Bu çox təəccüblüdür. Yalnız "Azbanvit" müəssisəsi yüksək standartlara cavab verən təchizatla təmin olunub və keyfiyyətli məhsul təqdim edir. Paytaxtdakı dönərxanaların əksəriyyəti ət məhsulunu mənbəyi bilinməyən yerlərdən əldə edir".

E.Hüseynov hesab edir ki, toyuq dönəri mal ətindən hazırlanan dönərə nisbətən daha təhlükəsizdir: "Toyuq dönərlərinin heç olmasa mənşəyi məlumdur. Mal ətindən hazırlanan dönərlər, bir çox hallarda, insan sağlamlığı üçün böyük təhlükədir, çünki burda daha çox nöqsanlara yol verilir".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...