Azərbaycanda başqasının mobil telefon nömrəsindən istifadəyə son qoyulur

Tarix: 11.08.2015 / 02:42
Bölmə: Sosial

Zakir Əhmədov: "Abunəçilərin dəqiq müəyyən olunması baxımından bu kimi addımların atılması məqsədəuyğundur"

"Adam var adına çoxsaylı nömrə var, amma ondan digərləri istifadə edir"

Yayılan məlumata görə, Azərbaycanın mobil operatorları sim-kart sahiblərinin müəyyənləşdirilməsi problemi ilə üzləşib. Bu barədə "Trend"ə ölkənin telekommunikasiya bazarındakı mənbə bildirib.

Mənbə qeyd edib ki, ümumilikdə operatorlar ölkədə istifadə olunan sim-kartların təqribən üçdə birinin şəxsi məlumatlarını unifikasiya etməli olacaq. Bu prosesdə hökumətin sim-kartların satışı proseduruna dəyişikliklərlə bağlı qərarı əsas rol oynayacaq. Bu qərar ilk növbədə başqasının mobil telefonunun nömrəsindən istifadə etməyin qarşısını alacaq.

Mənbə onu da bildirib ki, sənəddə mobil operatorların abunəçi bazasının Daxili İşlər Nazirliyinin bazası əsasında formalaşdırılmalı olduğu qeyd olunub: "Yalnız bu prosesdən sonra sim-kart aktivləşə bilər. Yeniliyin artıq sentyabrın 1-dən qüvvəyə minəcəyi gözlənir. Lakin operatorların üzləşdiyi müəyyən texniki çətinlikləri nəzərə alsaq, bu müddətin daha bir ay uzadılacağı nəzərdə tutulur".

Mənbə qeyd edib ki, sim-kart sahiblərinin müəyyənləşdirilməsi problemi ilk növbədə dövlət strukturlarının bildiriş xidmətinin işə buraxılmasını ləngidir.

Maraqlıdır, sözügedən problemin yaranma səbəbi nə ilə bağlıdır? Ümumilikdə, bu sahədə tətbiq olunacaq yeniliklərin mahiyyəti nədən ibarətdir?

Sözügedən məsələyə aydınlıq gətirən ekspert Zakir Əhmədovun sözlərinə görə, prinsipcə, burada narahatlığa elə bir əsas yoxdur: "Bir sıra ölkələrdə bənzər problemlər ilk vaxtlar yaşanıb. Bu da mobil telefonların geniş yayılmağa başladığı dövrlərdə özünü göstərib. Sonradan isə bu öz həllini tapıb. Azərbaycanda da son illərə qədər istər mobil telefon satışında, istərsə də sim-kart satışında bir sıra boşluqlar var idi. Məlum olduğu kimi, artıq bunların aradan qaldırılması istiqamətində işlər görülür.

Yaranan boşluqların yaratdığı problemlər ondan ibarətdir ki, adam var adına çoxsaylı nömrə var, amma ondan digərləri istifadə edir. Ancaq görürsən ki, həmin adam ya başqa ölkəyə köçüb, ya da vəfat edib. Buna baxmayaraq, adına olan nömrəni digəri istifadə edir. Bəzən bu kimi nömrələr müəyyən cinayətkar ünsürlərin əlinə keçir və bundan bir alət kimi istifadə edirlər. Digər bir problem ondan ibarətdir ki, nömrə satışı ilə məşğul olanlar bunu lazımi səviyyədə sənədləşdirməyib. Bu da, öz növbəsində, həmin mobil telefon nömrələrinin kimə məxsus olmasını müəyyən etməkdə çətinliklər yaradır. Ona görə də abunəçilərin dəqiq müəyyən olunması baxımından bu kimi addımların atılması məqsədəuyğundur".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...