Dərman qiymətlərinin tənzimlənməsi icbari tibbi sığortanın tətbiqini tezləşdirə bilər

Tarix: 07.08.2015 / 02:37
Bölmə: Sosial

Musa Quliyev: "Bu, ümumiyyətlə, səhiyyədə bir çox problemləri həll edəcək"

"İcbari sığortanın nə vaxt işə düşəcəyini demək çətindir, çünki səhiyyədə ən çətin islahat maliyyə ilə bağlıdır"

Səhiyyə nazirinin müavini Elsevər Ağayev mətbuata açıqlamasında dərmanların qiymətinin tənzimlənməsilə bağlı bir neçə məqama toxunub. Onun sözlərinə görə, gələn ilin martına qədər bütün dərman preparatlarının qiyməti dövlət tərəfindən müəyyənləşdiriləcək.

Qiyməti tənzimlənməyən dərman qalmayacaq. Əczaçılıq məhsullarının qiymətinin vahid qaydada təyini isə digər bir problemin həllini asanlaşdıracaq. Belə ki, dərmanların qiymətinin tənzimlənməsi tibbi sığortanın tətbiqini tezləşdirə bilər. Dərmanların qiymətinin tənzimlənməsi yalnız icbari deyil, könüllü tibbi sığorta üçün də vacib sayılır. Çünki sığorta hadisələrinin baş verməsi nə qədər qeyri-müəyyən olsa da, həmin hadisələr zamanı ödənişin hesablanması konkretlik tələb edir. Tibbi sığorta zamanı sığorta ödənişinə daxil olan əsas elementlərdən biri isə dərmanların dəyəridir.

Sığorta Nəzarəti Xidmətinin rəisi Namiq Xəlilovun sözlərinə görə, bu məsələnin maliyyə tutumunu da müəyyənləşdirmək çox çətindir: "Məsələn, qiymətlər həmin günün tələbinə uyğun olaraq, onların maliyyə tutumu ona əsasən hesablanır. Sabah qiymət 20 faiz civarında artdıqda isə görürsünüz ki, ilin əvvəlində nəzərdə tutulan məbləğ kifayət etmir".

Qonşu ölkələrin təcrübəsi göstərir ki, icbari tibbi sığortanı daha uğurla tətbiq edən ölkələr də əvvəlcə dərmanların qiymətini tənzimləyib. Hazırda icbari tibbi sığortanın Azərbaycan modelinin hazırlanması ilə hökumətdə yaradılmış xüsusi komissiya məşğul olur.

Maraqlıdır, sözügedən məsələyə ekspertlərin yanaşması necədir?

Millət vəkili Musa Quliyev hesab edir ki, Azərbaycanda dərmanların qiymətinin tənzimlənməsi siyasətinin dövlət tərəfindən həyata keçirilməsi problemin iqtisadi yolla təmin edilməsinə gətirib çıxaracaq: "Bu siyasət nəticəsində dərmanlar ölkənin hər yerində eyni qiymətə satılacaq. Buna görə də şirkətin qazancının müəyyən faizini həkimlərə vermək ehtiyacı olmayacaq. Dərman qiymətində fərq olmadığına görə bu işdə əlavə və zəhmətsiz qazanc əldə etmək şansı olmayacaq. Problemin həllinin hüquqi yolu icbari tibbi sığortanın tətbiq edilməsidir. İcbari sığortanın tətbiqi son mərhələdədir. "İcbari sığorta haqqında" Qanun qəbul ediləndən sonra sığorta şirkətləri sığorta etdiyi vətəndaşın əlavə pul xərcləməsində maraqlı olmayacaq. Bununla da əlaqə-nəzarət mexanizmi yaradılacaq. İcbari sığorta edən şirkət xəstəyə daha az dərman yazan klinika və həkimlə müqavilə imzalayacaq. Çünki heç bir sığorta şirkəti lazımsız yerə pulunu xərcləməkdə maraqlı olmayacaq. Ona görə də klinika və həkim bir neçə xəstəyə çox dərman yazmaqdansa, daimi müqavilə imzalamaqda maraqlı olacaq. İcbari sığorta işə düşənə qədər bu məsələ inzibati yolla həll olunmalıdır. Dərman qiyməti dövlət tərəfindən tənzimlənəndən sonra şirkət məhsulu dəfələrlə baha sata bilməyəcək, yalnız 20 faiz gəlir götürə biləcək.

Nəticədə şirkət rəhbəri həkimlərlə əməkdaşlıqda maraqlı olmayacaq. Bu tənzimləmə həkimlər üçün maraqlı olmayan məsələdir. İcbari sığorta isə, ümumiyyətlə, səhiyyədə bir çox problemləri həll edəcək. İcbari sığortanın nə vaxt işə düşəcəyini demək çətindir, çünki səhiyyədə ən çətin islahat maliyyə ilə bağlıdır. İcbari sığortanın qəbul olunmasında nə tələsmək, nə də gecikmək olar. Doğru vaxtı müəyyən etmək üçün ciddi işləmək lazımdır. Növbəti ildən bir rayonu pilot layihə kimi seçərək sonradan prosesi genişləndirə bilərik".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...