Azərbaycanda "saç bazarı"...

Tarix: 01.09.2015 / 03:26
Bölmə: Sosial

Saç ustası Aygün Xəlilova: "Təbii uşaq saçları hazırda saç alveri bazarında ən çox tələb olunan saç növüdür"

"Saç qaynağı zamanı keyfiyyətsiz materialdan istifadə, saç ustasının təcrübəsizliyi, qaynaq edilən saça düzgün qulluq olunmaması müxtəlif fəsadlar yarada bilər"

"Güzgü, güzgü, məndən gözəli varmı bu dünyada?". Elə xanım tapılmaz ki, ömründə bir dəfə də olsa, güzgüyə baxıb bu sualı verməmiş olsun. Artıq elə zaman gəlib ki, heç kim xarici gözəlliyində olan hər hansı bir problemin dərdini çəkmir.

Estetik əməliyyatlar, saçlara, dırnaqlara qaynaq və digər prosedurlar adi hala çevrilib. Adətən Azərbaycan xanımları uzun saçları ilə seçilib. Qadınlar saçları təbii yolla deyil, qaynaq vasitəsilə uzun edir. Yəni saçına əlavə saç taxdırmaqla uzunsaçlı görünür. Son illər xanımlar arasında saç qaynağına maraq bir qədər artıb. Əvvəllər şəhərdə saçları qaynaqlı tək-tük xanıma rast gəlirdiksə, indi vəziyyət çox dəyişib.

Ekspertlər xarici görünüşdə böyük fərq yaradan saç qaynağının insan orqanizminə ziyanı olduğunu düşünür.

Saç ustası Aygün Xəlilova bizimlə söhbətində bildirdi ki, saç qaynağı zamanı keyfiyyətsiz materialdan istifadə, saç ustasının təcrübəsizliyi, qaynaq edilən saça düzgün qulluq olunmaması müxtəlif fəsadlar yarada bilər: "Saç qaynağı düzgün edilmədikdə keçəlləşməyə gətirib çıxarır. Həm də qaynaq təbii saçları daha da nazik edir və saçqıranlar yaradır. Saçların süni uzadılmasından sonra codlaşır. Bu səbəbdən də seyrək, nazik saçları olan xanımlara qaynaqdan istifadə etmək məsləhət deyil. Yaxşı olar ki, ilk növbədə, xanımlar saçlarına müxtəlif müalicə üsulları tətbiq etdikdən sonra saç qaynaqlarından istifadə etsinlər. Lakin bu zaman əsas məsələni unutmasınlar ki, seçilən saç mütləq təbii saç olmalıdır. Təbii saçları yalnız peşəkarlar seçə bilər. Təbii saçları süni saçlardan seçmək üçün onu islatmaq lazımdır. Saç islanan zaman dolaşırsa, deməli, süni saçdır. İstilik dəyən kimi yığışan saç da sünidir. Süni saçlar saçın dibinə mikrob sala bilər. Saçın dibində qaşınma və hətta sızanaqların yaranmasına da gətirib çıxarır. Eyni zamanda süni saçlar dolaşaraq təbii saçların da tez xarab olmasına səbəb olur".

Həmsöhbətimiz onu da bildirdi ki, saç qaynağı zamanı adamın yaşı və sağlamlığı da nəzərə alınmalıdır. Dərisi həssas olan adamlara qaynaq məsləhət deyil. On yeddi yaşından aşağı olan xanımlara da qaynaq etdirmək olmaz. Çünki bu yaşa qədər yeniyetmələrdə saçlar yetərincə bərkimir.

Onu da bildirək ki, bu gün salonlarda saç biznesi hökm sürür. Yəni müştərinin saçı uzundursa, saç ustası həmin saçı almaq üçün min-bir şirin dil tökəcək ki, o razılaşsın.

Yaşına, saçın uzunluğuna və saçın rəngli olub-olmamasına görə qiymət dəyişir. Ən bahalı uşaq saçı hesab olunur.

Saç ustası Aygün Xəlilovanın sözlərinə görə, təbii uşaq saçları hazırda saç alveri bazarında ən çox tələb olunan saç növüdür: "Belə saçları tapmaq elə də asan deyil. Ona görə də qiyməti 250-300 manatdır. Kim uşaq saçı istəyirsə, ən azı 300 manatından keçməlidir. Uşaq saçları əsasən həkim məsləhəti ilə kəsilir. Valideyn uşağını gətirir ki, bəs saç uşağın gözünə ziyan edir, biz də kəsirik. Belə halda valideynlə razılaşıb, o saçı pulla satın alıb müştərilərə baha qiymətə satırıq. Uşağın saçı uzun, qalın, eyni zamanda bir az açıq rəngdədirsə, daha baha alınır. Qara rəngdə, boyasız, qalın uşaq saçlarının 100 qramının qiyməti isə 70-80 manat arasında dəyişir".

Həmsöhbətimiz bildirdi ki, bəzi gözəllik salonlarında müştərilər aldadılır: "Ustalar Hindistandan gətirilən saçları boyasız uşaq saçı adı altında müştəriyə baha qiymətə satır. Həmçinin, atın quyruğu da təbii saç adı altında müştəriyə satılır. Qaynaq etdirmək istəyən şəxs yalnız tanıdığı salonda saç qoydurmalıdır. Əks halda aldana və sağlamlığına zərər dəyə bilər".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...