Azərbaycanlıların Həccdən üz çevirməsinin əsl səbəbləri...

Tarix: 19.08.2015 / 02:54
Bölmə: Sosial

Hacı Hacıağa Nuri: "Əsas səbəb ödənilən məbləğin birdəfəyə ödənməli olması ilə bağlıdır"

"Bu da müraciət etmək istəyən zəvvarların qarşısında müəyyən maneə yaradır"

Azərbaycanda ilk dəfə olaraq Həcc ziyarətinə ayrılan zəvvar yerləri üçün kvota dolmayıb. 2400 nəfərlik kvotanın hələ də dolmaması səbəbindən Həcc ziyarəti üçün sənəd qəbulunun vaxtı bu ayın sonuna qədər bir daha uzadılıb. Məsələ ondadır ki, ötən ilə qədər Azərbaycanda Həcc ziyarəti üçün fevralın sonunda elan olunan sənəd qəbulu mayın sonu yekunlaşıb.

Ötənilki kvota 4 minə yaxın olub, ziyarət xərcləri isə təklif olunan variantlar üzrə 3250 və 4150 manat olub.

Qeyd edək ki, bu il sənəd qəbulu martın 11-də başlayıb. Azərbaycandan Həcc ziyarətinə səfər sentyabrın 11-də başlayacaq. Hər il olduğu kimi, bu il də zəvvarlara ziyarət iki formada təklif olunur. Daha yaxşı şəraitli hotellərdə qalmaq, yeməklərlə təmin olunmaq, o cümlədən hotellərdə 4 nəfərlik otaqlarda yerləşdirmə xərci 5750 dollar, nisbətən ucuz, 6 nəfərlik hotellərdə qalmaq üçün təklif olunan variant isə 4700 dollardır. Yaxın Şərqdə baş verən hadisələrlə əlaqədar ziyarət yalnız təyyarə ilə baş tutacaq. Uçuşları AZAL həyata keçirəcək. Bu il ilk dəfə olaraq ziyarət xərcləri ABŞ dolları ilə aparılır.

Görünən odur ki, Qafqaz Müsəlmanları İdarəsi tərəfindən qiymətlərin ilbəil artırılması ziyarətçilərin azalmasına gətirib çıxarıb. Doğrudur, ilk vaxtlarda QMİ bu bahalaşmanı devalvasiya və xaricdəki şirkətlərə ödəmələrlə əsaslandırmağa çalışdı. Yəni idarə ziyarətin təşkili ilə bağlı xarici şirkətlərə ödənişi dollarla həyata keçirdiyi üçün qiymətləri qaldırmaq məcburiyyətində olduğunu əsaslandırmağa çalışdı. Ancaq Azərbaycanda Həcc qiymətlərinin digər ölkələrlə müqayisədə baha olduğu hər kəsə məlumdur. Bu mənada bahalığın "əsaslandırılması" çox adamı qane etmədi. Ziyarətə olduqca az vaxt qalmasına baxmayaraq, yerlər tam dolmayıb. Reallıq ondan ibarətdir ki, devalvasiyanı bəhanə edərək QMİ-nin qiymətləri birdən-birə 35 faiz həddində qaldırması bir çox müsəlmanın ziyarət arzusunun üstündən xətt çəkib. Yeri gəlmişkən, Azərbaycanda bir çox imkanlı adam Həcc ziyarətinə imkansız insanları göndərir. Qiymətlərin bahalaşması üzündən bu cür aksiyalar da azalıb.

Maraqlıdır, kvotanın dolmamasının səbəblərini din xadimləri nə ilə əlaqələndirir?

Məsələyə münasibət bildirən Nardaran ağsaqqalı, Həcc karvanının qrup rəhbəri Hacı Hacıağa Nuri bunu bir sıra amillərlə əlaqələndirir. Onun sözlərinə görə, bu prosesin uzun sürməsinin kökündə bir neçə məsələ dayanıb: "Hələ ki, Həcc səfəri ilə bağlı kvota dolmayıb. Bu il bu proses kifayət qədər uzun çəkdi. Bu prosesin uzun sürməsinin əsasında bir neçə məsələ dayanıb. Bu ilk olaraq insanların imkanının zəifləməsini göstərir. Belə ki, ötən illərə nisbətdə görünür ki, əhali imkansızlaşıb. Digər əsas səbəb isə ödənilən məbləğin birdəfəyə ödənməli olması ilə bağlıdır. Ötən illərdə Həcc səfəri ilə bağlı məbləğ 5-6 ay ərzində ödənilə bilirdi. Ancaq bu il bu prosesi müəyyən olunmuş bank həyata keçirir. Bankla da razılaşma belədir ki, ödəniləcək məbləğ birdəfəyə ödənir və qarşılığında da çek verilir. Bu da müraciət etmək istəyən zəvvarların qarşısında müəyyən maneə yaradır. Buna rəğmən, düşünürəm ki, avqust ayının sonlarına Həcc kvotası dola bilər".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...