Azyaşlı anaların artmasının əsas səbəbi - erkən nikahlar...

Tarix: 08.08.2015 / 03:19
Bölmə: Sosial

Mehriban Zeynalova: "15-17 yaş arasında hamiləlik erkən nikah və qanunsuz münasibətlərdən xəbər verir"

"Erkən nikah hallarına qarşı cinayət məsuliyyəti var və bu kimi hallar daha ciddi nəzarətə alınmalıdır"

Erkən nikah problemi barədə nə qədər müzakirələr aparılsa da, vəziyyət, hələ ki, kritik olaraq qalır. Bu günlərdə Dövlət Statistika Komitəsi Azərbaycanda yaşı 16-dək və 16 olan qadınlar tərəfindən doğulan uşaqların sayının artması barədə məlumat yayıb.

Məlumatda qeyd olunur":2013-cü ildə Azərbaycanda yaşı 16-dək olan qadınlar tərəfindən 139 uşaq doğulduğu halda, 2014-cü ildə bu rəqəm 228-ə yüksəlib. 16 yaşlı qadınlar tərəfindən 2013-cü ildə 553 uşaq doğulduğu halda, 2014-cü ildə bu rəqəm 740-a çatıb. 17 yaşlı qadınlar tərəfindən 2013-cü ildə 2163, 2014-cü ildə 2328 uşaq dünyaya gətirilib. Azərbaycanda 17 yaşadək qadınlar tərəfindən doğulan uşaqların sayında artımın baş verməsinə baxmayaraq, 18 və 19 yaşlı qadınlar tərəfindən doğulan uşaqların sayı azalıb. Belə ki, 2013-cü ildə Azərbaycanda 18 yaşlı qadınlar tərəfindən 6197 uşaq, 2014-cü ildə 6083 uşaq, 19 yaşlı qadınlar tərəfindən isə 2013-cü ildə 10 042, 2014-cü ildə 9888 uşaq dünyaya gətirilib. Ümumilikdə ötən il Azərbaycanda yaşı 20-dək olan qadınlar tərəfindən doğulan uşaqların sayında da artım qeydə alınıb. 2013-cü ildə ölkədə yaşı 20-dək olan qadınlar 19 094, 2014-cü ildə isə 19 267 uşaq doğulub. 2014-cü ildə 15-19 yaşlı qadınlar tərəfindən 15 717 uşaq ailədə 1-ci, 3376 uşaq 2-ci, 167 uşaq 3-cü, 7 uşaq 4-cü uşaq kimi doğulub. Ötən il 12 748 uşaq rəsmi qeydə alınmış nikahda olmayan qadınlar tərəfindən dünyaya gətirilib".

Məsələ ilə bağlı fikir bildirən "Təmiz Dünya" İctimai Birliyinin sədri Mehriban Zeynalova bizimlə söhbətində qeyd etdi ki, 15-17 yaş arasında hamiləlik erkən nikah və qanunsuz münasibətlərdən xəbər verir: "Assosial mühitə düşən gənclər, normal ailə mühitində böyüməyən yeniyetmələrdə bu hal daha çox müşahidə olunur. İkinci bir tərəfdən, uşaq yaşda ana olmaq erkən nikahın nəticəsidir. Bu halların qarşısını almaq üçün iki istiqamətdə iş aparılmalıdır. Birinci, erkən nikahla bağlı aparılan işlərin gücləndirilməsi, ikinci isə assosial ailələrlə sosial iş aparılması çox vacib şərtdir. Azərbaycanda sosial iş, hələ ki, normal səviyyədə qurulmayıb. O ailələr ki, assosial ailələrdir, o ailələrdə ki, vəziyyətin qiymətləndirilməsi və sosial layihələrin həyata keçirilməsi şərtdir, bu iş aparılmadıqda arzuolunmaz hallarla qarşılaşmaq mümkündür. Vaxtında müdaxilə olunarsa, sosial işin təşkili düzgün qurularsa, bu cür halları müəyyən qədər önləmək olar".

Həmsöhbətimiz onu da bildirdi ki, erkən nikah hallarına qarşı cinayət məsuliyyəti var və bu kimi hallar daha ciddi nəzarətə alınmalıdır":Bəzi rayonlarda artıq qızların erkən nikaha cəlb edilməsi ilə bağlı insanlar cinayət məsuliyyətinə cəlb edilir və bu istiqamətdə iş aparılır. Lakin buna baxmayaraq, yenə də neqativ hallar üzə çıxır. Erkən nikah halları bütün regionlar üçün xarakterikdir. Konkret olaraq bir rayonun üzərində dayanmaq vəziyyəti real qiymətləndirməyə mane olur. Odur ki, monitorinqlər hərtərəfli aparılmalıdır. Əvvəllər belə bir stereotip var idi ki, erkən nikah halları yalnız cənub regionunda var. Lakin bu cür stereotiplər düzgün siyasətin qurulmasına mane olur. Odur ki, real vəziyyəti qiymətləndirmək üçün bütün regionlar nəzarət altına alınmalıdır".

M.Zeynalovanın sözlərinə görə, ölkədə bu istiqamətdə ciddi iş aparılmasa, bir neçə ildən sonra vəziyyət daha kəskin şəkildə qarşımıza çıxa bilər: "İlk növbədə ölkədə monitorinq qrupları fəaliyyət göstərməlidir. Bu qruplar tək bir qurumun əhatəsində olmamalıdır. Bu məsələdə ictimai iştirakçılıq proqramı olmalıdır və proqram çərçivəsində QHT nümayəndələri mütləq o monitorinq qruplarında təmsil olunmalıdır. Monitorinq formal xarakter daşımamalıdır və onun nəticələrinə uyğun olaraq sosial işin təşkili təmin olunmalıdır. Hər bir ailə ilə iş aparılmalı və problemin müsbət həlli yolu tapılmalıdır".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...