Bakıda tıxac probleminə qarşı iş saatları dəyişdirilə bilər

Tarix: 08.08.2015 / 03:51
Bölmə: Sosial

Paytaxt Bakının indiyə qədər həllini tapmayan problemlərindən biri də tıxaclardır. Gələn aydan etibarən bu problemin daha qabarıq surətdə yenidən özünü büruzə verməsi gözlənir. Buna əsas səbəb gələn aydan dərslərin başlamasıdır. Dərs ilində isə Bakıda tıxac problemi xeyli dərəcədə kəskinləşir. Digər tərəfdən, aparılan son araşdırmalar Bakıda avtomobillərin sayının sürətlə artdığını da üzə çıxarır.

Dövlət Statistika Komitəsinin (DSK) də məlumatına əsasən, son illərdə avtomobillərin sayı paytaxtda daha sürətlə artıb. Hazırda Azərbaycanda olan avtomobillərin 57 faizi Bakı qeydiyyatındadır. 2015-ci ilin əvvəlinə olan rəsmi məlumata əsasən, ölkəmizdə 1,291 milyon avtomobil qeydiyyatda olub. Onun 739,97 mini paytaxtda, qalanı regionlardadır. İllər üzrə rəqəmlərə nəzər saldıqda Bakıda avtomobillərin sayının kifayət qədər dinamik şəkildə artdığı müşahidə olunur. Məsələn, 1991-ci ildə Azərbaycanda 393 min ədəd avtomobil olub. Avtomobillərin 113 min ədədi və ya 28,8 faizi Bakıda, qalanı reionlarda olub. 2002-ci ilə qədər paytaxtda qeydiyyatda olan avtomobillərin sayı cəmi avtomobillərin 30 faizi qədərində olub. Amma 2003-cü ildən başlayaraq paytaxtda avtomobillərin sayında sürətli artım qeydə alınıb. 2003-cü ildə avtomobillərin 40 faizindən çoxu, 2004-cü ildə 45 faizindən çoxu, 2006-cı ildə 53 faizindən çoxu, 2010-cu ildə 61 faizindən çoxu, 2012-ci ildə 62 faizindən çoxu paytaxt qeydiyyatında idi. Ümumi say baxımından hazırda Bakıda avtomobillərin sayı kifayət qədər çox sayılır. Bu səbəbdən məsələ ilə bağlı müəyyən qabaqlayıcı addımların atılması zəruri sayılır. Belə fikirlər səslənir ki, Avropa Oyunları ərəfəsində və oyunların gedişində şəhər nəqliyyatına qoyulmuş məhdudiyyətlərin bəzilərinin tətbiqinə hələ də ehtiyac var.

Avropa Oyunları ilə əlaqədar tətbiq edilən məhdudiyyətlər nəticəsində şəhərdə tıxaclar, demək olar ki, sıfıra enmişdi. Lakin vəziyyət yenidən kəskinləşir. Hesablamalara görə, hər gün regionlardan Bakıya 100 minə qədər avtomobil gəlir. Bu, şəhərin mərkəz hissəsində olan avtomobil sıxlığını 40 faizə qədər artırır. Rəsmi statistikaya görə, Bakıda 739,97 min avtomobil qeydiyyatdadır. Amma onların yalnız 100-150 mini yollarda hərəkətdə olur. Buna görə də rayonlardan daxil olan 100 min avtomobil şəhər mərkəzindəki sıxlığa ciddi təsir göstərir. Çünki rayonların Bakı ilə əlaqələri həddindən yüksəkdir.

Ekspertlər hesab edir ki, tıxac probleminin yumşaldılması üçün yalnız ənənəvi deyil, eyni zamanda qeyri-ənənəvi metodlardan istifadə etməyə ehtiyac var. Belə metodlardan biri dövlət və özəl sektorlar üzrə işə başlama saatlarının fərqli olmasıdır. Əslində bu məsələ aktuallaşıb. Baş nazirin müavini Abid Şərifovin Azərbaycanda iş saatının dəyişdirilməsi ilə bağlı son fikirləri də bunu təsdiq edir. O bildirib ki, Azərbaycanda institutlar, dövlət müəssisələri eyni zamanda işə başlayır":Əksəriyyəti 9-da, ya da doqquzun yarısında. Biz bu qərarı qəbul etməzdən mən sizə konkret sxemlərdə təqdim edə bilərəm ki, hansı ölkələrdə necədir. Avropa ölkələrinin hamısında, yalnız Avropa ölkələri yox, bütün dünyada belədir". Abid Şərifov deyib ki, özəl sektorda iş saatının daha tez başlaması tövsiyə edirlər":Biz özəl sektora göstəriş verə bilmərik. Biz aidiyyəti qurumlarımızdan xahiş edirik, tövsiyə edirik ki, özəl sektorla danışıqlar aparsın. Onlar işə başlamalıdırlar saat 8-in yarısından səkkizəcən. Dövlət sektoru- 9-un yarısından 10-un yarısına qədər. Bank sektorunda isə iş saat 10-dan başlamalıdır". Aydındır ki, iş saatlarının dəyişdirilməsi təkcə tıxacların aradan qaldırılması və sıxlığın azaldılması deyil, həm də iqtisadi baxımdan vacibdir. Avropanın əksər ölkələrində olduğu kimi, dövlət, özəl və təhsil müəssisələrinin fərqli iş saatlarında işə başlaması və fərqli saatlarda işi başa çatdırması imkan verir ki, vətəndaşlar tıxacda az zaman sərf etsinlər. Bu da, xüsusən avtomobildən istifadə edərək işə gələnlərin yanacağına qənaət deməkdir.

Bundan başqa, iş vaxtlarının dəyişdirilməsi zamana qənaət deməkdir. İnsanların tıxacda az zaman sərf etmələri imkan verir ki, onlar tıxacda qaldıqları müddəti başqa işlərə sərf etsinlər. Azərbaycanda bütün sektorlar üzrə iş vaxtlarının eyni saatda başlaması və eyni nahar fasiləsi dövlət qurumlarında işləyənlərin özəl sektorun xidmətindən daha geniş istifadə etməsinə imkan vermir. Dövlət qurumunda işləyən şəxsin iş vaxtı bitən zaman özəl sektor və bankda iş vaxtı bitir. Eləcə də, nahar fasiləsi eyni saatda olduğundan hər hansı xidmətdən istifadə etmək mümkünsüz olur. Amma fərqli iş saatlarının olması və fərqli saatlarda bitməsi imkan verəcək ki, dövlət qurumları, xüsusən də bank sektorunun xidmətlərindən istifadə etmək mümkün olsun. Bu, ən əsası, tıxac probleminin həllində mühüm rol oynayacaq.

Tahir TAĞIYEV

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...