Bəzi azərbaycanlı kişilərin rüsvayçı "epilyasiya aludəçiliyi"...

Tarix: 27.08.2015 / 02:26
Bölmə: Sosial

"Epiderm" lazer mərkəzi - İradə: "Klinikaya qadınlarla yanaşı, kişilər də müraciət edir"

Vera Mədətova: "Kişilərin epilyasiyaya marağı böyükdür"

Bella Sultanova: "Düzgün təraş kişi üz dərisi üçün xeyirlidir"

El arasında "Gözəllik qurban tələb edir" deyimi var. Azərbaycanda da bir çox xanımlarımız, hətta bəzi kişilər xarici görünüşünün gözəlliyi üçün bədənlərinə şüa verilməsinə, dərisinin iynə ilə deşilməsinə, bıçaq altında yatmağa belə razı olurlar. O sırada epilyasiya deyilən prosedur da var.

Söhbət bədəndəki arzuolunmaz tüklərdən qurtulmaqdan gedir. Açıqlanan məlumatlara görə, qadınlarla yanaşı, kişilər də epilyasiya xidmətlərindən istifadə edir.

"Epiderm" lazer mərkəzinin əməkdaşı İradə xanım bizimlə söhbətində bildirdi ki, klinikaya qadınlarla yanaşı, kişilər də müraciət edir: "Son illər müraciət edənlərin arasında kişilərin sayında artım müşahidə olunur. Qadınlardan fərqli olaraq kişilər əsasən üz nahiyəsində olan tüklərin təmizlənməsinə üstünlük verir. Kişilərdə arzuolunmaz tüklər daha cod olduğundan, qadınlarla müqayisədə lazer epilyasiyası seansları daha çox olur. Ayda bir dəfə olmaqla, kişi müştərilərimizi lazer epilyasiya xidməti üçün qəbul edirik".

Epilyasiya ustası Vera Mədətovanın sözlərinə görə, kişilərin epilyasiyaya marağı böyükdür. Üstəlik, onlar epilyasiya şərtlərinə əməl etsələr, epilyasiya kişi dərisində daha effektli olur. Əks halda, seans müddəti uzanır: "Səhər qadınlar növbəsi olduğu üçün kişilərə rast gəlmək olmur. Axşam 7-8-dən sonra isə kişilər üçün epilyasiya edilir. Bu vaxt qadınlar da az olur. Nədənsə qadınlar kişilərin epilyasiyaya gəlməsinə xoş baxmır. Fikrimcə, bu normaldır. Elə üz dəriləri ilə rastlaşırıq ki, insan dəhşətə gəlir: daim ülgücdən istifadə edildiyi üçün üz dərisində yaralanmalar, sızanaqların üst təbəqəsinin kəsilməsi, dərinin səpməsi, tükün dəri altında qalması və s. Epilyasiya edildikdə isə bu problemlərin kökü kəsilir. Dəri rahatlayır, sakitləşir, ən az 1 ay müddətində ovuc içi kimi olur. Estetik epilyasiya da edirik. Məsələn, müştəri saqqalını formaya saldırır və bizə müraciət edir. Fotosu çəkilir. Üz tükləndikdən sonra yenidən müraciət edilir və biz eyni formada epilyasiyanı edirik. Bakenbord, gözaltı, almacıqlardan təmizlənən tüklər uzun müddət yenidən çıxmır. Elə müştərilər var ki, onlar epilyasiya etdirir və üz az tüklənən kimi yenidən təraş edir. Çünki onlar işə və ya hansısa məclisə üzü tüklü gedə bilmir. Epilyasiya olunmuş üzə 1 dəfə də olsa ülgüc dəydikdə tüklər əvvəlki codluğa qayıdır. Buna görə də epilyasiyadan sonra 15 gündən bir korrektə edirik ki, müştəri üzünə ülgüc vurmasın".

Dermatoloq Bella Sultanovanın sözlərinə görə, kişi üz dərisi təraş üçündür, epilyasiya üçün yox. Düzgün təraş olunduqda heç bir tük batmasından, yaralanmadan söhbət belə gedə bilməz. Kişi dərisi qadın cildi ilə müqayisədə daha sərt olsa da, bir o qədər də dözümlüdür. Təraşöncəsi və sonrası cildə xüsusi diqqət göstərilməsi vacibdir. Əks halda üz dərisində tük dönmələri və iltihablar baş verə bilər. Tez-tez təraş olmaq üz dərisindəki ölü təbəqənin təmizlənməsi baxımından əhəmiyyətlidir. Ancaq çox zaman kişilərin dərisinin üst hissəsindəki qat soyulmadığı üçün o zamanla sərtləşir və heç də xoş olmayan bir görüntü yaradır: "Əvvəla kişi üçün epilyasiyanı heç bir halda məsləhət görməzdim. Elə vəziyyətlər olur ki, o zaman saqqal buraxmaq vacib haldır. Bu zaman epilyasiyalı üz təbii ki, soyulmuş yumurta kimi tərtəmiz olacaq. Eləcə də epilyasiya ilə hər hansı bir formanı vermək də məsləhət deyil. Saqqal buraxıldıqda üz ala-bəzək görünəcək.

Ən gözəl və təbii üsul düzgün edilən təraşdır. İsti su ilə üz yuyulmalı, hər hansı bir köpüklə 3-5 dəqiqə ərzində üz dərisi massaj edilməli, təmiz ülgüclə tüklərin çıxan istiqamətində təraş olunmalıdır. Təraşdan sonra üzə spirtli məhlul vurmaq dərini sərtləşdirir və yaralanmalar varsa qurudur. Növbəti təraş zamanı kəsilmə və qanama artır. Düzgün təraş kişi üz dərisi üçün xeyirlidir".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...