Məktəb və universitetlərdə dərs saatı dəyişikliyinin mümkün nəticələri...

Tarix: 20.08.2015 / 02:39
Bölmə: Sosial

İlqar Hüseynli: "Təhsil müəssisələrində iş saatlarının dəyişdirilməsi təklifini müsbət qarşılamaq lazımdır"

"Şəhərdə insanların sıx toplaşdığı məkanlarda mövcud olan orta və ali təhsil müəssisələrində iş saatı mütləq dəyişdirilməlidir"

Təhsil Nazirliyinin Nazirlər Kabinetinin Yol Hərəkəti Təhlükəsizliyi Komissiyasına təklif etdiyi növbəti təklif Bakıdakı təhsil müəssisələrində iş qrafiki ilə bağlıdır. Bu təklif yalnız Bakı şəhərində nəqliyyatın sıx olduğu ərazilərə və bu ərazilərdə yerləşən həm ali, həm də orta təhsil müəssisələrinə aiddir.

Bu barədə Təhsil Nazirliyinin Elm və ali təhsil şöbəsinin sektor müdiri Sülhəddin Gözəlov media nümayəndələrinə açıqlamasında deyib. Sektor müdirinin sözlərinə görə, nəqliyyatın sıx olduğu ərazilərdəki təhsil müəssisələrində iş qrafikinin dəyişməsi ilə bağlı Nazirlər Kabinetinin Yol Hərəkəti Təhlükəsizliyi Komissiyasına təkliflər verilib: "Bu qrafik saat 08.00-10.00 arasını əhatə edir. Qeyd edim ki, nəqliyyatın sıx olmadığı ərazilərdə yerləşən təhsil müəssisələrinin iş qrafiki elə olduğu kimi də qalacaq. Narahatlığa əsas yoxdur. Yalnız nəqliyyat qovşağı çox gərginlik yaradan, mürəkkəb olan, Bakıda tıxacların yaranmasına səbəb olan ərazilərdə yerləşən təhsil müəssisələrinin iş qrafikinin müəyyən qədər dəyişdirilməsi ilə bağlı Nazirlər Kabinetinə təklifimizi vermişik.

Bəzi ali məktəblərdə iş qrafiki, məsələn, saat 08.30-da başlayırdısa, bu 08.00-ə, bəzilərində 09.00-a keçirilməsi təklif olunub. Bu təklif təhsil müəssisələrinin miqyası, sıx ərazi sahəsindəki təhsil müəssisələrinin sayı nəzərə alınmaqla verilib. Belə deyək, Bakı Şəhər İcra Hakimiyyəti və yaxud "İçərişəhər" stansiyasının ətrafında bir neçə həm ali, həm də orta təhsil müəssisəsi var. Bütün bunlar nəzərə alınmaqla, onların iş qrafiklərində müəyyən qədər diferensiallaşma aparmışıq ki, işə gəlmə və işdən getmə məsələləri nəqliyyat sıxlığına gətirib çıxarmasın".

S.Gözəlov onu da qeyd edib ki, istər iş qrafikinin müəyyən qədər dəyişdirilməsi, istərsə də qapalı ərazi sahələrində nəqliyyat vasitələrinin saxlanması zamanı ən başlıcası təhsil alanların, şagirdlərin sağlamlığı və təhlükəsizliyi gözlənib":Eləcə də tələbələrimizin ali məktəblərin ərazilərində təhlükəsizliyi nəzərə alınmaqla bu təkliflər verilib".

Ekspertlər də təhsil müəssisələrində iş saatının dəyişdirilməsi təklifini müsbət qarşılayır.

Sosial sahə üzrə ekspert İlqar Hüseynli bizimlə söhbətində bildirdi ki, təhsil müəssisələrində iş saatlarının dəyişdirilməsi təklifini müsbət qarşılamaq lazımdır: "Xatırladaq ki, paytaxt Bakıda keçirilən "Bakı 2015" İlk Avropa Oyunları zamanı tətbiq edilən iş saatının dəyişdirilməsi qaydası şəhərdə nəqliyyat sıxlığının yaşanmaya biləcəyini sübut etdi. Lakin hazırda hər kəs sentyabr ayından etibarən şəhərdə nəqliyyat sıxlığının yaşanacağını düşünüb işə necə gəlib-gedəcəyini düşünür. Nəzərə almaq lazımdır ki, həm dərsə gedənlər, həm də işə gedənlər eyni vaxtda evdən çıxsalar, o zamanda yollarda nəqliyyatın hərəkəti iflic olar. Bu cür xoşagəlməz halın yaşanmaması üçün iş saatı mütləq dəyişdirilməlidir. Şəhərdə insanların sıx toplaşdığı məkanlarda mövcud olan orta və ali təhsil müəssisələrində iş saatı mütləq dəyişdirilməlidir. Zənnimcə, iş saatının dəyişdirilməsi təhsilə heç bir zərər gətirməz. Əksinə, öyrədən və öyrənənlər rahat şəkildə auditoriyaya daxil olacaq".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...