İcra hakimiyyətlərində övladlığa götürmə işi köklü islahat istəyir

Tarix: 21.08.2015 / 02:49
Bölmə: Sosial

İlqar Hüseynli: "Yaxşı olardı ki, bununla bağlı xüsusi qurum yaradılsın və sırf bu işlə məşğul olsun"

"Övladlığa götürmə ilə bağlı xarici ölkələrin təcrübəsi əsas götürülərək elə bir mexanizm yaradılmalıdır ki, vətəndaşlar əziyyət çəkməsin"

Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov övladlığa götürmə ilə bağlı bir sıra problemlərə toxunub. Onun sözlərinə görə, hazırda uşaq övladlığa götürmək istəyən ailələrin sayı çox olsa da, onlar problemlə üzləşir.

Onun açıqlamasından belə məlum olub ki, yerli icra strukturları buna o qədər də məsuliyyətli yanaşmır: "Bütün dünyada olduğu kimi, Azərbaycanda da övladlığa götürmə faktı məhkəmə qərarı ilə təsdiq edilir. Biz postsovet ölkəsi, həm də kontinental hüquqi sistemə aid olduğumuza görə övladlığa götürmə ilə bağlı qərar verərkən yerli qurumların rəyi əsas götürülür. Bir qayda olaraq daxili övladlığa götürmədə yerli icra hakimiyyəti orqanlarının, ölkələrarası övladlığa götürmədə isə Ailə, Qadın və Uşaq Problemləri üzrə Dövlət Komitəsinin rəyi əsas götürülür. Ailələr yerli icra hakimiyyətlərinə müraciət edir. Lazım olan sənədləri yığandan sonra rəyin verilməsi gecikdirilir. Bu süni bürokratik əngəllərin qarşısının alınması məqsədilə təkmilləşdirmə işləri davam etdirilməlidir. Bu gün yerli icra hakimiyyətində övladlığa götürmə işi ilə məşğul olan insanlar 6-7 vəzifəni bir yerdə icra edirlər. Ona görə də yerli icra hakimiyyətlərində çalışan insanlar yalnız övladlığa götürmə məsələsi ilə məşğul olmayacaqsa, problem qalmaqda davam edəcək".

E.Səfərov qeyd edib ki, bu sahədə yaranmış problemi həll etmək üçün qanunvericilik sahəsində islahatlar aparılmalıdır: "Eyni zamanda, yerli icra hakimiyyətlərində övladlığa götürmə ilə məşğul olan şəxslər bu sahə üzrə ixtisaslaşmalıdır. Həm də bu işdə uşaq hüquqlarının müdafiəsi sahəsində ixtisaslaşan xüsusi vəkillər olmalıdır ki, onlar ancaq bu fəaliyyətlə məşğul olsun. Problemdən çıxış yolu kimi övladlığa götürmə işini bələdiyyələrə də həvalə etmək olar. Məsələn, Türkiyədə bu işlə bələdiyyələr məşğul olur".

Bütövlükdə, yerli icra strukturlarının buna lazımi səviyyədə diqqət yetirməməsi yeni deyil. Bir tərəfdən bununla bağlı prosedurların mürəkkəb olması, digər tərəfdən yerli icra strukturlarının buna səhlənkar yanaşması səbəbindən bir çoxları illərlə gözləməli olur.

Sözügedən məsələni dəyərləndirən ekspert İlqar Hüseynli hesab edir ki, uşaqların övladlığa götürülməsi məsələsini nizama salmaq üçün xüsusi ixtisaslaşdırılmış qurum yaradılmalıdır:

"Eyni zamanda, buna nəzarət artırılmalıdır. Xarici ölkələrin təcrübəsi əsas götürülərək elə bir mexanizm yaradılmalıdır ki, vətəndaşlar əziyyət çəkməsin. Prinsipcə, bu elə də çətin deyil. Sadəcə, bu sahədə müəyyən uğurlara nail olmuş ölkələrin təcrübəsini dərindən və hərtərəfli öyrənmək lazımdır. Təbii ki, yerli xüsusiyyətləri nəzərə almaq şərtilə. Əlbəttə, icra strukturları bir neçə vəzifəni paralel şəkildə həyata keçirəcəksə, o zaman sözügedən məsələnin normal səviyyədə icra olunmasından söhbət gedə bilməz.

Bu, istər-istəməz, işin effektivliyini aşağı salacaq. Necə ki, bu belədir. Ailələr var ki, illərdir övlad üzünə həsrətdir. Rəvadırmı onları çətinliklərə məhkum etmək? O üzdən, yaxşı olardı ki, bununla bağlı xüsusi qurum yaradılsın və sırf bu işlə məşğul olsun. İxtisaslaşmış bir qurumun olması bu sahədə problemlərin həllini sürətləndirə bilər. Nəticədə daha çox vətəndaş uşaq övladlığa götürə bilər. Bu baxımdan hesab edirəm ki, sözügedən səlahiyyət icra strukturlarından alınmalıdır".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...