Nəm salfetkalarla uşaqları təmizləməyin fəsadları...

Tarix: 25.08.2015 / 01:55
Bölmə: Sosial

Bella Sultanova: "Körpələrin dəri bişməcəsindən əziyyət çəkməsinin ilkin səbəbi də elə bu nəm salfetlərdir"

Aynur Məmmədova: "Körpələrin təmizliyində nəm salfetlərdən istifadə edilməməlidir"

Çoxlarının gündəlik həyatda istifadə etdiyi gigiyenik vasitələrdən biri də nəm salfetlərdir desək, yəqin ki, yanılmarıq. Hətta bir çox xanımların çantalarında nəm salfetlər ən zəruri əşyalardan biri hesab olunur. Ancaq əminliklə deyə bilərik ki, bir çoxumuzun gigiyenik vasitə kimi istifadə etdiyimiz bu məhsulların tərkibi, necə hazırlanması, gigiyenik qaydalara uyğun olub-olmaması haqda heç bir məlumatımız yoxdur.

Nəzərə alsaq ki, insan üçün sağlamlığı hər şeydən öndə gəlir, o zaman onu təhlükəyə ata biləcək əşyalardan uzaq olmaq, istifadə etdiyimiz məhsulların tərkibinə diqqət yetirmək də bizim öhdəmizə düşür.

Nəm dəsmallardan uşaqların gigiyenasında da istifadə olunur. Analar uşaqların təmizliyində ən çox azyaşlı uşaqlar üçün mövcud olan xüsusi nəm dəsmallardan istifadə edir.

Bu günlərdə Rusiyada nəm dəsmal 6 aylıq uşağın həyatını təhlükəyə atıb. Belə ki, ana 6 aylıq uşağının bədənini təmizləmək üçün nəm dəsmaldan istifadə edərkən körpə ağlamağa başlayıb. Nə baş verdiyini anlamayan ana bir az sonra gördüyü mənzərə qarşısında şoka düşüb. Uşağın bədəni əvvəlcə qızarıb. Ardınca suluçlar yaranmağa və qanamağa başlayıb.

Körpəsini təcili yardıma aparan anaya həkimlər dəhşətli gerçəyi, bunun kimyəvi yanıq olduğunu və bir az gec gətirilsəymiş uşağın ölə biləcəyini deyib. Onlar yanığa səbəb kimi ananın istifadə etdiyi nəm dəsmalı göstərib. Araşdırma zamanı nəm dəsmalın saxta olduğu aydınlaşıb.

Qeyd edək ki, tək Rusiyada deyil, Azərbaycanda da analar uşaqların təmizliyi üçün nəm dəsmaldan mütəmadi olaraq istifadə edir.

Dermatoloq Bella Sultanova bizimlə söhbətində bildirdi ki,

üzdə dəri problemlərindən əziyyət çəkən gənc xanımların 90 faizi makiyajı nəm salfetlə təmizləyir: "Körpələrin dəri bişməcəsindən əziyyət çəkməsinin ilkin səbəbi də elə bu nəm salfetlərdir. Hətta valideynin bu salfetlərlə əllərini silib körpəsinə toxunması belə körpə sağlamlığı üçün təhlükəlidir. İstər böyüklər, istərsə də uşaqlar üçün istehsal olunan nəm salfetlər özündə olduqca çox kimyəvi maddə saxlayır. Kim desə ki, uşaq salfetləri belə deyil, əmin olun, yalandır. Əvvəla sağlamlıq üçün nəzərdə tutulan əşyaların tərkibi kimyəvi maddələrlə zəngin olmamalıdır.

Salfetlər isə belə deyil. Nəm salfeti sıxdıqda yuyucu tozlu su damcıları çıxır. Eləcə də kasaya su doldurub nəm salfeti içərisində fırladın. Kasadakı su köpüklənəcək. Körpələrin geyimləri, yataq dəstləri dəfələlə durulanır ki, yuyucu maddə qalıb allergik reaksiya verməsin. Digər tərəfdən, ana tərkibi yuyucu maddə ilə dolu olan salfeti körpəsi üçün istifadə edir. Bu cür ziddiyyət körpəni qoruya-qoruya təhlükəyə atmaq deməkdir".

Xanımları nəm salfetlərdən makiyaj təmizləmək üçün istifadə etməməyə çağıran həmsöhbətimiz bildirdi ki, üzərindən su ilə yuyulsa belə, siz artıq bu salfeti dəfələrlə üzdə gəzdirmiş olursunuz. Onun sözlərinə görə, yanma, qaşınma kimi geniş yayılan problemin əsas kökü də məhz budur.

Pediatr Aynur Məmmədova isə qeyd etdi ki, körpələrin təmizliyində nəm salfetlərdən istifadə edilməməlidir. Su və sabunla yuyulmalı olan bədənə bu cür kimyəvi maddələrlə zəngin salfetlər vurulmamalıdır. Bu salfetlər uşaqları öldürməz, amma sağlamlığına ciddi təsir göstərər: "Körpə dərisi çox həssasdır. Buna görə də yumaq əvəzinə nəm salfetlər qətiyyən istifadə olunmamalıdır. Körpə üçün 1 qram kimyəvi maddə belə təhlükəlidir".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...