Yediyimiz dondurmaların tərkibindən xəbərdarıqmı?

Tarix: 08.08.2015 / 02:46
Bölmə: Sosial

Eyyub Hüseynov: "Dondurmaların tərkibindəki kimyəvi maddələr bir sıra xəstəliklər yaradır"

"Dondurmalara istehsalda rəngləndiricilər, dadvericilər, qoxuvericilər vurulur ki, bunların da əksəriyyəti arzu olunmayan kimyəvi maddələrdən alınır"

Yay fəslinin ən sevimli qidalarından biri də dondurmadır. Uşaqdan tutmuş böyüyə qədər hər kəs dondurmanı sevərək alır. Bu günlərdə Türkiyənin Süleyman Dəmirəl Universitetinin Tibb Fakültəsi havaların isti keçməsi ilə əlaqədar daha çox istehlak olunan dondurmalarla bağlı xəbərdarlıq edib.

Fakültənin professorları əsasən meyvəli dondurmaların ciddi təhlükə mənbəyi olduğunu aşkarlayıblar. Bildiriblər ki, meyvə dadı almaq və ya dondurmaya həmin meyvənin rəngini vermək üçün müxtəlif kimyəvi maddələrdən istifadə edilir ki, bu da gələcəkdə xəstəlik risqini artırır.

Qeyd edək ki, meyvəli dondurma Azərbaycanda ən çox alınan sərinləşdirici desert növüdür. Türkiyəli həkimlərin meyvəli dondurmalarla bağlı səsləndirdiyi fikrə Azad İstehlakçılar Birliyinin sədri Eyyub Hüseynov münasibət bildirdi.

O qeyd etdi ki, yay aylarında istehlakçılar əsasən süd məhsulları və sərinləşdirici içkilərdən narahatlıq keçirir:

"Dondurma da süd məhsullarından hazırlanır. Onlara istehsalda rəngləndiricilər, dadvericilər, qoxuvericilər vurulur ki, bunların da əksəriyyəti arzu olunmayan kimyəvi maddələrdən alınır. Düzdür, o maddələrin icazə veriləni və qadağan olunmuşları da var. Amma onu kim yoxlayır? Elə bir laboratoriya yoxdur ki, onu araşdırsın. Dondurmaların tərkibində istifadə olunan sözügedən kimyəvi maddələr bir çox xəstəliklər yaradır. 2000-dən çox kimyəvi maddə və inqredient çeşidi var. Bunlar hamısı bizim nöqteyi-nəzərimizdən ziyanlıdır. Onların bir çoxu mədə-bağırsaq xəstəliklərinə, xərçəngə səbəb olur. Məsələn, dondurmaların istehsalında geniş istifadə olunan E 200, 211, 213, 214, 215 maddələri xərçəng yaradır. E 250, E 255 qan təzyiqinə təsir göstərir".

Həmsöhbətimiz təəssüf hissilə bildirdi ki, bu tip məsələlərə nəzarət edən xüsusi bir qurum yoxdur: "Maddələrin dondurmaya vurulma dozası var. Amma kimdir buna nəzarət edən? Dondurmadan yüzlərlə insan zəhərlənə zərər çəkə bilər. Amma mən bu vaxta kimi eşitməmişəm ki, Səhiyyə Nazirliyi hansısa kütləvi istehsal malından zəhərlənənlərlə bağlı məlumat yaysın. Səbəb isə həmin istehsalçıya elə bu qurumun özünün sertifikat verməsidir. Səhiyyə Nazirliyi belə bir informasiyanı ortalığa qoysa, həmin müəssisə də elə nazirliyin özünü günahlandıracaq. Səhiyyə Nazirliyinin verdiyi sertifikatı ortaya çıxaracaq".

E.Hüseynov qeyd etdi ki, Azərbaycanda 20-dən çox dondurma istehsalçısı var, lakin onlardan yalnız 1-i qida təhlükəsizliyi nişanına layiq görülüb: "2011-ci ildə ABŞ-ın İnkişaf Agentliyi USAİD bizə müraciət etdi və Azərbaycan mallarının rəqabətə davamlılıq layihəsini təqdim etdi.

Təklif etdi ki, Azərbaycan mallarının qida təhlükəsizliyi nişanını təsis edək. İlk dəfə olaraq qida təhlükəsizliyi nişanı təsis edildi, dünyanın 120-dən çox ölkəsinə bu barədə məlumat verildi. Biz dondurma istehsalçılarının xəbəri olmadan araşdırmalar apardıq, yoxlamalar keçirdik və yalnız bir dondurma istehsalçısı həmin qiymətləndirməyə uyğun gəldi. O da "İceland"dır. Digər dondurma müəssisələrinin fəaliyyəti isə bu nişana uyğun gəlmədi".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...