Gəlinlik dükanlarında gördüklərimiz...

Tarix: 25.08.2015 / 02:15
Bölmə: Sosial

Xınayaxdı və toy mərasimləri əsrlər boyu Azərbaycanın müxtəlif tarixi bölgələrində inkişaf edərək vahid və zəngin bir adət sisteminə çevrilib. Ölkəmizdə qız bəyənmə, elçilik, nişanlılıq dövrü, qız toyu, xınayaxdı, nəhayət, gəlin köçmə kimi adətlər olub və var. Elə onların özünəməxsus geyim-keçimi, bər-bəzəyi də... Özü də toy geyimləri həmişə dəyişib, dəblə ayaqlaşıb, dəbə uyğunlaşıb.

Azərbaycan toyların təntənəsinə görə həmişə öndə gedən ölkələrdən olub. Bizdə toy tamam başqa mərasimdir. Əslində bayram kimi qeyd olunan mərasim... Bizim ölkədə toya xüsusi hazırlıq olur. Toyu olan cütlüklər istəyir ki, o şad günündə hər kəsdən seçilsin və mərasimdə iştirak edən hər kəs onların necə gözəl olması barədə danışsın. Bunun üçün onlar xüsusi olaraq geyimə üstünlük verir. Gəlin paltarları üçün olan xüsusi geyimlər formasına və hansı ölkəyə aid olmasına görə seçilir. Apardığımız araşdırma zamanı məlum oldu ki, gənc xanımlar türk və Qərb üslubunda olan gəlinlərə üstünlük verir. Gənc qızlar xınayaxdı geyimi üçün milli üslubda olan libasları seçir.

Toy günü gəlinlik kirayələmək o qədər də çətin iş deyil, çünki hər cür gəlirli insanlar üçün uyğun gəlinliklər var. Kirayə gəlinliklər müştərilərə şəxsiyyət vəsiqəsini girov qoymaqla verilir. Toy başa çatdıqdan sonra paltar geri qaytarılır, məbləğ ödənir. Paytaxt mağazalarında Türkiyə, İspaniya, Ukrayna, ABŞ və başqa ölkələrdə istehsal olunan gəlinliklərə rast gəlmək olar. Onların qiyməti formasına və istehsal olunduğu firmalara görə dəyişir.

Kirayəlik gəlin paltarının bir gününün icarə qiyməti 100-1000 manat arasında olur. 100 manata olan donların tikilişi sadədir, üzərində bahalı daş-qaşlar olmur.

Gəlinliklər arasında azərbaycanlı modelyerlərin əl işləri olsa da, satıcılar bildirir ki, əksər gənclər xaricdən gətirilən gəlinliklərə üstünlük verir. Amerika və İspaniyadan gətirilən gəlinliklərin kirayə qiyməti 700-3000 manat arasında dəyişir.

"Diqlas" ticarət mərkəzi "Diamond" gəlinlik mağazasında satıcı Zülfiyyə xanım deyir ki, xanımlar xınayaxdı mərasimi üçün daha çox milli geyimlərə üstünlük verir. Libasın üzəri naxışlarla, pilələrlə bəzədilmiş olur: "Bu geyimlər daha çox Türkiyədən gətirilir. Bu milli geyimlər xınayaxdı mərasimi üçün əsasən kirayəyə verilir. Qiymət az sayılmaz - bir gün üçün 50 manatdır. Xanımların xüsusi bəzədilməsi üçün salonlar da təklif edilir. Bu milli geyimlər bizim keçmiş adət-ənənələrimizi əks etdirir. Ona görə də camaatın böyük marağına səbəb olur".

Zülfiyyə xanımın sözlərinə görə, xanımlar daha çox sinəsi qaşlarla bəzədilən, açıq yaxalı, küprlü gəlinliklərə üstünlük verir. Bu libaslar Türkiyədən gətirilir. Xanımlar gəlinliklərə uyğun olaraq daha çox uzun duvaqlardan istifadə edir: "Xanımların seçib sifariş etməsi üçün kataloqlar da var. Buradan istədiyin formada və qiymətə paltar sifariş edə bilərsən. Biz hicablı xanımları da unutmamışıq. Onlara uyğun gəlinliklər də təklif edirik. Həmin paltarlar, bir qayda olaraq, Dubaydan, habelə Türkiyə və İrandan gətirilir, yaxud da bu ölkələrin kataloqlarından götürülmüş nümunələr əsasında sifarişlə tikilir".

Satıcı onu da əlavə etdi ki, mağazalarda yaşanan problemlərdən biri də zövq məsələsidir: "Məsələn, gənclər müasir dövrün tələbinə uyğun olaraq geyim seçmək istəyir, amma onun doğmaları isə açıq-saçıq geyimə qarşı çıxır. Belə olan halda biz çalışırıq ki, hər iki tərəfi razı salaq. Yəni açıq formalı gəlinliyə qol və ya fiqaro əlavə etməklə hər iki tərəf razı olur".

Müsahibimizdən gəlinliklərin təmizliyinə necə əməl olunduğunu soruşduqda bildirdi ki, toy libasları xüsusi "ximçiska"larda yuyulur və ütülənir:

"Gəlinliklər hər dəfə geyinildikdən sonra təmizlənir. Elə müştəri var ki, o geyinilməmiş libas istəyir. Təbii ki, ilk dəfə geyiniləcək paltarın qiyməti digərlərindən fərqli olur. Az qaşlı təzə gəlinliklərin kirayə qiyməti 700-800 manat arasında dəyişir".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...