Zorakılığa məruz qalmış Azərbaycan qadınının evdən qaçması?...

Tarix: 28.08.2015 / 02:42
Bölmə: Sosial

...Doğrudurmu...

Mehriban Zeynalova: "Qorxu bəzi hallarda düşünülməmiş addımlara səbəb ola bilər"

"Ailə başçıları evdə yaşanan narazılığa son qoymasa, o zaman qadın hüquq-mühafizə orqanlarına üz tutmalıdır"

Açıqlanan statistik rəqəmlərə görə, bu il ərzində Azərbaycanda 150 qadın ailə zorakılığına məruz qaldığı üçün yaşadığı evi tərk edib. "Təmiz Dünya" İctimai Birliyinin yaydığı məlumata görə, Birliyə ailədaxili zorakılığa məruz qalan 200 qadın müraciət edib. Bu qadınlardan təxminən 150-si məhz ailə zorakılığı ucbatından evdən qaçıb.

Birliyin hüquqşünası Məlahət Mədiyeva mediaya açıqlamasında qeyd edib ki, hazırda Birliyin sığınacağına evdən qaçan 5 qadın sığınıb. Ay yarım bundan əvvəl evdən qaçan həmin 5 qadın mütəmadi olaraq ailə zorakılığına məruz qalırmış.

Birliyə sığınan qadınlardan ikisinin hər birinin 2 azyaşlı uşağının olduğunu deyən M.Mədiyeva onların əsasən ya orta təhsilli, ya da təhsilsiz olduğunu da bildirib.

Ailə zorakılığı nəticəsində evdən qaçan qadınların böyük əksəriyyəti Gəncədəndir. Bununla yanaşı, Bərdədən də zorakılığa məruz qalan qadınlar Birliyə müraciət edib.

Hazırda Azərbaycan ailələrində münaqişələrin daha çox qayınana, baldız kimi kənar müdaxilələrin ucbatından yaşandığını deyən M.Mədiyeva gəlinlərin bu müdaxilələrdən bezərək evdən qaçdığını qeyd edib: "Qayınana, baldız yazıq gəlini bezdirir. Gəlin də sonda dözməyib uşaqlarını da qoyub gedir. Uşağa da "anan pisdir" deyə psixoloji təsir edərək məhkəmədə atası ilə qalmasına nail olurlar. Birliyə müraciət edən qadınlardan üzərlərində siqaret söndürülən, bıçaq batırılan qadınlar da var. Hətta elə qadınlar olub ki, əri ilə barışmasına nail olmuşuq. Ancaq 2-3 ay sonra eyni pis vəziyyətdə yenə Birliyə qayıdıb".

M.Mədiyeva ailə zorakılığına məruz qalan qadınların çoxunun "azad yaşamaq" istəyinə görə əri tərəfindən döyüldüyünü də xüsusi qeyd edib.

Ümumilikdə, bu il ərzində 276 nəfərə Birlik tərəfindən pulsuz psixoloji yardım edilib, 1000 nəfərə hüquqi məsləhət verilib.

Cari il ərzində 150 qadının zorakılığa məruz qaldığı üçün evi tərk etməsi eyni sayda ailənin dağılması deməkdir. Necə etmək olar ki, zorakılığa məruz qalan qadın evi tərk etmədən ailəsində yaşanan problemi həll etsin? Hüquq-mühafizə orqanına müraciət etməklə qadın bu problemi həll edə bilərmi?

Məsələ ilə bağlı fikir bildirən "Təmiz Dünya" İctimai Birliyinin sədri Mehriban Zeynalova "Bakı-Xəbər"ə açıqlamasında qeyd etdi ki, istənilən vəziyyətdən çıxış yolu tapmaq mümkündür. Bu vəziyyətlərdə əsas yük ailə böyüklərinin üzərinə düşür. Tərəflərin bir-birilə münasibəti kəskin vəziyyətdədirsə, ailə başçıları onlara dəstək olmalıdır: "Kişinin qadına münasibəti dəyişibsə, ağsaqqallar bir araya toplaşıb həmin şəxsə başa salmalıdır ki, bu qadın sənin namusun, uşağının anasıdır".

Həmsöhbətimiz onu da bildirdi ki, bəzi ailələrdə ər hər gün yoldaşını öldürəcəyi ilə təhdid edir: "Amma sonrakı proseslərdə aydın olur ki, ölüm söhbəti sadəcə göz qorxutmaq üçün səslənirdi. Nəzərə almaq lazımdır ki, valideyn körpə uşağı cəzalandıranda belə onu öldürəcəyini deyir.

Amma nəticədə ana övladını öldürmür, sadəcə qorxutmaq üçün bu ifadəni işlədir. Gəlinlər "səni öldürəcəm" sözünün məcazi məna daşıdığının fərqinə varmayıb öz ailəsini dağıdır. Qorxu bəzi hallarda düşünülməmiş addımlara səbəb ola bilər".

Birlik sədrinin sözlərinə görə, bəzi hallarda vəziyyət kritik həddə çatdığı üçün qadınlar həyatda qalmaq üçün yaşadığı evi tərk edir.

M.Zeynalova qeyd etdi ki, zorakılığa məruz qalan qadın ilk növbədə ailə böyüklərinə müraciət etməlidir. Ailə başçıları evdə yaşanan narazılığa son qoymasa, o zaman qadın hüquq-mühafizə orqanlarına üz tutmalıdır.

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...